fakta
Atorfiup suussusaa: Account Manager – Suliffeqarfinnut sullissanut B2B-nut tuniniaasussarsiorpoq
Suliffeqarfik: Tusass
Qinnuteqarfissamut killigititaq: 10. april 2026
Attavissaq: Christian Loiborg Tang attavigisinnaavat, oqarasuaat +299 38 90 04
Nunatsinni suliffeqarfiit sullitat tuniniaaviginerinut – sullitanillu attaveqaqatigiinnermik nukittuumik sivisuumillu piusinnaasumik pilersitsinermi suleqataarusuppit?
Tusassimi Account Manager-imik attaveqaatinik nutaanik pilersitsinermut aamma suliffeqarfinnik sullitanik nutaanik pioreersunillu inerisaallunilu suleqateqarnermut kajumissuseqartumik ujartuivugut.
Suliffeqarfinnut sullisisutsinni suleqatigiinni ilaanillaasatit, tassani Tusassip suliffeqarfinnut nuna tamakkerlugu sullissiviani ilaalissaatit.
Atorfik pillugu
Account Manager-itut sullitassanik nutaanik aamma suliffeqarfinnik sullissinernik pioreersunik inerisaanissaq akisussaaffigissavat.
Atorfimmi ornigulluni tuniniaasinnaaneq pingaaruteqartut ilagaat, tassani nammineerluni periarfissarsiorluni, suliffeqarfinnik oqaloqatiginnillunilu aalajangiisartunik attaveqaqateqartoqartarpoq.
Tuniniaariaatsitit nammineq ingerlassavatit – attaveqaqatigiinnermit siullermiit isumaqatigiissutsip inissinnissaata tungaanut – tamatumalu saniatigut sullittakkat pioreersut inerisarlugillu suleqatiginerisa nukissassarnissaat suliarineqartassaaq.
Suliassatit ilaatigut ukuussapput:
- Suliffeqarfinnut nutaanut sullitassaasinnaasunut ornigulluni tuniniaaneq
- Suliffeqarfiit naapinnissaanut inniminniillunilu ataatsimeeqateqarneq
- Aalajangiisartunut attaveqateqarnermik pilersitsineq
- Sullitat pisariaqartitaasa suussusersineri taakkulu pingaarutilittut aaqqiissutissanngortinneri
- Sullitat inerisarlugillu suleqatiginerisa annertusarnerat
- Tuniniaanerit oqaloqatigeeqqaarnermiit atsioqatigiinnertalimmik isumaqatigiissutiginerisa ingerlanneri
Nammineq ullutit pilersaarusiorlugillu ilusilersornissaanut taamatullu attaveqarfitit attannissaannut suliaqarniarlutit annertuumik kiffaanngissuseqassaatit.
Illit pillutit
Niuernermik ingerlatsisinnaasumik angusaqarluarusuttumillu ujaasivugut.
Naatsorsuutigaarput:
- Ornigulluni tuniniaasinnaallunilu sullissassanik nutaanik oqaloqateqarsinnaasuunissat
- Ammasuullutillu attaveqaqateqallaqqittuunissat
- Angusat tunngavigalugit kajumissuseqarlutillu unammillersinnaassuseqartuunissat
- Tunniutiinnajaattuullutillu aaqqiissutissanik aaqqeerusussuseqartuunissat
- Namminersorlutit sulisinnaallutillu sullitatit suliatillu akisussaaffigisinnaassagitit
- Suleqatikkuminartuullutillu ataatsimut anguniagaqarnermut sunniuteqaqataarusuttuussaatit
Attaveqaasersuinermut IT-mulluunniit tunngasunik misilittagaqarneq piumasaqaataanngilaq. Niuernermik, account management-imilluunniit misilittagaqarneq iluaqutaasinnaavoq – pingaarnerpaavorli nukissaqarluartuullutit, piumassuseqarlutillu attaveqaqatigiinnermik pilersitsisinnaanerit.
Suleqatigiit pillugit
Tusassimi suliffeqarfinnut sullissisuni qanimut inuussutissarsiutigalugu niuernermi inerisaanermik suliaqartuni ilaalissaatit.
Misilittakkanik avitseqatigiittarpugut, suliffeqarfiit sullitat pillugit periarfissanik avitseqatigiilluta aamma suliffeqarfiup iluani aaqqiissutissanik pitsaanerpaanik pilersitsissalluta suleqatigiittarpugut.
Neqeroorutigaarput
Tusassimi suliffeqarfimmi atorfimmi pissanganartumi Nunatta digitalisigut aaqqissuunneqarnerata ineriartornerani pingaarutilittut inissisimassaatit.
Uku pissavatit:
- Nammineerlutit ullutit pilersaarutiginissaanut kiffaanngissuseqarnerit annertooq
- Nunarput tamakkerlugu suliffeqarfinnik assigiinngitsunik suleqateqarsinnaaneq
- Suliffeqarfimmi suleqatigiit tunniusimasut suleqatigiinnermik inernernillu pingaartitsisut
- Suliatigut inuttullu ineriartornissamut periarfissaqarluarneq
Akissarsiat atugassarititallu piginnaasat naapertorlugit isumaqatigiissutigineqartarput.
Pilerisuppit?
Atorfik pillugu paasisaqarnerorusukkuit Tunisinermut pisortaq Christian Loiborg Tang attaviginissaanut tikilluaqqusaavutit +299 38 90 04
Qinnuteqarneq
Qinnuteqaatit CV-llu Tusassip sulisussarsiorfigisartagaatigut piaartumik aammalu kingusinnerpaamik ulloq 10. april 2026 nassiunneqassapput.
Qinnuteqaatit piaartumik suliarillutigillu qinnuteqarnissamut killigititap angunnginnerani aggersaasinnaasarpugut.
Tusass pillugu
Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Kalaallit Nunaat tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.
Uani paasisaqarnerusinnaavutit: www.tusass.gl
