Allagarsiuteqqitaq - Ulloq unnuarlu neqeroorut Ivaaraq-mi pisortassarsiorneq

Soqutigiviuk allanartumi, ineriartortitsiffiusumi pissarsiassaqarfiusumilu sunniuteqarluarlutit suliffeqarnissat. Taava immaqa una atorfik ilinnut soqutiginaateqarsimassaaq.

Isumaginninnermut aqutsisoqarfimmiittoq ulloq unnuarlu neqeroorut Ivaaraq-mut piginnaasalimmik pikkorissumillu pisortaassarsiorpoq ulloq 1. juni 2026-mi imaluunniit immikkut isumaqatigiissuteqarnikkut aallartittussamik pissarsiorpoq.

Meeqqat Angerlarsimaffik Ivaaraq tassaavoq nuna tamakkerlugu ulloq unnuarlu annertuumik innarluuteqartunut inunnut 15-nut neqeroorut, marlunnik immikkoortortaqarfilik.

Meeqqat Angerlarsimaffik Ivaaraq Qaqortumi inissisimavoq – illoqarfik alianaatsoq najoruminartumi avatangiiseqartoq. Sulisorisat suliaminnut tunngasutigut misilittagaqarluartuupput. Ivaaraq eqeersimaarfiuvoq allaanerulluni aammalu suliffigalugu pissanganartuulluni, ineriartortitsiviullunilu.

Ivaaraq naatsumik

Ivaaraq immikkoortortaqarfii ukuupput: Immikkoortortaqarfik Sungaartoq tallimanut naatsorsuussaavoq, najugaqartunut annertuumik ikorfartortarialinnut neqeroorut. Tungujortoq tassaavoq najugaqartunut 10-nut nammineernerusinnaasunut naatsorsuussaq. Saniatigullu Orpigaq najugaqartunut ulluinnarni sammisassaqartitsivik. Ivaaraq 39-inik sulisoqarsinnaavoq 

Neqeroorutigaarput:

• Sulisunik assigiinngisitaartunik immikkullu piginnaaneqartunik suleqalernissat

• Suliffeqarfik ineriartortitsiviusoq ilinniartitsinermillu pingaartitsisoq suliffigilissavat

• Perorsaanermi ingerlatsinermilu unammilligassat ineriartortitsinissallu suliarisassavatit

• Ulloq Unnuarlu inissitsiterinermullu immikkoortortaqarfimmik suleqateqartassaatit

• Ulloq unnuarlu neqeroorutinik allani pisortaasut sulianut tunngatillugu isumasiorsinnaallugillu ikorfartoqatigisassavatit

• Ukiumoortumik pisortat isumasioqatigiinnerinut ataatsimeersuarnerannullu peqataaneq

Naatsorsuutigaarput:

• Perorsaasutut ilinniarsimasuunissat

• Pisortatut misilittagaqarnermik uppernarsaateqarnissat kissaatiginarpoq, suliassanillu agguaassisinnaallutit

• Ingerlatsinermik aningaasatigullu aqutsinermik misilittagaqarluartoq

• Nuannersumik suleqatigiittoqarnissaanut aqqutissiuillaqqittuussaatit

• Qanilaartoq, eqeersimaartitsisoq tutsuiginartorlu

• Inuunerminik nuannarinnittoq aammalu inunnik allaanik akuersaartuunermigut attaveqallaqqittoq

• Sapinngisamik marloqiusamik oqaaseqartoq kalaallisut/qallunaatullu

• Ulloq unnuarlu inissitsiterinermullu immikkoortortaqarfimmik qanittumik ineriartortitsiffiusumillu suleqatiginninnissamut piumassuseqassaatit

• Ulloq unnuarlu neqeroorutinik paaqqinniffinnillu allanik suleqateqarnissat ammaffigissavat

• Inunnik innarluutilinnik sullissinissamut ilikkagaqarfiginissaannullu piumassuseqassuutit 

Sukumiinerusumik paasissutissat

Sap.akunneranut nal.ak. 40-t sulisassaatit.

Atorfik pillugu sukumiinerusumik paasisaqarusukkuit tikilluaqqusaavutit Isumaginninnermut Aqutsisoqarfimmi Ulloq Unnuarlu Angerlarsimaffinnut Inissititerinermullu allaffimmi pisortamut Sorlannguaq Mørch, oqarasuaat +(299) 34 64 30 imaluunniit e-mail; somo@nanoq.gl aqqutigalugu paasiniaanissamut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermut aqutsisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermut aqutsisoqarfik uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.