FAKTA
Atorfik suussusaa: Travel Trade & PR manager
Suliffeqarfik: Visit Greenland
Qinnuteqarfissamut killigititaq: Qinnuteqaatit
ingerlaavartumik suliarineqassapput
Attavissaq: Head
of International Relations, Tanny Por, mail tanny@visitgreenland.com
Angalaneq nuannariviuk, aammalu
piorsarsimassuserput, pinngortitatta inuillu nunarsuarmioqatitsinnut
oqaluttuarinissaat soqutigisarilluarpiuk? Maanna periarfissaqalerputit
aallukkusutannik atorfeqalernissannut, Kalaallit Nunaannilu takornariaqarneq
ineriartortitseqataaffigalugu. Visit Greenlandimi pingaarnertut suliassaraarput nunat tamalaat akornanni
Kalaallit Nunaat misigisassarsiorfittut nittarsaanissaa
pilerisaarnissaalu, maannakkorpiarlu
tunniusimasumik alapernaatsumillu Travel Trade & PR manageritut
suleqatissarsiorluta nunat tamalaat akornanni nittarsaassinermik
soqutigisalimmik.
Immikkoortoqarfitsinni
nunat tamalaat akornanni attaveqaqatigiinnermi suleqatigiinni suleqataaleruit
angalanermi nittarsaassinerit, tusagassiuutinik isumaginninnerit, ussassaarineq
periusissiatigullu suleqatigiinnerit akisussaaffigilissavatit. Travel Trade
& PR Manageritut Kalaallit Nunaat, nunat tamalaani
ilisimaneqarlualernissaanut pingaarutilimmik suleqataassaatit,
takornariaqarnermilu inuussutissarsiortut nunat tamalaat akornanni
angallannermut suliaqarfimmut atassuteqarnerannik nukittorsaaqataallutit.
Atorfik pillugu
Suliassatit pingaarnerit tassaassapput:
● Kalaallit Nunaata
misigisassarsiorfissatut pilerinartutut nunat tamalaat akornanni angallannermik
nittarsaassinerni suliaqarfimmilu naapittarfinni pilersaarusiornissaa,
ataqatigiissarnissaa saqqummiuttarnissaalu.
● Nunat tamalaat akornanni
soqutigisaqartunut attuumassutilinnut atassuteqarnerit nassaariortornissaat,
uppernarsaasiornissaat ineriartortinnissaallu (angalatitsisartut,
tusagassiuutit, kattuffiit allallu).
● Angalatitsisartut tusagassiortullu
paasisassarsiorlutik angalanissaannik pilersaarusiorneq ingerlatsinerlu.
● Kalaallit Nunaanni
takornariartitsinermik suliaqarfimmut aamma nunat tamalaat akornanni
suleqatigisartakkanut ilisimasanik katersineq, ilusiliineq saqqummiussinerlu.
● Allaffissornikkut suliassanik
qitiusunik isumaginninneq, tassunga ilanngullugit CRM, nalunaarusiorneq
missingersuutinullu malitseqartitsineq.
Illit pillutit
Makkuninnga piginnaasaqarnissaq
pingaartipparput:
● PR, attaveqaqatigiinneq imaluunniit
takornariaqarnermik misilittagaqarneq – angalanermillu suliassaqarfik
tusagassiuutillu paasisimasaqarfigigaanni iluassaaq.
● Kalaallit Nunaanni takornariartitsisarnerup aamma
travel tradep ilisimasaqarfiginerat; tusagassiortunik agentinillu
angalatitsinerit pilersaarusiorneqarnerinik ingerlanneqarnerinillu
misilittagaqarneq
● Digitalimik aaqqissuulluakkamik
suliaqarsinnaalluarneq – CRM-imut aammalu PR-imut/tusagassiuutinut sakkussanik
sungiusimasaqarneq.
● Tuluttut, kalaallisut danskisullu
allallaqqissuullutillu oqallorissuuvutit.
Inuttut nukittuffigisatit:
● Oqaasissaminik oqimaalutaallaqqissoq
atassuteqalersitsisinnaasorlu – piorsarsimassutsit aaqqissuussaanerillu
akimorlugit attaveqatigiilersitsinissamut pikkoriffilik.
● Siusissukkut iliuuseqarniartartoq,
aaqqissuulluakkamik suleriaaseqartoq pisussaassutsiminillu
ilaginnaajumanngitsoq –angusanik tigussaasunik pilersitsinissamik
kajungerisalik.
● Immikkuualuttunik pingaartitsisoq, piffissamik
eqqorluaasoq arlalinnillu ataatsikkut suliaqarsinnaasoq – isumaqatigiissutit
eqquutsittarpatit malittareqqittarlugillu.
● Namminersorsinnaasoq, eqaatsumik suleriaaseqartoq
ikiuimatoorlu – avatangiisini assigiinngisitaarfiusuni suleqatigiinnermillu
pingaartitsiffiusuni sulinermik nuannarisaqartoq.
● Allaffimmi najuulluni aammalu ungasianit
qarasaasiakkut suleqatinik suleqatigisartakkanillu suleqatiginnilluarsinnaasoq.
Atorfimmut
imatut qinnuteqassaatit
Sullivik Visit Greenlandip Nuummi
allaffiani inissisimavoq. Sapaatit akunnerannut piffissaq suliffiusoq
akunnernik 40-nik sivisussuseqartussatut naatsorsuutigineqarpoq.
Akissarsiat atorfeqarnermilu
atugassarititaasut piginnaasat misilittakkallu tunngavigalugit immikkut
isumaqatigiissutigineqassapput.
Novembarimi 2025-mit atorfinitsitsinissaq
kissaatigaarput – eqqortulli atorfinitsinnissaa salliutinneqassaaq.
Qinnuteqaatit ingerlaavartumik suliarineqassapput, taamaammat qinnuteqaatit
piaartumik uunga nassiuguk: Tanny Por, Head of International Relations, tanny@visitgreenland.com. Atorfik pillugu apeqqutissaqaruit
oqarasuaatikkut uunga sianersinnaavutit: +45 2076 9690.
Visit Greenland pillugu
Visit Greenland tassaavoq Kalaallit Nunaanni takornariaqarnermut
siunnersuisoqatigiffik Namminersorlutik Oqartussanit tamakkiisumik
pigineqartoq. Nittarsaassineq aamma niuerfimmik ineriartortitsineq
aqqutigalugit Kalaallit Nunaata misigisassarsiorfissatut nittarsaanneranik
Visit Greenland suliaqarpoq, nunat tamalaat akornanni aamma Kalaallit Nunaanni
Visit Greenlandimut soqutigisallit suleqatigalugit.
Suliffeqarfik pillugu uani paasisaqarnerusinnaavutit.
