Timitalimmik pilersaarusiornermut, inuiaqatigiillu allanngoriartornerannut soqutigisalittut AC-fuldmægtigi

Timitalimmik pilersaarusiornermut, inuiaqatigiillu allanngoriartornerannut soqutigisalittut AC-fuldmægtigi

Aningaasaqarnermut Akileraartitsinermullu Naalakkersuisoqarfik nuna tamakkerlugu pilersaarusiornermut, naammagittaalliuutinillu suleqatigiilluni suliassanut suleqammik pimoorussalimmik inuttassarsiorpoq.

Tassaarusuppit Aningaasaqarnermut Akileraartarnermullu Naalakkersuisoqarfimmi suliaqarnermi pingaarutilittut ilaasoq? Inatsisilerinerup nunamullu tamarmut pilersaarusiornerup akornanni sunniivigeqatigiiffimmi sulinissamut piginnaaneqarlutillu piumassuseqarpit?

Immikkoortoqarfitsinnut Inatsisileriffimmut Nunamullu tamarmut pilersaarusiorfimmut suleqatigiinni inuttassarsiorpugut. Immikkoortoqarfimmi ilaatigut suliagut tassaapput akileraarutit, akitsuutit, akiliisitsiniarnerit, nunamut tamarmut pilersaarusiornerit, aamma pisortani aningaasaqarnermik aqutsinerit.

Atorfik tamatigoortoq unammillerfissalik, aammalu sulianut tunngasutut ineriartorfissalik pissarsiarissavat, tassani suleqatinik pikkorissunik suleqateqassallutit. Nuna tamarmiusumik pilersaarusiornermut suliassaqarfimmut attaveqassaatit, ingammillu nunami namminermi inissisimaffimmi pingaarnertut timitalittut pileraarusiornermut attuumassutilinnik suliassanik suliaqassaatit. Illit iluarsiivigineranni peqataaffigisinnaasanni immikkoortoqarfimmi suliassat arlallit isumagisaraavut:

• Nuna tamakkerlugu nassuiaatinik suliaqarnerit, nutaanillu ilalersuinerit

• Kommunit pilersaarusiornerisa, nunamullu tamarmut pilersaarusiornerup akornanni sunniivigeqatiginnissamik qularnaarinerit

• Pilersaarusiornerit pillugit kommunit peqatigalugit ataqatigiissaarineq suleqatiginninnerlu

• Timitalittut pilersaarusiornerit, nunaminertanillu aqutsinerit pillugit kommuninut ilitsersuutinik siunnersuinernillu suliaqarnerit

• Kommunit aalajangiussaannut naammagittaalliuutinik suliaqarnerit

• Inatsisissanut piareersaatitut suliaqarnerit, malittarisassianillu suliaqarnerit

• Digitaalitut sakkussat ineriartortillugillu ingerlatarinissaat pillugit, aammalu nunaminertanik aqutsinissamut toqqammavissat pillugit suleqatigisarpullu ataqatigiissaarinerit

• Nunami Allanngutsaaliukkami nunaminertanik aqutsinerit

• Siunertanut aalajangersimasunut suliassat

Nuna tamakkerlugu pilersaarusiornermik suliassaqarfiup iluani suliassat pingaarnertut suliarisassavatit, politikkikkulli aqutatut aaqqissuussiffimmi suliassanik siamasissutut ilusilinnik suliaqartuuvugut. Taamaattumik immikkoortoqarfiup suliassaqarfiisa iluini suliassanik allanik suliaqarnernik misiliisinnaavitit, tassalu piumassuseqarfigalugillu piginnaaneqarfigissagukkit.

Makku neqeroorutigaagut

• immikkoortoqarfiup assut inatsisilerinerup tungaatigut misilittagaqarfiusup ilaaffiulernera – aammalu sulianik isumaginnittarnermut piginnaasannik ineriartortitsineq,

• Aningaasaqarnermut Akileraartarnermullu Naalakkersuisoqarfimmi, najoqqutassialigaanngitsutut akunnitsinni ingerlatsivilittut, suliakkiisarfinnik akunnaatsunik, suleqatinillu pimoorussisunit ilisarnaateqartumi ilaasoq,

• immikkoortoqarfimmi suliassaqarfinni siamasissutut ilusillit iluini sulianut tunngasutut piginnaasannik ineriartortitsineq, sulianut tunngasunut ineriartortitsinissamut periarfissartalik,

• suliassanik, innuttaasunut assigiinngissuseqartitsisunik iluarsiinerni peqataasartoq,

• suliassani nammineq sunniissuteqarnissamut periarfissaqarneq.

Tamakku saniatigut makku neqeroorutigaagut

• pikkorissartitsinerit ilinniartaanerillu, taamaalillutit Namminersorlutik Oqartussani atorfeqartutut inissisimaffigisanni atugarissaassagavit,

• sulisut peqatigiiffiat suliaqarfiusoq, tamaaniillutik neqeroorutit kajungernartut, inooqatigiiffimmi aaqqissuussinerit, sulisunilu iluaqutissartat,

• Kalaallit Nunaata nerisassaataanik sammisaqartutut kantinaqarnikkut aaqqiissutitsialak.

Illit pillutit

Attuumassutilimmik nangitamik ilinniagaqartoq, ajornanngippallu ukiualunni misilittagalik. Nutaatut ilinniakkaminik naammassinnerlaaq pikkorillunilu pimoorussisoq aamma naatsorsuutini ilaasinnaavoq. Makku pingaartippagut:

• suliassanut tunngasutut suliaqarfigisatsinni ataatsimik, imaluunniit arlalinnik ilisimasaqarlunilu soqutigisalik. Ilinniartitsilluarneq isumasioqatigilluarnerlu qulakkeerpagut, taamaattumillu tamakku piumasaqaataanngillat,

• sulianik isumaginninnermik misilittagalik, imaluunniit piumassusilik, ilaallutik naammagittaalliuutinik suliassanik isumaginnittarnerit

• najoqqutassaqartitsilluni suliassanut tikitaqartartoq, aammali ulluni suliffinni pingaarnersiukkat nikerarfigisartagaanni sungiussiasoq

• allattariani oqaluttarianilu attaveqaqatigiinnillaqqissoq (aamma ajornanngippat kalaallit oqaasii assut iluarineqassapput)

• suleqatigiiffimmiikkusunneq, aamma sulianut tunngasunik eqimattoqarfinnik allanik siamasissumik suleqatigiinnissamut piginnaasalik

• ajornanngippat kalaallit kulturiannik, inuiaqatigiinnilu pissutsinik ilisimasalik.

Aningaasarsiat, atorfinitsitaanermilu pissutsit

Sulinerup nalaa tassaavoq sap. akunneranut nal. akunneri 40.

Aningaasarsiat atorfinitsitaanermilu piumasaqaatit atorfinitsitaanerup nalaani Namminersorlutik Oqartussat pineqartullu isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu.

Atorfik aallaaviatigut AC-fuldmægtigimut tunngavoq. Qinnuteqartoq attuumassutilimmik naammattumik misilittagaqassappat, aammalu special- imaluunniit chefkonsulentitut atorfinitsitaanissamut sulianut tunngasutigut piginnaasaqassappat taamatut atorfinitsitsinissaq oqaluuserineqarsinnaassaaq.

Naalagaaffimmi atorfilittat, aammalu AC-mi isumaqatigiissutit arlallit malillugit atorfillit, ilaatigut DJØF-ip aamma Finansministereqarfiup akornanni isumaqatigiissut malillugu, Namminersorlutik Oqartussani atorfeqarnermut atatillugu aningaasarsiaqarfiginngisamik sulinngiffeqarnissamut pisinnaatitaaffeqarput. Taamatuttaaq Namminersorlutik Oqartussani atorfeqarnerup nalaani aningaasarsiaqarfiginngisamik sulinngiffeqarnissamut qinnuteqaatinut naapitsiniartarnissaq pillugu Indenrigsministereqarfik kommuninut nunallu immikkoortuinut innersuussisimavoq. Sulinngiffeqarnissaq pillugu aalajangersakkani aamma ilaapput Namminersorlutik Oqartussani inunnut atorfeqartunut nuliarisat-uigisat/inooqatigisat.

Suiaassuseq, inuiattut tunuliaqutaqarneq, upperisat, imaluunniit innarluuteqarnerit apeqqutaatinnagit naligiissitsinissamik siuarsaaneq Naalakkersuisoqarfiup kissaatigaa. Taamatuttaaq inuttut inuunermi misilittagaqarneq, inuttullu inerisimassuseq iluaqutaasutut isigisaraavut.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Nuuk pillugu

Naalakkersuisoqarfik Kalaallit Nunaanni illoqarfimmi pingaarnerpaami Nuummi inissisimavoq. Issittumi illoqarferujussuartut, nunatallu pinnersup akulerusimanerini illoqarfiup neqeroorutigai nipilersortunik tusarnaartitsinerit, peqatigiiffileriffiit, cafénut neriniartarfinnullu periarfissat, pisiniarfissat, aamma eqqumiitsulianik kultureqarnermilu misigisassat. Nuup eqqaani pinngortitamiipput timersornermi silamilu suliassanut periarfissatsialaat, soorlu sisorariartarfik, ujakkaarluni sisoraasersorfiit, aalisarnerit, piniarnerit, immakkut angalaarnerit pisuttuarfissallu.

Annertunermik paasissutissat

Atorfik pillugu erseqqinnerusumik paasissutissat ukununnga saaffiginninnikkut pissarsiarineqarsinnaapput

• Immikkoortoqarfimmut pisortaagallartoq Simon Mogensen, oq. +299 34 65 78 imaluunniit e-mail simog@nanoq.gl

• Specialkonsulenti Ingrid Mølgaard, oq. +299 34 67 13 imaluunniit e-mail inml@nanoq.gl

Qinnuteqaat atorfinitsitaanerlu

Qinnuteqarnermut killiliussaq tassaavoq ulloq 15. oktober 2025.

Isumaqatigiissut malillugu atorfininneq, ajornanngippalli 1. novemberimi.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk