Isumaginninnermut Aqutsisoqarfik Paarisamut allaffimmi pisortamik pissarsiorpoq

Isumaginninnermi Aqutsisoqarfik Paarisamut allaffimmi pisortassarsiorpoq, Meeqqanut, Inuusuttunut Ilaqutariinnut Nunamullu Namminermut Naalakkersuisoqarfimmi, suliassaqarfiit assigiinngitsut akornanni suliniutinut malittarinninnermullu immikkoortortaqarfiusumut (ATM) 

Paarisa pitsaaliuineq peqqissutsimillu siuarsaaneq, isumaginninnermi aamma peqqissutsikkut susassaqarfiini immikkoortut assigiinngitsut akimorlugit suliaqartarpoq.

Suliniutivut Innuttaasut peqqinnerulernissaannut pilersaarummiik Inuuneritta III -miit aallaaveqarput aamma innuttaasut qanimut suleqatigalugit ineriartortinneqarlutik - sumiiffimmi suut kissaatigineqarnersut, suut pingaaruteqarnersut periarfissallu aallaavigalugit sumiiffinni aallartisaanerit ukkataralugit. Suliniutit suleqatigineqartut peqatigalugit immikkoortortaqarfiit akimorlugit ineriartortittarpagut, sumiiffimmi pisariaqartitat ataqqilluinnarlugit.

Allaffimmi pisortatut Paarisami qitiusumik aqutsisutut ineriartortitsisutullu inissisimassaatit. Pingaaruteqarpoq, suliassaqarfik pissanganartutut isigissagit – kisiannili aqutsisutut ersarissuunissat pingaaruteqarneruvoq, suleqatinut atassuteqaatinik pitsaasunik pilersitsiortortoq aamma pisariaqartitaat ingerlalluarnerallu eqeersimaartumik tapersersorlugit. Pingaaruteqartipparput suliffeqarfiup kulturia, sulisut ilaatinneqarlutik, ataqqinninneq aamma tapersersuineq misigissagaat, ulluinnarnilu illit aqutsisutut atugarissaarnermut ineriartornermullupeqataatitsissallutit.. Paarisami allaffimmi pisortatut immikkoortortaqarfimmi pisortamut suliassaqarfiit assigiinngitsut akornanni suliniutinut malittarinninnermullu immikkoortortaqarfiusumut, toqqaannartumik inissisimassaatit.

Atorfik pillugu 

Ilaatigut suliassat makkuupput: 

• Paarisa immikkoortortatut aqunnissaa, suleqatigiiaani 7-iusunisuleqatigiittulik: Suli Atualinngittuni susassaqarfik, Qamani, Kinguaassiuutitigut peqqissuseq, Killiliisa, Siusissukkut Suliniuteqartut, Manu aamma Ataatsimoorfiit sulisut katillugit 17-iupput kiisalu ilinniaatigaluni ikiorti ataaseq. 

• Sulisoqarnermut tungasut suliarinissaat aamma ersarissumik tatiginartumik ineriartornermullu sammisumik aqutsineq qulakkeernissaa.

• Immikkootortaqarfimmi pisortamut suliassaqarfiit assigiinngitsut akornanni suliniutinut malittarinninnermullu immikkoortortaqarfiusumut aamma naalakkersuisoqarfiup pisortaanut qanimut suleqateqarneq. 

• Suliniutit ataqatigiisarneri, suliniutit aamma politikkikkut tulleriaarinerit peqqinnermik siuarsaanerm aamma Pitsaaliuinerup iluani sulianik malitseqatitsineqr.

• Qulakkiissallugu Paarisap sulinera Naalakkersuisoqarfiup pingaarnertut anguniagai tapersersussallugit aamma aalajangiinermitunngaviit qajannaatsutsuleqataaffigissallugit 

Suliassat immikkut ittut

• Ataatsimiinnerni immikkoortortaqarfimmi pisortamit aqunneqartuni imaqarniliorneq.

• Immikkoortortaqarfimmi pisortarlu isumaqatigiinneq aallaavigalugu saaffiginnissutinik akissuteqartarneq oqaaseqaatinillu suliaqarneq.

• Sulianik ingerlaavartunik akisussaaffeqarneq suliniutinillu ataqatigiissaarineq.

• Suliassat takkussuuttut suliaralugit, namminersorluni naalakkersuisoqarfiulluunniit immikkoortortai suleqatigalugit suliarineri 

Ilinnut tunngasut 

Suleqatissarsiorpugut:

• Naleqquttumik kandidatitut qaffasissusilimmik ilinniagaqarsimanissat. 

• Peqqissutsimut siuarsaanermut, pitsaaliuinermut aamma isumaginninnerup susassaqarfiani sulinissamut soqutiginnittoq – kisianni siullertut aqutsisutut ersarissusilimmik sulerusussusilik, suleqatigiit akornanni atugarissaarnikkut ineriartornikkullu lu tapersersuisoq 

• Aqutsisutut sulinermik misilittagalik imaluunniit aqutsisutut akisussaasutut inissisimarusuttoq.

• Nammineq sulisinnaasoq, ulluinnarni ulapaarfiusumi ilusilersukkamik aamma ineriartornermik sammisumi.

• Kalaallisut qallunaatullu oqalunnikkut allakkatigullu attaveqaqateqarsinnaasoq. 

• Paasissutissanik katititikkanik aamma ingerlariaatsinik ataatsimut takunnissinnaanermut piginnaasalik

• Suleqatikkuminartoq suleqatit akornanni suleqateqarsinnaasoq, avataaneersunik aammalu inuiaqatigiit akornanni suleqatiginnissinnaasoq.

Paarisa aamma Naalakkersuisoqarfik pillugu 

Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissamullu tunngasunik pi suliaqartarpugut. Sumiiffimmi inuiaqatigiit aamma sammisaqatit ilagalugit suliniutit ineriartortinneratigut suliagut oqaloqateqartarnikkut aallaaveqarput, qajannaattumik isumalinnillu aaqqissuutaasunik piujuartitsinermik pilersititsisut.

Isumaginninnermut Aqutsisoqarfik katitsinerup kingorna Paarisa aaqqiissuusaanikkut, Meeqqanut, Inuusuttunut Ilaqutariinnullu Nunamullu Namminermut Naalakkersuisoqarfimmi, suliassaqarfiit assigiinngitsut akornanni suliniutinut malittarinninnermullu immikkoortortaqarfiusumut (ATM), inissisimalissaaq. Siunissami naalakkersuisoqarfiup aamma aqutsisoqarfiup aaqqiissuusaanera suli ineriartortinneqarpoq. 

Kalaallit nunaanni immikkoortortaqarfimmi aqutsisoq peqatigalugu peqqissutsimut siuarsaanermut, pitsaaliuinermullu sammivissamut inisseeqataarusuppit, ilutigalugulu Paarisami ersarissumik aqutsisuullutit suleqatinut ingerlaluartitsisoq ineriartortitsisorlu? Taava una immikkoortortamik aqutsisutut atorfik ilinnut tulluartuuvoq 

Atorfimmut tungasumik annertunerusumik apeqqutissaqaruit taava suliassaqarfiit assigiinngitsut akornanni suliniutinut malittarinninnermullu immikkoortortaqarfiusumut pisortaq, Helena Lynge Møller mailikkut: helm@nanoq.gl attavigisinnaavat, oqarasuaatikkulluunniit: 56 31 80

Qinnuteqarnissamut killigititaq:

Marlunngorneq februarip 3.-ni nal. 12.00

Aningaasarsiat atorfeqartitaanermilu atugassarititaasut.

Atorfik akissaateqarfimmi LR 36-mi maanna inissisimavoq. 1. april 2025 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.102 ukiumullu Kr. 685.224.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Naalagaaffimmi tjenestemand-it AC-tut isumaqatigiissutit arlalissuit naapertorlugit atorfillit, ilaatigut DJØF-ip Finansministeriallu akornanni isumaqatigiissutit naapertorlugit, Kalaallit Nunaanni Namminersorlutik Oqartussat ataanni atorfininnermut atatillugu aningaasarsiaqaatiginagu sulinngiffeqarallarsinnaatitaanermut pi-sinnaatitaaffeqarlutik. Aammattaaq Nunamut namminermut ministeriaqarfiup kommuninut nunallu im- mikkoortortaanut inassutigisimavaa, Kalaallit Nunaanni Namminersorlutik Oqartussat

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk