AC-fuldmægtigi Cyber- aamma paasissutissanik isumannaallisaaneq immikkoortortamut

 AC-fuldmægtig immikkoortortamut Cyber- aamma paasissutissanik isumannaallisaaneq

Peqatigisigut Kalaallit Nunaanni digitaliusumik isumannaallisaaneq nukittorsissallugu

Soqutigaagit digitaliusumik, inuiaqatigiinni isumannaallisaanermut aammalu inerisisaanissamut pisortat suliffeqarfianni suleqataanissat? 

Digitalinngortitsinermut aqutsisoqarfik AC-fuldmægtigimik ujaasivoq immikkoortortami Cyber aamma Paasissutissanik isumannaallisaavimmi. Suleqatigiinni nukittuuni peqataalissaatit pingaaruteqartumi suliaqarfiusumi soorlu makku: Isumannaatsumik Kalaallit Nunatsinni 

Digitaliusumik atortorissaarutini aammalu paasissutissanik suliaqarfiusoq.

Suliassatit

AC-fuldmægtigitut ukuninnga soorlu suliaqassaatit:

• Sunniuteqaqataaneq inerisaanermut aammalu piviusunngortitsinermut sulianik Cyber- aamma paasissutissanik isumannaallisaanermut tunngasunik.

• Tapersersuineq sulianik pioreersunik isumannaallisaanermut politikkinik, malitassanik aammalu piorsaanermut tunngasunik.

• immikkoortortaqarfinni aamma digitaliusumi atortorissaarutinik piginnittunut paasissutissanik iliuusissallu suuneranik siunnersuineq.

• Ilitsersuinissaq aammalu pilersaarusiorneqanut piareersarneq, ilitsersuusiorneq aammalu awareness-sammisamut suliaqarneq.

• Risiko-mik nalilersuinermi aamma isumannaallisaanermik misissuinerni peqataaneq

• Tapersersuineq pilersitsinermut aammalu inerisaanermi Isumannaallisaanermut periusissianik aammalu aqutsinermut tunngasunik.

• Digitaliusumik systemini ersarissumik takussutissamik pilersitsineq aammalu systemimit akisussaasunik suleqateqarneq.

• Pilersaarusianik peqataaneq, digitaliusumik atugassarititaasunik isumannaallisaanermi periarfissanik nukittorseeqataaneq pisortat suliffeqarfiani.

• Piffissap ingerlanerani Isumannaallisaanermut officerinngorneq.

Suleqatissarsiorpugut:

• Digitalinngorsaanermut, paasissutissanik isumannaallisaanermut, inuiaqatigiilerinermi inerisaanermut soqutigisalik.

• Alapernaatsoq, kajumissusilillu nutaanik ilikkagaqarnissamut.

• Ataqatigiissaakkamik sulineq aammalu misissueqqissaarsinnaasoq sulianut.

• Suleqatiginnilluarsinnaasoq aammalu nammineq akisussaassuseqarluni sulisinnaasoq.

• Sammisanik paasinartumik attaveqaqatigiissinnaasoq.

• Tulluartumik ilinniagaqarneq. Paasissutissanik isumannallisaanermut imaluunniit politikkinut periutsinut ilisimasaqarneq iluaqutaasinnaavoq, piumasaqaataanngilarli. 

Misilittaqarnissaq Cyber- aamma paasissutissanik isumannaallisaanermut ajunngequtaasinnaavoq, kisianni peqqussutaanngilaq. Pingaartipparput illit kajumissuseq, ilikkarusussuseq aammalu sammisamut soqutiginnillutik inerikkiartorusussuseqarnissat.

Neqeroorutigaagut

• Kalaallit Nunaanni digitaliusumik isumannaallisaanermi qitiusumi suliffiusoq. 

• Inuttut ineriartorfissamik pissanganartumik periarfissiisoq Cyberi aamma paasissutissanik isumannaallisaarnermut tunngasunut.

• Suliniutinik nutaanik suliassaqarfik aammalu akisussaaffik annertuumik pigisaqarfiusoq.

• Suleqatigiinniit tunniusimasuniit ammasumik avitseqatigiinneq.

• Piginnaanngorsaqqinnissamut periarfissat pitsaasut.

• Isumannaallisaanerup iluani immikkut ilisimasalittut imaluunniit ataqatigiissaarisutut atorfimmi ineriartorfiusumik periarfissaqarfiusoq.

Allanngueqataagit

Uagutsinni periarfissarivat suliffigissallugu inuaqatigiinni digitaliusumik ineriartorneq isumannaallisaanerlu suliffigissallugu. Suleqatigiilluta sinaakkutissat, qajannaatsumillu digitaliusumik isumannaallisaaneq siunissamut Kalaallit Nunaanni pilersissavarput.

Apeqqutit
Atorfik pillugu paasisaqarusukkuit, Immikkoortortami pisortaq Ivalo Didriksen mailikkut ugguuna: ivdn@nanoq.gl attavigisinnaavat.

Qinnuteqarfissaq

Qinnuteqarnissamut periarfissaq kingulleq 02.09.2026

Atorfininnermut atugassarititaasut

Atorfininnissamut naatsorsuutaavoq sillimaniarneq pillugu akuerineqarnissat atorfeqarnerillu tamakkerlugu isumannaallisaaneq pillugu akuersissutip attanneqarnissaa.

Akissarsiat atorfeqarnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfiup 1. oktoberi 2026-mi imaluunniit isumaqatigiissuteqarnikkut inuttalerneqarnissaa kissaatigineqarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Digitalinngortitsinermik Aqutsisoqarfik pillugu 

Digitalinngortitsinermut Aqutsisoqarfimmi siunissami digitalimik atuineq isumannaatsoq 

anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni. 

Digitalinngortitsinermik Aqutsisoqarfimmi Kalaallit Nunaanni aammalu Namminersorlutik 

Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. 

Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu. 

Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit.