Inatsisileritooq, akileraartitsinermut inatsisinik soqutigisalik

Aningaasaqarnermut Akileraartarnermullu Naalakkersuisoqarfik inatsisilerituumik pimoorussisumik inuttassarsiuivoq

Aningaasaqarnermut Akileraartarnermullu Naalakkersuisoqarfimmi inatsisinik suliaqarfimmi pingaarutilittut ilaarusuppit? Sulianik isumaginninnernik, naalakkersuisumut kiffartussinernik, inatsisissanullu piareersaanernik sulinissamut piginnaaneqarlutillu piumassuseqarpit?

Tassalu immikkoortoqarfitsinnut Inatsisilerinermut Nunalu tamakkerlugu pilersaarusiornermut immikkoortortaqarfimmut inatsisilerisutut suleqatiginnittartumik inuttassarsiuivugut. Immikkoortoqarfimmi ilaatigut akileraarutinik, akitsuutinik, akiliisitsisarnernik, nuna tamakkerlugu pilersaarusiornernik, pisortallu aningaasaqarnermik aqutsisinerinik suliaqarpugut.

Atorfik tamatigoortunik suliassartalik, aammalu immikkoortoqarfimmi sulisut sinnerinik ataatsimoorfimmi illit inatsisilerinermik piginnaasannik ineriartortitsinissamut periarfissalik neqeroorutigaavut.

Illit pikkoriffigisatit, piginnaasatit kissaatigisatillu apeqqutaallutik suliassaqarfitsinnut soorlu akileraarutinik, akitsuutinik akiliisitsisarnermilluunniit suliarisanut attaveqalissaatit. Pingaarnertut suliassatut pineqartut ilaannik ataatsimik suliaqassaatit, immikkoortoqarfimmili suliassaqarfiit allat iluini inatsisilerinermut tunngasunik, soorlu naammagittaalliuutinik sulianik isumaginninnernik suliaqartarnissat naatsorsuutigissavat.

Suut naatsorsuutigisinnaavigit?

Tassaalissaatit

• immikkoortoqarfiup assut inatsisilerinermik misilittagaqarfiliup ilaa – inatsisilerinermillu piginnaasannik ineriartortitaqartoq,

• Aningaasaqarnermut Akileraartarnermullu Naalakkersuisoqarfimmi, najoqqutassialigaanngitsutut akunnitsinni ingerlatsivilittut, suliakkiisarfinnik akunnaatsunik, suleqatinillu pimoorussisunit ilisarnaateqartumi ilaasoq,

• taakku suliaqarfigisaasa iluini immikkut ilisimasalinnik suleqateqartoq,

• suliassani, innuttaasunut assigiinngissutsimik pilersitsisut iluarsiiviginerini peqataasoq,

• namminersuutigisannik sulianik isumaginninnermik suliaqartartoq,

• pisortanik qullersanik siunnersuisartuusartoq.

Neqeroorutigut tassaapput …

• pikkorissartitsinerit ilinniartaanerillu, taamaalillutit Namminersorlutik Oqartussani atorfeqartutut inissisimaffigisanni atugarissaassagavit,

• sulisut peqatigiiffiat suliaqarfiusoq, tamaaniillutik neqeroorutit kajungernartut, inooqatigiiffimmi aaqqissuussinerit, sulisunilu iluaqutissartat,

• Kalaallit Nunaata nerisassaataanik sammisaqartutut kantinaqarnikkut aaqqiissutitsialak.

Piginnaasatit

Tassaavutit cand.jur.-itut, imaluunniit cand.merc.jur.-itut ilinniarsimasoq, ajornanngippallu ukiualunni misilittagalik, nutaatulli ilinniakkaminik naammassinnerlaaq pikkorillunilu pimoorussisoq aamma naatsorsuutini ilaasinnaavoq. Makku pingaartippagut:

• suliassanut tunngasutut suliaqarfigisatsinni ataatsimik, imaluunniit arlalinnik ilisimasaqarlunilu soqutigisalik. Ilinniartitsilluarneq isumasioqatigilluarnerlu qulakkeerpagut, taamaattumillu tamakku piumasaqaataanngillat,

• oqaluttariatigut allattariatigullu oqaatsinik atuillaqqissoq, assullu kalaallit, danskit tuluillu oqaasiinik oqalussinnaaneq allassinnaanerlu, aammalu kalaallit kulturiannut, kalaallinilu inuiaqatigiinnut ilisimasaqarneq iluarineqassapput,

• attaveqaqatiginnittarnermik paasisimasalik, taamaalilluni inatsisilerituujunngitsoq oqariartuummik paasisaqarsinnaassammat,

• sulianut tunngasutut eqimattunik amerlasuunik suleqateqarsinnaaneq,

• suleqatigiinnut tunngasumik suliassanik tikitaqarniartarneq,

• allassimasanik misissueqqissaarillaqqittuuneq, ajornanngippallu kisitsisinik paasinnillaqqittuuneq.

Aningaasarsiat, atorfinitsitaanermilu pissutsit

Sulinerup nalaa tassaavoq sap. akunneranut nal. akunneri 40.

Aningaasarsiat atorfinitsitaanermilu piumasaqaatit atorfinitsitaanerup nalaani Namminersorlutik Oqartussat pineqartullu isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu.

Atorfiit aallaaviatigut AC-fuldmægtigimut tunngapput. Qinnuteqartoq attuumassutilimmik naammattumik misilittagaqassappat, aammalu special- imaluunniit chefkonsulentitut atorfinitsitaanissamut sulianut tunngasutigut piginnaasaqassappat taamatut atorfinitsitsinissaq oqaluuserineqarsinnaassaaq.

Naalagaaffimmi atorfilittat, aammalu AC-mi isumaqatigiissutit arlallit malillugit atorfillit, ilaatigut DJØF-ip aamma Finansministereqarfiup akornanni isumaqatigiissut malillugu, Namminersorlutik Oqartussani atorfeqarnermut atatillugu aningaasarsiaqarfiginngisamik sulinngiffeqarnissamut pisinnaatitaaffeqarput. Taamatuttaaq Namminersorlutik Oqartussani atorfeqarnerup nalaani aningaasarsiaqarfiginngisamik sulinngiffeqarnissamut qinnuteqaatinut naapitsiniartarnissaq pillugu Indenrigsministereqarfik kommuninut nunallu immikkoortuinut innersuussisimavoq. Sulinngiffeqarnissaq pillugu aalajangersakkani aamma ilaapput Namminersorlutik Oqartussani inunnut atorfeqartunut nuliarisat-uigisat/inooqatigisat.

Suiaassuseq, inuiattut tunuliaqutaqarneq, upperisat, imaluunniit innarluuteqarnerit apeqqutaatinnagit naligiissitsinissamik siuarsaaneq Naalakkersuisoqarfiup kissaatigaa. Taamatuttaaq inuttut inuunermi misilittagaqarneq, inuttullu inerisimassuseq iluaqutaasutut isigisaraavut.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Nuuk pillugu

Naalakkersuisoqarfik Kalaallit Nunaanni illoqarfimmi pingaarnerpaami Nuummi inissisimavoq. Issittumi illoqarferujussuartut, nunatallu pinnersup akulerusimanerini illoqarfiup neqeroorutigai nipilersortunik tusarnaartitsinerit, peqatigiiffileriffiit, cafénut neriniartarfinnullu periarfissat, pisiniarfissat, aamma eqqumiitsulianik kultureqarnermilu misigisassat. Nuup eqqaani pinngortitamiipput timersornermi silamilu suliassanut periarfissatsialaat, soorlu sisorariartarfik, ujakkaarluni sisoraasersorfiit, aalisarnerit, piniarnerit, immakkut angalaarnerit pisuttuarfissallu.

Annertunermik paasissutissat

Atorfik pillugu erseqqinnerusumik paasissutissat ukununnga saaffiginninnikkut pissarsiarineqarsinnaapput

• Immikkoortoqarfimmut pisortaagallartoq Simon Mogensen, oq. +299 34 65 78 imaluunniit e-mail simog@nanoq.gl

• Chefkonsulenti Per Nielsen, oq. +299 34 64 08 imaluunniit e-mail pnil@nanoq.gl

Qinnuteqaat atorfinitsitaanerlu

Qinnuteqarnermut killiliussaq tassaavoq ulloq 15. oktober 2025.

Isumaqatigiissut malillugu atorfininneq, ajornanngippalli 1. novemberimi.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk