1st line - IT supporter

Suliffeqarfimmi ineriartortorujussuarmi siuarsaaqataarusuppit? Sullitanik pitsaanerpaamik kiffartuussinissaq paaseqatigiinnissarlu pingaartippigit? Taamaappat illit pisariaqartippatsigit.

1stLine teamitsinni ammasumik, pikkorissumik tunniusimasumillu suleqatissarsiorpugut. Comby-imi 1stLine teknikeritut sullitatsinnut kiffartuussisartuni pingaarnerit ilaanniissuutit. Sullitat atuisullu qanimut attaveqatigisassavatit, qarasaasianullu assigisaanillu tunngasunik suliassat pitsaasumik piaartumillu naammassisassallugit.

Ulluinnarni sulinerni pingaarnerit ilagissavaat SPOC-imi (Single point of contact) suleqatigut suleqatigilluinnarnissaat. Taakku akisussaaffigaat oqarasuaatikkut allakkatigullu suliassat tigusatik 1stline-mut imal. allanut ingerlateqqinnginneranik nalilersussallugillu inississornissaat. Tamatuma qulakkiissuaa ilinnut tulluartunik illillu piginnaasatit naapertorlugit suliakkerneqartarnissat.

AKISUSSAAFFEQARFISSATIT UKUUSSAPPUT:

• Teknikkimut (qarasaasialerinermut) tunngasut suliassat nalilersussallugit naammassissallugillu 

• It-mut tunngasunik kiffartuussissutigisartakkagut atuutsilernissaat, ikiorsiissutigisarnissaat ilitsersuissutiginissaallu. 

• Suliassat 2ndLine supportimut imal. teamsinut allanut ingerlateqqitassat nalilersoriarlugit ingerlateqqinnissaat. 

• Suliat nalunaarsornissaat ilisimasanullu databasemi ilisimasanik nutarsaasarnissaq. 

• Suliassat ungasianiit (remote) aammali sullitagut ornillugit sullinnissaat. 

• Sullitatta suliatsinnut tunngatillugu iluarusunnissaat isumagissallugu attaveqatigiinneq pitsaasoq sulianillu pitsaasumik tunniussinermi.

COMBY-IMI IT OPERATION TEAM – TEAMEQ MIKISOQ, SUNNIUTEQARNEQ ANNERTOOQ.

ILLIT PILLUTIT KISSAATIGUT:

Takorloorparput it-supporteritut, datateknikeritut imal. assinganik ilinniagaqarsimanissat. Aammattaaq ukiunik marluk sisamallu akornanni minnerpaamik assingusunik misilittagaqarnissat

• Namminersorlutit sulisinnaavutit aammattaarli suleqatigiinni suleqataalluarsinnaallutit allallu suleqatigalugit sulianik naammassinninnissanik ujartuisassasutit. 

• Suliffimmik assingusumiit teknikkimut tunngasunik misilittagaqarluarneq. 

• Ajornartorsiutinut aaqqiiniarnermik piginnaaneqarnissaq 

• On-premise, aamma cloud-imut tunngasut ilisimasaqarfiginissaat 

• ITIL malillugu suleriutsit aammattaaq systemit PSA-mut tunngasut (soorlu Autotask) misilittagaqarfiginissai iluaqutaassaaq. 

• Netværk, operativsystemit software-llu pillugit tunngaviusumik ilisimasaqarneq 

• Akisussaaffimmik tigusinissaq tunuarsimaarfiginngilat sullitanillu aammalu suliffinnik suleqatinnillu akuersaartuullutit

Suleqatissaraatsigit?

Atorfik pillugu apeqqutissaqarpit, imaluunniit suleqataalernissamut tunngavissanik pitsaasunik amerlanerusunik tusarusuppit? Immikkoortortami aqutsisoq Sonja Hansen taamaappat attavigisinnaavat uunga: sha@comby.gl

Comby Kalaallit Nunaanni IT-mik aaqqiissuteqarnermik, IT-mik suliniutinik Internettimillu suliaqarluni sullissisuni siuttuuvoq. Suliatigut angusaqarusussuseqarpugut sullitattalu niuernerminnik aallussinissaat ajornannginnerulersinnissaat pillugu piumassuseqarluta ingerlatsilluta. Suleqatigiit massakkut 60-it missaanniippugut. Comby-ili siammasissorujussuarnik suliaqarpoq, Managed Services- imit (IT-mik tamakkiisumik ingerlatsineq), oqarasuaatikkut aaqqiissutinit, inunnut suliffeqarfinnullu inernettinit, hardware-inik nalinginnaasunit suliniutinik aqutsinernut suliarineqarlutik.