Visit Greenland pisortassarsiorpoq

Visit Greenland siumut takorluuisinnaassusilimmik niuernikkullu piginnaasaqarluartumik pisortassarsiorpoq, Nunatta tikitassatut nunat tamalaat akornanni inissisimaneranik nukittorsaasinnaasumik nunattalu misigisassarsiorfissatut nunat tamalaat akornanni soqutigineqarneranik annertusaasinnaasumik, peqatigisaanillu Nunatta tunngaviliussai naapertorlugit takornariaqarnerup piujuartitsisussamik akisussaassusilimmillu ineriartortinneqarnissaanik sulissuteqarsinnaasumik.

Atorfik Nunatsinni inuussutissarsiutit pingaarnerpaat ilaata ineriartortinneqarnerani qitiusumik inissisimavoq inuussutissarsiuteqartullu, inuiaqatigiit oqartussallu suleqatigalugit siunnerfiliinissamut, ataqatigiissitsinissamut sunniuteqarnissamullu akisussaaffimmik annertuumik imaqarluni.

Nunatsinni takornariaqarnerup ineriartortinneqarnerani qitiusumik inissisimaffeqarneq

Takornariaqarnerup inuussutissarsiutitut piujuartitsisumik naleqalersitsisumillu nunarpullu tamakkerlugu iluaqutigineqarluni ineriartortinneqarnissaa Visit Greenlandimit sulissutigineqarpoq. Peqatigisaanik suliffeqarfik nunat tamalaat akornanni ersarinnerulernissamut soqutiginninnerullu Nunatsinnut tikeraartoqarneranik kinguneqarnissaanut qitiusumik inissisimavoq inuussutissarsiuteqartut, oqartussat peqatigisallu qanittumik suleqatigalugit.

Pisortatut aaqqissuussaanermi piginnaaneqarfigilluarneqartut katersornissaat pingaarutilimmik inissisimaffigissavat, suliniuteqarnerullu nunat tamalaat akornanni ersarissumik inissisimatitsilernissaanik, piumaneqarnerup annertusarnissaanik piffissarlu ungasinnerusoq eqqarsaatigalugu inuiaqatigiinnut naleqalersitsinissaanik qulakkeerinnillutit.

Atorfik – akisussaaffik aamma suliassat

Pisortatut Visit Greenlandip periusissiornikkut, suliatigut aaqqissuussaanikkullu aqunneqarneranut qullersatut akisussaasuussaatit.

Siulersuisunut attaveqassaatit aaqqissuussaanermillu suliatigut piginnaasaqarluartumik ingerlalluartumillu ersarissumik siunnerfilerneqarsimasumik suliatigullu qaffasissumik pitsaassusilimmik qulakkeerinninnissaq akisussaaffigalugu.

Suliassat pingaarnerit ilaatigut tassaapput:

• Kalaallit Nunaata nunat tamalaat akornanni tikitassatut inissisimaneranik ineriartortitsineq nukittorsaanerlu, niuerfinnik saaffiginiakkanillu pingaarnersiuinerup ersarissarneqarnissaa ilanngullugu kiisalu nunarsuarmi takornariat pillugit unammilleqatigiinnermi sunniussinnaanermik qulakkeerinissaq.
• Visit Greenlandip periusissiukkamik aqunnissaa ineriartortinnissaalu naleqalersitsisumik piujuartitsisumillu takornariaqarneq ukkataralugu, tassungalu ilanngullugit iliuusissat saaffiginiakkallu pingaarnersiorneqarneri.
• Periusissiap nittarsaassinerullu piumaneqarnerulernermik, tunisat annertusinerinik niuerfimmillu uppernarsarneqarsinnaasumik sunniuteqarnernik kinguneqartinnissaat.
• Aaqqissuussaanermi aqutsineq ineriartortitsinerlu, atugarissaarnissaq, siunnerfiliinissaq suliatigullu qaffassaanersup nukittorsarneqarnerata ingerlateqqinnissaa.
• Siulersuisunik suleqateqarneq aammalu aningaasaqarnermut, pingaarnersiuinermut paasissutissallu tunngavigalugit aalajangiisarnikkut suleriaaseqarnermut akisussaaffeqarneq.
• Inuussutissarsiuteqartut, najukkani inuiaqatigiit, oqartussat nunallu tamalaat akornanni ingerlatsisut akimorlugit attaveqarnernik peqateqarnernillu sunniuteqarluartunik pilersitsineq.
• Naleqalersitsiniarneq akimorlugu - isumassarsiornermit pisinermut - ataqatigiissumik suliniuteqarnissamik qulakkeerinninnissaq ataqatigiissaarinikkut ingerlatsisullu qitiusut ataatsimoortinnerisigut.
• Nunatta tikitassatut nunami namminermi nunallu tamalaat akornanni eqeersimaartumik inissisimatinnissaa sinniisuuffiginissaalu aammalu takornariaqarnerup ineriartortinneqarnerata innuttaasut akornanni siammasissumik tapersersorneqarnissaata qulakkeernissaa.

Ilisarnaatitit – misilittakkat piginnaasallu

Pisortamik periusissiatigut ataatsimut isiginnissinnaassuseqarluartumik, niuernermut paasisimasaqarluartumik suleqatigiinnikkullu angusaqartitsisinnaassuseqartumik pissarsiorpugut.

Ilinnut pingaartippagut:

• Nunatsinni tunngaveqarluarnissaq inuiaqatigiillu, kulturi inuussutissarsiutillu annertuumik paasisimasaqarfiginissaat aammalu innuttaasut akornanni uppernassusermik pilersitsisinnaanissaq.
• Aqutsinermik misilittagaqarluarnissaq aaqqissuussaanermilu suliatigut qaffasissumik piginnaasaqarfiusumi siunnerfiliinissaq, atugarissaartitsinissaq maligassiuinissarlu piginnaasaqarfigalugu.
• Niuernermut paasisimasaqarluarnissaq nittarsaassinerullu aamma ilisarnaasiinerup piumaneqarnermik tunisaqarnermillu kinguneqartinnissaannik misilittagaqarnissaq.
• Periusissiukkamik paasissutissallu tunngavigalugit sulisinnaassaatit sunniuteqarnissaq, pingaarnersiuinissaq naleqalersitsinissarlu ukkataralugit.
• Aningaasaqarnikkut aqutsinermik, siulersuisunik suleqateqarnermik aamma pisortat politikkikkullu soqutigisallit sunniivigeqatigiinnerannik misilittagaqarnissaq.
• Aqutsisoq ataatsimoortitsisinnaasoq tatiginartorlu soqutigisallit siammasissumik katitigaaffianni sulinissamut piginnaasalik.
• Attaveqaqatigiinnermut piginnaasaqarluartoq nunamilu namminermi nunallu tamalaat akornanni erseqqissumik uppernassusilimmillu saqqummiussisinnaasoq.

Ilinniakkatigut tunuliaqutarisatit assigiinngiiaarsinnaapput. Pingaarnerpaavorli atorfimmi iluatsitsilluarnissamut suliatigut aqutsinikkullu tunngavissaqarluarnissat.

Neqeroorutigaagut

• Pisortatut atorfik qitiusoq Nunatsinni inuussutissarsiutip pingaarutillip ineriartortinneqarneranut sunniuteqarluartoq.
• Periusissiatigut erseqqissumik siunnerfiliinissamut inuiaqatigiinnullu inuussutissarsiortunullu uppernarsarneqarsinnaasumik naleqalersitsinissamut periarfissaqarneq.
• Aaqqissuussaaneq suliatigut qaffasissumik piginnaasaqarfiusoq aqutsinissamullu sinaakkusiussat pisariusinnaasut, isumaqarluartulli.
• Akissarsiat ataatsimoortut pitsaasut, isumaqatiginninniutigineqartussat illillu piginnaasannut misilittakkannullu naapertuuttut.

Qinnuteqarnerup sulisussarsiornerullu ingerlanneqarnera

Sulisussarsiornerup ingerlanneqarnera Thomsen Consultingimit isumagineqarpoq. Qinnuteqaatinik ingerlaavartumik suliarinnittarpugut qinnuteqartunillu piukkunnartunik oqaloqatiginninnissamut aggersaasarluta.

Apeqqutissaqaruit Niels Thomsen, Thomsen Consulting, attavigisinnaavat: +299 586636 / +45 5432 8408 imaluunniit niels@thomsen.gl.