Akileraartarnermut Aqutsisoqarfik allaffimmi pisortamik sulisussarsiorpoq

Akileraartarnermut Aqutsisoqarfimmi allaffimmi pisortatut atorfik 1. maaji 2026-miit inuttalerneqartussanngorlugu imaluunniit isumaqatigiissuteqarnikkut inuttassarsiorneqarpoq.

Aaqqissuussaanikkut inissisimaffik suliassallu:

Atorfik Akileraartarnermut Aqutsisoqarfimmi ilanngaaserinermut akitsuutinullu allaffimmi inissisimavoq. Allaffimmi aqutsisutit allaffimmi suliassat ilanngaaserinermut akitsuutinullu tunngasut akisussaaffigissavatit. Suliassat tassaanerupput umiarsuarnik nakkutiginninneq, timmisartoqarfinni tikittunik nakkutiginninneq, allakkanik aamma nassiussanik nakkutiginninneq, akitsuutinillu allanik nakkutiginninneq ilaatigut umiarsualivimmiinnermut aamma nioqqutissanik eqqussinermi akitsuutit, taassuma saniatigut sulisunut 13-iusunut akisussaasuussaatit.

Kalaallit Nunaata killeqarfiini pingaartumik aanngajaarniutinut, aningaasanut aammalu nioqqutissanik eqqussinerit annissinerillu qitiutinneqarluartarput. Suliassani pingaaruteqartuni ilaavoq nioqqutissat eqqunneqartut eqqortumik akitsuusernissaasa isumannaarnissaa.

Nutaanik mittarfiliornerit, assartuinermi aaqqissuussinerup allanngornera aamma takornariaqarnerup annertusiartornera malitsigalugu najuunneq aamma inunnik pigisanillu nakkutiginninnissaq pisariaqarnerulerpoq.

Taamaammat suliassavit ilaat tassaassapput aqutsisoqarfiup akitsuusersarnermi suleriaasaat suliaralugu, atuutsilersillugu aamma allanngutsaaliorlugu aqutsisoqarfiullu suleqatigisanut assigiinngitsunut soorlu nunani avannarlerni ilanngaaserinermut oqartussat, Greenland Airports, Tusass A/S, Royal Arctic Line A/S, politiit, umiarsualivimmut oqartussat il.il.

Tamatuma saniatigut Namminersorlutik oqartussat angalasut nassiussallu eqqarsaatigalugit navianassutsip nalilersornissaanut atortorissaarutit ineriartortillugillu atuutsilernissaasa ingerlatiinnarnissaat pingaartippaa. 

Ulluinnarni ilanngaaserinermut akitsuutinullu allaffimmi aqutsisutut suliffiup iluani ingerlatat, aaqqissussaanerup, anguniakkat najoqqutassallu ineriartortinnissaat suliassavit ilagissavaat.

Ilanngaaserinermut akitsuutinullu allaffik aqqanilinnik sulisoqarpoq arfinilinnillu qimmeqarluni.

Ilinnut tunngasut:

Piukkunnarluartoq suliatigut pitsaasumik inissisimavoq aamma ilanngaaserinermi akitsuutinillu suliaqarnermi suliatigut allaffissornikkullu ilisimasaqarluarluni. Pissusissamisoortumik oqartussaassuseqarputit, innarligassaanngissuseq aamma navianaateqarsinnaasunik suliassanik naammassinnissinnaaneq inunnillu allanik attaveqateqarluarsinnaallutillu oqaloqateqarluarsinnaassasuuvutit.

Inuttut misilittagaqarneq pitsaasuuvoq piumasaqaataanngilarli. Aqutsisutut suliassanut takorluugaqarlutillu tunniusimallutit takkunnissat pingaarnerpaavoq.

Taamatuttaaq iluaqutaassaqaaq, kalaallisut, qallunaatut tuluttullu oqalussinnaallutillu allassinnaaguit, soorluttaaq Kalaallit kulturiannik inuiaqatigiinnerannillu ilisimasaqarluarneq iluaqutaassaqaaq.

Akissarsiat atorfeqarnermilu atugassaritaasut

Atorfik akissaateqarfimmi LR 36-mi maanna inissisimavoq. 1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.531 ukiumullu Kr. 690.372.

Aallaaviatigut isumaqatigiissutini atugassarititaasut malillugit atorfinitsitsisoqassaaq. Qinnuteqartoq tjenestemanditut atorfeqareersimaguni Kalaallit Nunaanni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Naalagaaffimmi tjenestemand-it AC-tut isumaqatigiissutit arlalissuit naapertorlugit atorfillit, ilaatigut DJØF-ip Finansministeriallu akornanni isumaqatigiissutit naapertorlugit, Kalaallit Nunaanni Namminersorlutik Oqartussat ataanni atorfeqarnerminnut atatillugu aningaasarsiat pigiinnarlugit sulinngiffeqarallarsinnaatitaanermut pisinnaatitaaffeqarlutik. Aammattaaq Nunamut namminermut ministeriaqarfiup kommuninut nunallu immikkoortortaanut inassutigisimavaa,Kalaallit Nunaanni Namminersorlutik Oqartussat ataanni atorfinitsitaanerminnut atatillugu akissarsiaqaratik sulinngikkallarnissamut qinnuteqaateqartunut akuersaartumik pissusilersornissaq. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Ineqarneq

Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni. 

Annertunerusumik paasissutissat 

Annertunerusumik paasisaqarnerorusukkuit immikkoortortaqarfimmi pisortaagallartoq Lisbeth Møller Jensen oqarasuaatikkut (+299) 34 52 58, e-mail lsmj@nanoq.gl attavigisinnaavat.

Qinnuteqaat

qinnuteqarnissamut ulloq killigititaq 20. maaji 2026.

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.