Aaqqissuussaanermut Immikkoortortaqarfimmut Immikkoortortami aqutsisussarsiorneq

Aaqqissuussaanermut Immikkoortortaqarfimmut Immikkoortortami aqutsisussarsiorneq - Illuutinik aserfallatsaaliinermut Immikkoortortaqarfik

Kommuneqarfik misilittagalimmik sullerissumillu aqutsisussarsiorpoq

Suleqatigiinnut tunniusimasunut aqutsisoorusuppit aamma kommunip illuutaanik ingerlatsineq aserfallatsaaliinerlu qulakkeerinneqataaffigerusuppigit? Aqutsisutut pikkoriffeqarpit tamakkiisumillu ilisimasaqarlutit? Taava Illit tassaavutit Aaqqissuussaanermut Immikkoortortaqarfimmi - Illuutinik aserfallatsaaliinermut Immikkoortortaqarfimmi aqutsisussatut ujagarput.

Atorfik pillugu

Kommuneqarfik Sermersuumi Aaqqissuussaanermut Immikkoortortaqarfimmi qitiusumik inissisimassaatit aammalu kommunip illuutaanik ingerlatsineq, aserfallatsaaliineq ineriartortitsinerlu pingaarnertut akisussaaffigissavatit. Suliffik annertunngitsoq pingaaruteqartorli aqutsisuuffigissavat makkuninnga sulisoqartoq:

·Pilersaarummik aqutsisoq ataaseq

·Sanasoq ataaseq

·Viceværtit marluk

·Rådhusbetjentit pingasut

·Atuarfinni Pedelit

Aaqqissuussinermut Pisiniartarnermilu pisortaq qaninnerpaatut pisortarissavat. Aaqqissuussinermut Pisiniartarnermilu Suliffeqarfiup iluani Kiffartuussivimmut ilaapput, tassanilu suliaqarfiit arlallit ilaallutik.

Aserfallatsaaliugassat pillugit pilersaarusiornermi pingaarnersiuinermilu pingaarutilimmik atuuffeqassaatit aammalu ulluinnarni suliffiullu iluani qaffasissumik pitsaassusilimmik ingerlatsinissaq qulakkeerlugu.

Suliassatit pingaarnerit makkuussapput:

·Immikkoortortami sulisunik aqutsineq ataqatigiissaarinerlu

·Aserfallatsaaliugassanik pilersaarusiorneq malinnaatitsinerlu

·Missingersuutinik akisussaaneq aningaasanillu aqutsineq

·Inatsisit malinneqarnissaannik, sulinermi avatangiisit suliffiullu iluani malittarisassanik qulakkeerineq

·Ingerlatsiviit akimorlugit aammalu avataaniit pisiniarfigisartakkanik suleqateqarneq

Naatsorsuutigivarput illit:

·Aqutsisutut uppernarsaateqartutit - ajornanngippat sulisunut akisussaaneq ilanngullugu

·Illuutinik aserfallatsaaliinermi misilittagalik, aaqqissuussaanermut tunngasunik assigisaanilluunniit

·Aaqqissuussaasumik sulinermik piginnaasalik suliassanillu aallartitsisartoq

·Suleqatigiilluarnissamut piginnaasalik aamma ersarissumik attaveqartartoq

·Pissusissamisoortumik pikkoriffilik aammalu suleqatigiinni pitsaasumik ingerlatsisinnaasoq kajumissaarisartorlu

·Danskisut oqalussinnaasoq ajornanngippallu kalaallisut (kalaallisut oqalussinnaaneq iluaqutaassaaq, piumasaqaataanngilarli)

Neqeroorutigaavut:

·Atorfik pissanganartoq namminersorfiusinnaasoq oqartussaaqataaffiusorlu

·Suliffimmi pitsaasunik avatangiiseqarneq suleqatit pikkorissut piumassuseqarluartullu suleqatigalugit

·Piginnaasatigut inuttullu ineriartornissamut periarfissaqarneq

·Isumaqatigiissutit atuuttut naapertorlugit aningaasarsiaqarnermi atorfeqartitaanermilu atugassarititat

·Sulinermut atatillugu inissaqartitsisoqassaaq

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermik uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommuneqarfik pineqaatissinneqarsimannginnermut uppernarsaammik Politiinit aatsaat pissarsereerpat.

Akissarsiat atorfininnermilu atugassarititaasut:

Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.

Atorfinitsitsinermi qaammatit pingasut misiligutaassapput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aaqqissuussinermut Pisiniartarnermilu pisortaq Kristine Lange Lyberth, oqarasuaat +299 36 72 27 imaluunniit e-mail: klly@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 480-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: juunip 3.-at, 2025

Atorfik una qinnuteqarfigiuk