Akileraartarnermut Aqutsisoqarfik aningaasaqarnermut immikkoortortaqarfik fuldmægtigimik/siunnertsortimik sulisussarsiorpoq

Akileraartarnermut Aqutsisoqarfik

aningaasaqarnermut immikkoortortaqarfik fuldmægtigimik/siunnertsortimik sulisussarsiorpoq

Akileraartarnermut Aqutsisoqarfik suliaminnik pimoorussilluartumik sullissilluarusuttumillu, allaffissornermi ataatsimut isiginnilluarsinnaasumik 1. oktobari kingusinnerusukkulluunniit sulilersussamik sulisussarsiorpoq.

Atorfiit Aningaasaqarnermi irfiup naatsorsuutai, aningaasanik aqutsinermi aaqqissuusinerit kiisalu akitsuutinik akiliisitsinerit nakkutigaarput akisussaaffigillugillu.

Qinnuteqartup ilinniagaa, misilittagailu apeqqutaatillugit nalilersorneqarumaarpoq, qinnuteqartoq siunnersortitut atorfinitsinneqarsinnaassanersoq.

Akileraartarnermut Aqutsisoqarfimmi suleqatigiinneq, piginnaasaqarneq inuttullu ineriartorneq pingaartitaraavut. Suliassat unnaminarsinnaasut arlaqartut ataatsikkut suliarisinnaasavatit suleqatillu assigiinngitsunik tunuliaqartut suleqatigisinnaasallugit.

Akisussaaffitit

Akileraartarmut Aqutsisoqarfimmi aningaasanik aqutsinermi aaqqissuusinernik nakkutilliinerit akitsuutinillu akiliisitsinerit pingaarnertut suliarissavatit.

Pingaarnerpaavorli illit eqqarsartariaatsit. Nammineerlutit suleqatigiinnilu sulisinnaasariaqarputit, minnerunngitsumillu periuutsinik unammillersinnaasallutit. Suliassanik piffissaq eqqorlugu naammassinnissinnaanissamik anguniagaqarsinnaassaatit ilinniagaqarusullit ineriartornissamillu kissaateqassaatit.

Illit tunuliaqutit

Atorfimmut kisitsinermik ilinniarluarsimanermik misilittagaqarnermillu tunniussissaatit. Naatsorsuuserinermik assigisaanillu misilittagaqarnermik tulluartumillu ilinnagaqarnermik, soorlu EVU, NI2, AU-mik. Pisortani sulisimanermik misilttagaqarnerneq iluaqutaasinnaavoq aaliangiisuunanili.

Misilittakkat piumasaqaataangitsulli tulluartut:

• Allaffimmiutut imaluunniit allamik naleqquttumik ilinniarsimaneq, soorlu EVU, NI2, AU assigisaallu

• Naatsorsuutinik sulliaqarnermik misilittagaqarneq

• Qarasaasianik suliaqarsimaneq atorluaasinnaaneq

• Suliffimmi assigiinngissutaarsinnaasumi sulianillu nikerartuni suliaqarnermik nuannasarisaqarneq

• Namminersorlutik Oqartussani suliffeqarnermik ilisimasaqarneq

Ulloq sulilerfik

Atorfik 1. oktobari 2025 inuttalerniarneqarpoq imalt. isumaqatigiissut malillugu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.

Qinnuteqaat nassiuguk