1-2 HR-imi pisortatut siunnersorti(t), attaveqarfitsialannik sianiginnittoq(-tut)

Kalaallit Nunaanni Peqqinnissaqarfimmi HR-imi iliuuserisamik ineriartortitseqqinnermi ilusilersuinermilu peqataarusuppit, tassalu peqatigiilluta tamatuminnga kivitsiviginniffigisatsinni, illillu iliuuserisatit aaqqissuussiffimmi tamarmiusumi malugineqarsinnaassallutik? Tassaavit HR-imi ilisarnaatilik misilittagalik, sulianut tunngasunut nukittussuseq qanilaarnermik, misissueqqissaarisartutut ilisimannittuunermik, aamma piumassuseqqortunermik ataqatigissaarisinnaasoq – aammalu pisortat sulisullu pitsaanerpaanik piginnaasaqartilernissaat peqataaffigerusuppigit?

Aaqqissuussiffimmi katitigaasumi inissisimaffigisaq qitiusoq

HR-imi pisortatut siunnersortitut tassaalissaatit HR-imi suleqatigiit arfineq-marlunnik sulisoqartup ilaa. HR-imi pisortarput qanimut suleqatigalugu HR-imik suliassaqarfiup ineriartorteqqinnissaanut, ingerlatarinissaanullu akisussaaffeqalissaatit, taamaalilluni taanna peqqinnissaqarfiup periusissialigaasutut anguniagaanik tapersersuisissallugu, aammalu ’uagutut’-ittumik kultureqassutsimik peqqinnartumik, pikkoriffigisamik tatiginnittuusumillu pilersitsisoqassalluni.

Suliassatit ilaatigut makkuussapput:

• HR-imut attuumassutilittut apeqqutini tamani pisortanik siulersuisunillu siunnersuillunilu tapersersuinerit
• Sulisunut inatsisilerinerup allaffissornerullu iluini oqaloqatiginninnerit, sulianillu isumaginninnerit naammassisarneri
• HR-imi politikkit, najoqqutassat, aamma siulersuisoqarfimmut aalajangiiffigisassatut tunngavissiat ineriartortillugillu atuutsilerneri
• Aaqqissuussiffimmi aamma pisortaqarfimmi ineriartortitsinermik pilersitanik ingerlataqarnerit
• HR-imi suliniutit ineriartortitsinermut sammivillit aqullugillu ataqatigiissaarneri.

Sulinerup aallartinnerani suliassat pingaarnerpaaq tassaassaaq alapernaatsuullunilu tusarnaartuuneq. Peqqinnissaqarfik, kultureqassuseq suleqatillu ilinniarnissaannut ilinnut piffissamik atuiffiussaaq – sumiiffimmimi ingerlat ataatsimoorfiillu akorluarsimalerukkit ilinnut inissisimaffigisanni iluatsitaqarnissannut tunngavissannik pitsaanerpaanik tunniussaqassaatit.

’Uagutut’-ittumik kultureqassutsimik nukittuumik aallaaveqartumik sulisunut suliani pisortaqarfik siunnersorlugulu tapersersugaraat, nutaanik ilalersuisarnernut akisussaaffik tigusaraat, aammalu suliffinnik nassuiaataasut paatsugassaajunnaarsarpatit, aammattaarlu peqqinnissaqarfiup pingaarnerutitatut periusissiaanut sulisunut aningaasarsianullu politikkerisat ingerlaqatigiittuunerannik qularnaarivutit. Inernerisanik malitseqartitsisuuvutit, peqqinnissaqarfimmi upalungaarsimanermut pilersaarutit nutaanik ilalersugarinerannik ingerlataqartarnerit ingerlatarivatit, aammalu sullivimmi isumannaatsuutitsinermik aaqqissuussaaffimmut suliaqarfigalugu ilalersuisartuuvutit.

Naatsumik: Tigussaasutut allaassutsimik iliuuseqarnissannut periarfissaqarputit – siullertulli pingaarnertullu ataatsimoorfigisap ilaatut.

Ilinnit ima ittuusumit tusarfigisaqarnissatsinnik neriuuteqarpugut:

• HR-imi pikkorissutut sulisartutut qajannaatsumik misilittagalik, ajornanngippat sivikinnerpaatut ukiuni arfinilinni siamasissumik HR-imit misilittagalik
• Attuumassutilimmik kandidatitut ilinniagalik – soorlu HR-ip, inatsisilerinerup, psykologiip, imaluunniit aaqqissuussiffiit iluini
• Periusissiaasunik paasinnittuusoq, aamma periusissiaasunik tigussaasutut HR-imi suliarisanut allannguisitsisarnernik piginnaasalik.

Sulisunut suliani siunnersuisarnermik, aamma aaqqissuussiffimmik ineriartortitsinerup ingerlatarineranik iluarinnittuuvutit, aammalu pisortanik suleqatinillu suleqateqarninni tatiginninnermik tarnikkullu toqqissisimanermik pilersitaqartuuvutit. Paatsuugassaanngitsumik pikkoriffigisamillu attaveqaqatiginnittarputit – danskit aamma tuluit oqaasii atorlugit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. april 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 27. februar 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermut pisortami, Pierre Vassardimi pissarsiarineqarsinnaapput, ukunatigut: e-mail: PIVA@PEQQIK.GL imaluunniit oq.: +299 554343

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk