Fakta
Atorfiup suussusaa: Communication Manager
Suliffeqarfik: Visit Greenland
Qinnuteqarfissamut killigititaq: Qinnuteqaatit
ingerlaavartumik suliarineqassapput.
Attavissaq: Head of Content and Administration,
Helene Lyberth
Steffensen, maili Helene@visitgreenland.com
imaluunniit oqar.: +299 533610
Takornariaqarnerup iluani
pingaarutilimmik Kalaallit Nunaat ineriartortitsiviuleruttorpoq. Siornatigut
takusimanngisatsitut nunarsuup sinneranut nunarput
ammaakkaluttuarneqarpoq, aammalu
takornariaqarnermut naatsorsuutit alliartuinnarlutik. Tamannalu nutaanik
piumasaqaateqarfiuvoq, soorlu nunat tamalaat akornanni nunatsinnilu
takornariaqarnerup ineriartornera pillugu oqaluttuarinninnissatsinnut.
Taamaammat pikkorissumik Communication Managerissarsiorpugut, takornarialerineq
pillugu oqaluttuanik pitsaasunik nassaarsiullaqqittumik aammattaaq
oqaluttuallaqqissumik. Suliassaqarfiup oqallisigineqaleruttortup ataani
atorfimmi pingaarutilimmi sulerusukkuit – taava imaassinnaavoq illit
tassaasutit ujagarput?
Atorfik pillugu
Visit Greenlandip immikkoortortaqarfiani attaveqarnermut
nutaarsiassiinermullu suleqatigiivinut ilaasutut akisussaaffigissavatit
nutaarsiassiinissanut ataqatigiissaarinissaq siammarterisarnissarlu.
Attaveqarnikkut suliassat assigiinngissutsimikkut siammasissut
suliarisassavatit, takornarialerinikkut inuussutissarsiuteqartut oqaluttuaannik
Visit Greenlandillu suliaanik ersersitsiniaaqataassallutit.
Pingaarnertut
suliassatit tassaassapput:
● Visit Greenlandip
anguniagai ikorfartorniarlugit periusissiornikkut attaveqarnermut
pilersaarusiornissaq
● Allakkianik
pilersiortorlutillu erseqqissaallutillu oqariartuutinut, atuisunut
siammarteriffinnullu assigiinngitsunut naleqqussarlugit pilersiortornissaat
naleqqussarnissaallu
● Nutsigassat
ataqatigiissarlugit pitsaassusaasallu qulakkeerlugit.
● Visit Greenlandip
suliniutaanit ilisimasat, angusat paasisimasallu paasissutissiarinissaat
suliaralugit
● Oqaluttuat pitsaasut
ujartornissaat oqaluttuareqqinnissaallu qulakkeerlugit
● Suliffeqarfimmi
sulisut sinneri qanimut suleqatigalugit, siammarteriffiit akimorlugit
attaveqatigiinnerup ataqatigiissuunissaata aaqqissugaanissaatalu
qulakkeernissaa
Illit pillutit
Makkuninnga piginnaasaqarnissaq
pingaartipparput:
● Attaveqaqatigiinnermut tusagassiutilerinermulluunniit
attuumassuteqartumik ilinniagaqassasutit
● Aaqqissuussaasumik aamma anguniagaqarlutit piffissaq
ungasinnerusoq eqqarsaatigalugu pilersaarusiorlutit sulisartutit,
immikkuualuttunullu tappittuullutit
● Ulapaarfimmi tamakkiisumik isiginnissinnaasoq
● Kalaallisut danskisullu oqallorissuusutit
allallaqqissuullutillu, oqaaseqarnikkullu ersarissumik, eqqortumik pisunullu naleqqussakkamik
atuisinnaassuseqarlutit. Tuluttut aamma oqallorissuuguit pitsaaqutaassaaq.
Inuttut nukittuffigisatit:
● Alapernaatsoq oqaluttuanillu pitsaasunik
ujarlillaqqissoq
● Oqaasissaminik oqimaalutaallaqqissoq
atassuteqalersitsisinnaasorlu
● Pilersitsisinnaasoq isumassarsiarpassualillu –
taakkununngalu ilutigitillugu qanoq suliavit naammassinissaanik ilisimasalik
● Piffissamik eqqorluaasartoq aamma
nammineersinnaassusilik
● Sungiussiasoq aamma ikiuukkumatooq
Ima
atorfimmut qinnuteqassaatit
Sullivik Visit Greenlandip Nuummi
allaffiani inissisimavoq. Sapaatit akunneranut piffissaq suliffiusoq akunnernik
40-nik sivisussuseqartussatut naatsorsuutigineqarpoq.
Akissarsiat atorfeqarnermilu
atugassarititaasut piginnaasat misilittakkallu tunngavigalugit immikkut
isumaqatigiissutigineqassapput.
Piaartumik atorfiup inuttalerneqarnissaa
kissaatigaarput – eqqortulli atorfinitsinnissaa salliutinneqassaaq. Qinnuteqaatit ingerlaavartumik suliarineqassapput, taamaammat qinnuteqaatit
piaartumik uunga nassiuguk: Helene Lyberth Steffensen, Head of Content &
Administration, helene@visitgreenland.com.
Visit Greenland pillugu
Visit Greenland tassaavoq Kalaallit Nunaanni takornariaqarnermut
siunnersuisoqatigiffik Namminersorlutik Oqartussanit tamakkiisumik
pigineqartoq. Nittarsaassineq aamma niuerfimmik ineriartortitsineq
aqqutigalugit Kalaallit Nunaata misigisassarsiorfissatut nittarsaanneranik
Visit Greenland suliaqarpoq, nunat tamalaat akornanni aamma Kalaallit Nunaanni
Visit Greenlandimut soqutigisallit suleqatigalugit.
Suliffeqarfik pillugu uani paasisaqarnerusinnaavutit.
