Allagarsiuteqqitaq - Paamiuni Angerlarsimaffik Palleq pisortassarsiorpoq

Ulloq unnuarlu neqeroorut Angerlarsimaffik Palleq Isumaginninnermut Aqutsisoqarfimmit pisortassarsiuunneqarpoq ulloq 1. oktober 2026 isumaqatigiissuteqarnikkulluunniit atorfinittussamik.

Angerlarsimaffik Palleq inersimasunut 18-iniik qummut tarnimikkut ineriartornerminnullu innarluutilinnut ulloq unnuarlu ikorfartorneqarnissamut pisariaqartitsisunut nuna tamakkerlugu ulloq unnuarlu neqeroorutaavoq. Angerlarsimaffik Palleq immikkoortortanut marlunnut avinneqarsimavoq katillugillu 10-nik najugaqarfigineqarsinnaalluni. Immikkoortortani tamani tallimanik najugaqartoqarpoq. Illumi quleriit marluupput najugaqartullu allermi ineeraqarput. Tikeraanut illu paaqqinniffimmut atavoq.
Angerlarsimaffik Palleq tarnimikkut ineriartornerminnullu innarluutilinnut angerlarsimaffiuvoq, najugaqartunut ineriartornartunik assigiinngitsorpassuarnik iliuuseqartoqartarluni

Neqeroorut pingaarnertut anguniagassaraa najugalinnut toqqissisimasumik sinaakkusiinissaq. Tamannalu perorsaanermut tunngasutigut suliniutinut annertuumik piumasaqaatitaqarpoq, tassami ulluinnarni pisariaqartitat assigiinngitsorpassuit isumaginiarneqartussaapput.  Ataasiakkaat sapinngisamik imminnut ikiorsinnaalernissaat anguniarlugu nakkutiginninneq sungiusaanerlu ukkatarineqartarput.

Atorfik pillugu: 
Neqeroorutigaavut:

• Piginnaanngorsaaqqinnermi suleqatigiiaanik assigiinngitsorpassuarnik suleqateqarnissaq

• Ingerlaatsinut nutaanut namminerlu ullup ingerlanerani sunniuteqarnissamut annertuumik sunniuteqarsinnaaneq

• Suliffeqarfik ineriartortitsinermik ilinniartitsinermillu pingaartitsisoq

• Perorsaanermut aqutsinermullu tunngasutigut sulinermi unammilligassat ineriartortitsinerlu

• Isumaginninnermut Aqutsisoqarfimmik isumasioqateqarnissamut periarfissaqarneq - pingaartumik Ulloq Unnuarlu inissitsiterinermullu Immikkoortortaqarfik

• Sulianut tunngasutigut isumasioqateqartarneq kiisalu pisortanik allanik isumasiuisarnermik aaqqissuussineq

• Pisortat ukiumoortumik isumasioqatigiinneranni ataatsimeersuarnerannilu peqataasarneq

Naatsorsuutigaarput:                                     

• Perorsaasutut allatulluunniit isumaginninnermut/peqqissaanermut tunngasutigut ilinniagaqarsimanissat.

• Uppernarsaatitalimmik aqutsisutut misilittagaqartutit suliassanillu agguaassisinnaasutit

• Allaffissornikkut aningaasaqarnikullu aqutsinermik paasisimasaqassasutit

• Suleqatigiinnermut pitsaasumut tunniutaqarsinnaassasutit

• Qanilaartuullutillu kajumissaarillaqqissuussasutit patajaallutillu

• Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit

• Ulloq unnuarlu neqeroorutit namminersorlutik oqartussanit pigineqartunik allanik suleqatigiinnermut ilanngunnissamut piumassuseqartutit

• Ulloq Unnuarlu inissitsiterinermullu Immikkoortortaqarfimmik qanimut kinguneqartussamillu suleqateqarnissamut piareersimasutit

• Piviusorsiortuussaatit, misiginneqataasinnaassuseqassasutit aammalu meeqqanut inuusuttunullu ulloq unnuarlu neqeroorutit iluini kiisalu inersimasunut annertuumik innarluutilinnut misilittagaqarluartuussasutit

• Inatsisilerinermik ilisimasaqassasutit

• Ajornanngippat kalaallisut/danskisut oqalussinnaassasutit

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Pineqaatissinneqarsimannginnermut uppernarsaat.
Isumaginninnermi Aqutsisoqarfik pineqaatissinneqarsimannginnermut uppernarsaateqartussaatitaanermik pisinnaatitaaffik atuutsippaa.  Taamaattumik malugeqqussavarput uppernarsaatit naammaginartutut isigineqartut Politiinit pissarsianerineqarpata atorfininnissaq isumaqatigiissutigineqassammat.

Paasissutissat sukumiinerusut
Atorfik pillugu annertunerusumik paasisaqarusukkuit, tikilluaqqunerarputit attavigissallugu immikkoortortaqarfiup pisortaa Sorlannguaq Mørch, oqa. 34 64 30 imaluunniit somo@nanoq.gl aqqutigalugit

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.