Allaffimiumik sulisussarsiorneq

Namminersorlutik Oqartussat

Akileraartarnermut Aqutsisoqarfik

Allaffimmiumik pissarsiorpoq

Akileraartarnermut Aqutsisoqarfimmi allaffimiutut atorfik inuttassarsiuunneqarpoq 1. oktober 2025 immikkulluunniit isumaqatigiissuteqarnikkut sulilersussamik.

Sulinermi aaqqissuussaanermik inissisimaneq suliassallu:

Atorfik Nuumi Akileraartarnermut Aqutsisoqarfiup immikkoortortaani Akileraartarnermut Naakkutillinermullu immikkoortortami, Nioqqutissanik Akitsuutinillu Nakkutilliisoqarfimmi inissisimavoq.

Allaffimmiutut suliassaraatit Nioqqutissanik Akitsuutinillu Nakkutilliisoqarfimmi aalajangersimasut suliarissallugit taakkulu torersumik naammasinnissaat qulakkeerlugit.

Ilulissani, Nuummi Qaqortumilu sulisut suleqatigilluinnarlugit sulissuutit aammalu akisussaaffigis-sallugit, saaffiginnittunik sullissineq aammalu qarasaasiani paasissutissat suliarineri. Taamaattumik pingaaruteqarpoq, illit allanik suleqatiginnilluarsinnaanissat, suliat qanoq naammassinisaannik qulakkeerinnittoq aamma ulluinnarni ulapaarfinni, saaffiginnittut qitiutillugit.

Akileraartarnermut Aqutsisoqarfik nunatsinni akileraartarnermut qullersaqarfiuvoq ulluinnarni suliassaralugit akileraaruserineq,- akitsuuserineq,- aamma akiliisitsiniarneq.

Immikkoortortaqarfiup akileraarutinut nakkutilliisoqarfiup akileraarutinut tunngasut tamaasa, akileraaruteqaataasussanik angissusiliinerit aammalu matumani ilanngullugit nunami maani innuttaasut, selskabit, namminersorlutillu inuussutissarsiuteqartut aningaasarsiaannik selskabenik suliffeqarfinnillu anginernik kukkunersiuinerit, apeqqutinik akissuteqarnerit tamakkiisumillu innuttaasunut suliffeqarfinnullu il.il. ilitsersuinerit,. ilanngaaserisoqarnerlu.

Allaffimmiutut makku pingaarnertut suliassarivatit:

• Eqqussuinermi annissuinermilu pappiaqqat suliarineri
• Akitsuutinik akiliivallaarnermi utertitsivigineqarnissamik qinnuteqaatit
• Ilanngaaserisut atortorissaarutaannik, seqersaatit, umiarsuarmi misissuinermi sillimanissamik silaannalersuutinik aserfallataaliinermi piumasaqaatinik eqquu-titsineq nakkutigissallugu kiisalu e-mailit takkussortut qarasaasiakkut nakkuti-gineri
• Pappiaqqat immersortakkat qarasaasiamut immersortartunngorlugit nuunneri atuuttunngortinnerilu
• Sulinermut atatillugu angalanissat, atortunillu pisinissami inniminniinerit naatsorsuusiorneri
• Ilanngaaserinermi sulinermi suleqatigineqartut attaviinut atortuisa atuutilernis-saannik pilersaarusioqataaneq atuutilersitsinerlu
• Suleqatigisanik suliffeqarfinnillu siunnersuineq ilitsersuinerlu il.il.
• Pisariartillugu illup avataani ilanngaaserinermi suliaqarnernut peqataaneq

Akileraartarnermut Aqutsisoqarfimmiit suleriusaanik makkuninnga ilitsersuunneqassuutit.

• Nioqqutissanik eqqussuinermi annissuinermilu, tikittunillu misissuinermi inatsisinik atuuttunik
• Inatsisinik allat ilisimasassat sulinermi eqqumaffigisassat akuersissuteqaq-qaarani anniseqqusaanatillu eqquteqqusaangitsut, soorlu uumasut nunguti-taanissaminnik ajornartorsiortitaasut pisataat nioqqutissiallu, aatsitassat, nakorsaatillu anniseqqusaangitsut eqquteqqusaanngitsulluunniit
• Qarasaasiakkut sulinermi atortut ilanngullugit illup iluani avataanilu suleqatigineranut atortut, internet, seqersaatit nioqqutissallu suussusaannik atortorissaarut e-VITA
• Sulinermi malitassat ilitsersuutit kiisalu malittarisassat allat
• Tamakkiisumik suliffiup anguniagaanik suliniuteqarneq immikkullu sulinermut atatillugu ulloqartitsinermi eqqartueqataaneq

Piginnaasat:

Illit qinnuteqartutut naatsorsuutigaarput ilisimaarinnittutut uppernassusilittullu pissuseqassasutit, attaviginnillaqqittuullutit aammalu allanik oqaloqatiginnillaqqissuullutit, eqimattani kiisalu nammineersinnaassallutit, suleqatikkuminarlutit, inussiarnersuullutit, oqaatsinik kalaallisut qallunaatut tuluttullu atuilluarsinnaallutit.

Nioqqutissanik niuernermi ilisimasaqarnissat saaffiginnittunillu sullissilluarnermik ilisimasaqaruit iluaqutaassooq taamatutaaq qarasaasiamut atortorissaarutit Exel aamma Word il.il. ilisimasaqar-figinissaat pingaartipparput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk