Allagaatilerisoq

Nunatta Allagaateqarfia NKA-mi IT atorlugu allagaateqarnermik ineriartortitseqataasussamik suleqatissarsiorpoq

Nunatta Katersugaasiviani Allagaateqarfianilu IT atorlugu allagaatilerisutut atorfik

piaartumik isumaqatigiinnikkulluunniit inuttalerneqassaaq. Suliffik

tassaavoq Nunatta Allagaateqarfia Nuummiittoq.

IT atorlugu allagaatilerisup pingaarnertut suliassaqarfia tassaassaaq oqartussaasut

allagaataannik pisortat oqartussaasut ESDH-systemimik atuisarnerannut taannalu atorlugu

tunniussisarnermut attuumassuteqartunik katersuineq. IT atorlugu allagaatilerisuttaaq

allagaateqarfimmi pisortaq suleqatigalugu suliassaraa toqqortaatit pisortat

ingerlatsiviutaanneersut sorliit toqqortaatigineqassanersut Nunattalu Allagaateqarfianut

tunniunneqarnissaat anguniarneqassanersoq nalilersussallugu.

Atorfimmi matumani ingerlatsinermut atortut digitaliusut toqqortaatigineqarnissaat

tunniunneqarnissaallu pingaarnertut isumagineqassapput, tamannalu pillugu atuinermut

pikkorissutsip/nalunaarsuisarnerup pitsaassusiata saniatigut IT-mik atuinermut

piginnaasaqarnissaq piumasaqaataavoq.

IT atorlugu allagaatilerisutut suliassatit ilaatigut makkuninnga ilaqartarumaarput:

• Pisortat allagaataannik digitaliusunik’, t.i. allagaateqarfeqarneq pillugu inatsit

naapertorlugu oqartussaasut suliffeqarfiillu tunniussisussaasut tunniussassaannik

tamanik, suliaqarnermut iliuusissamik ineriartortitsinermut peqataaneq.

• Ingerlatsinermi allagaatit toqqortaatigineqarnerannik nalilersuineq.

• IT-systeminik nutaanik akuersissuseqartarneq.

• Paasissutissanik allagaatinillu digitaliusunik IT-systemineersunik tunniussisarneq pillugu pisortat oqartussaasuinik leverandøriusunillu isumaqatiginninniarneq.

• Paasissutissat toqqortaatillu/allagaatillu pisortat oqartussaasuisa IT-systemiineersut atorneqaqqissinnaalersillugit allagaataatigilerneqarsimanerannik qulakkeerinninneq.

• Apeqqutinut allagaateqarnermut tunngasuni pisortat oqartussaasuinut siunnersuineq ilitsersuinerlu, ilaatigut nakkutilliinikkut apeqqutinillu allagaateqarnermut tunngasunik ataavartumik akissuteqartarnikkut, matumunnga allagaatit digitaliusut aamma ESDH- systeminik atuineq ilanngullugit.

• Nunatta Allagaateqarfianut toqqorsineq tunniussinerlu pillugit oqartussaasunut ilitsersuineq.

• Pisortat oqartussaasuisa allagaateqarnerminnik isumaginninnerannik nakkutilliineq.

Tamakkua saniatigut toqqortaatilerisuttaaq ulluinnarni suliassat, soorlu oqartussaasut

atuisullu apeqquteqaataannik nalinginnarnik akissuteqartarneq aamma allagaateqarfiup

katersaatai allagaateqarfillu pillugit apeqquteqaatinik allakkatigut akissuteqartarneq,

suliarisassavai.

Naatsorsuutigaarput

• Kalaallit Nunaanni inuiaqatigiinni pissutsit ilisimasaqarfigilluassagitit.
• Kanditatitut ilinniagaqarsimassasutit.
• Pisortatigut ingerlatsinermik aamma inuiaqatigiinni pissutsinik sungiussisimassasutit, matumunnga pisortatigut digitaliusumik ingerlatsinermik sungiussisimaneq pingaarnertut ilanngullugu.
• Paasissutissiuinermi teknologiimik piginnaasaqassasutit.
• Angusaqarusuttuussasutit, tulleriiaarillaqqissuussasutit, ilungersorlutit sulisinnaassasutit kiisalu suliassanik sumaginninnermut kajumissuseqarlutillu piginnaassuseqassasutit.
• IT-lerinermik tunngaviusunik ilisimasaqassasutit.
• Attaveqaqateqallaqqissuullutillu suleqateqallaqqissuussasutit.
• Kalaallisut qallunaatullu (aamma tuluttuusinnaavoq) allannikkut oqalunnikkullu erseqqissuliullaqqissuussasutit.

Neqeroorutigaarput

• Suliffeqarfimmi anginngitsumi pissanganartunilli suliassaqarfiusumi suliatigut ineriartornissamut periarfissaqarneq.
• Suliffeqarfik nammineq suleriaasissiorfiusinnaasoq ataatsimullu suleriaasissiorfiusinnaasoq.
• Suliffeqarfik pikkorissunik suleqateqarfiusoq.
• Suliassarpassuit ataatsikkoorsinnaasarput – aammali ukkataqarnissaq piffissaqarfiuvoq.

Toqqortaatilerisup allagaateqarfimmi aqutsisoq qullersaraa.

Paasissutissat allat allagaateqarfimmi aqutsisumut Vivi Noahsenimut oqarasuaammut 36

23 36-mut sianernikkut emailikkulluunniit vivi@arkiv.gl -imut attaveqarnikkut

paasiniaasoqarsinnaavoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk