Aatsitassalerinermik Ilinniarfik Nutaanik faglærerinik pissarsiorpoq

Aatsitassalerinermik Ilinniarfik - Råstofskolen - Tech College Greenland

Sisimiuni nutaanik faglærerinik pissarsiorpoq – inuussutissarsiutinut tunuliaqutalimmik ilinniartitsisussarsiorpoq.

Sisimiuni Aatsitassalerinermik Ilinniarfik aatsitassalerinermik inuussuutissarsiutinullu tunngasunik tunuliaqutilimmik faglærerimik ilinniartitsisussamik tunniusimasumik pissarsiorpoq 

Atorfik pillugu

Aatsitassalerinermik Ilinniarfimmi aatsitassalerinermik inuussuutissarsiutinullu tunngasuni atuartitsinerni teknologi atuartitseriaaserlu nutaarluinnaat inerisarneqarnerini qitiusumik peqataaffigissavat. Atuartitsinerit siamasipput - matematikkimiit uuttortaanernut, qaarusulerutit vognit (borevogne)atorneri, kiisalu sanaartornermi maskiinarsuit atornissai. Nutaalianillu teknologiinik atuilersitsinerit periarfissaqarfigissavatit, assersuutigalugu drone aamma sajukulaartitsisarluni uuttortaanerit (vibrationsmålinger).

Aatsitassalerinermik Ilinniarfimmi ilinniarfissat assigiinngitsut piusut nunatsinneersunik atuartunik ilinniarnissamik pilerilersitsisarpoq, aammali nunanit allanit tamalaaneersunik suliassani assigiinngitsuni suleqateqarfiulluni, taamaammallu atuartitseriaatsit assigiinngisitaarluarfiusuni kulturikkullu assigiinngitsunik tunuliaquteqarfiusumi paasinnissinnaassuseqarnissaq sulerusussuseqarnissarlu piumasaqaataalluni. 

Naatsorsuutigaarput, illit:

• Minnerpaamik ukiut marluk pingasulluunniit sanaartornermi ingerlatsisuni inuussutissarsiorsimassasutit imaluunniit qaarusulerinerup iluani misilittagaqarsimassasutit.
• Sanaartornermi maskiinarsuit atorneqartartut, qillerinerit qaartiterinerillu misilittagaqarfigissavatit.
• Faginnut tunngasumik ilinniarluarsimasuussutit, ilinniakkat qaffassaqqinnikuussimanissaa kissaatiginarsinnaavoq.
• Ilinniagaqarsimanermut piginnaanngorsarsimanermut uppernarsaatinik pineqartunut attuumassutilinnik allagartaqarlutik uppernarsarsinnaallugu takutissinnaassavat.
• Suleqatigiit eqimattakkaartuni suleqataalluarsinnaassuseqassaatit ilisimasanillu avitseqatigiikkusussuseqassaatit.
• Oqaatsit kalaallit oqaasii atorlugit atuartitsisinnaassaatit, aammalu qallunaat tuluillu oqaasii atorsinnaavatit.

Neqeroorutigivagut:

• Suleqatigiiffik suliffillu ineriartornissamik ilisimmaarinnittoq suleqatillu piginnaasaqarluartut
• Pædagogiskmik ilinniarnissaq atorfininnermit sulilernermiillu ukiut siulliit marluk iluini, taaneqartut pigereersimanngikkukkit
• Instruktøritut qaffassarneq suliassaqarfinnut tunngasuni
• Tekniskimik tuluttoornermik pikkorissarfiginissaa

Aatsitassalerinermik Ilinniarfik - Råstofskolen - Greenland School of Minerals &

Petroleum, KTI-up ilaa.

Aatsitassalerinermik Ilinniarfik Teknikimik Ilinniarfiup ilagaa, Nunatsinni marlunni assigiinngitsuni inissisimavoq: Nuummi Sisimiunilu. Atuartut katillugit 650 missaanniipput, sulisullu 150-it missaanniillutik

Atuarfik sisamanik immikkoortortaqarpoq:

● Saviminilerinermik Ilinniarfik, Nuuk

● Sanaartornermik Ilinniarfik, Sisimiut

● Aatsitassalerinermut Ilinniarfik,, Sisimiut

● Ilinniarnertuunngorniarfik (GUX), Sisimiut

Taakku saniatigut KTI -up Danmarks Tekniske Universitet (DTU) ARCTIC DTU-p ingerlanneqarneranut suleqatigaa.

Aatsitassalerinermut Ilinniarfiup pikkorissarnerit allagartartaarfiusartut neqeroorutigisarpai,

anguniagaraalu taakku inuussutissarsiornerup iluani nunarsuarmi sumiluunniit atorsinnaassatut neqeroorutigissallugit.

Aatsitassalerinermik Ilinniarfiup misileraaffingaatsiarsuaq misileraaffigisarpaa, tassani atuarfiup maskiinaatai atortussaataalu, angissusissamisut angitigisut misilerartarlugit.

Aatsitassalerinermik Ilinniarfimmi qaffasissumik ilinniartitsineq piginnaassaqarfigigukku

misilikkusullugulu taava uagut atorfissaqartippatigit.

Ulloq qinnuteqarfissaq kingulleq 17. november 2025 - atorfik piaarnerpaamik inuttalerusupparput imaluunniit isumaqatigiissuteqarnikkut.

Atorfik pillugu annertunerusumik paasisaqarusukkuit taava ilinniartitaanermi qullersaq

Inspektøri Emilie Olsen Skjelsager – emol@kti.gl

Nittartagarput alakkaruk uani www.kti.gl

Illoqarfiup nittartagaa uani takusinnaava: www.qeqqata.gl

Kalaallit Nunaat pillugu pasisaqarusukkuit uani atuarsinnaavutit www.naalakkersuisut.gl .

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk