Allanngueqataarusuppit? – Ullup ilaannaani sulisinnaavit? Immaqa suliffivit saniatigut, ilinniartuuguit imaluunniit soraarneruguit.

Tusaannga akunnermusialimmik oqarasuaatikkut qarasaasiakkullu siunnersuisinnaasumik sulisussarsiorpoq. Suliffik saniatigut isertitaqaqqikkusuttumut tulluartuuvoq, suliartorfissatullu takkuffissat nikerartunut tulluarsarsinnaallutit. Immaqa ilinniartuuvutit, suliffinniluunniit nikerartumik suliartortarputit ullulluunniit ilaannaani sulisarlutit – imaluunniit soraarnerussutisiaqartuullutit, misilittakkannilli suli taperseerusussuseqarlutillu isumassuerusuttuullutit.

Tusarnaallaqqippit? – Nunalu tamakkerlugu inulerinermut tunngasumik allanngueqataarusussuseqarpit?

Tusaanngami siunnersuisutut suliassavit pingaarnersarissavaa oqaloqatigiinnikkut ikorfartuinissat aammalu innuttaasunut artorsaateqartunut siunnersuisassallutit.

Tusaannga tassaavoq, nuna tamakkerlugu siunnersorneqarnissamik neqeroorut, kinaassutsimillu isertuussisumik meeqqanut, inuusuttunut inersimasunullu oqarasuaammut 801180-mut sianernikkut siunnersuisarfik, imaluunniit 1899-mut sms-erluni imaluunniit www.tusaannga.gl-mut iserluni chatikkut allaqateqarnikkut.

Neqeroorutaavugut inunnut tarnikkut atugarliortunut imaluunniit ajornartorsiutertik pillugu oqaloqateqarusuttut avatangiisiminni nunaqqataasulluunniit akornanni ikiorserneqarsinnaanngitsutut misiginertik pillugu. Qulequtarineqartut assigiinngiiaartuusinnaapput – pingaaruteqarporli inuup atugaanik paasinnillaqqissuunissat, allannguutinut naleqqussapallassinnaanissat aammalu qajannaatsuunissat aammalu pisuni sukassimanarsinnaasuni eqqissisimasinnaanissat.

Suliassatit makkuusinnaapput:

• Ikorfartuerpalaartumik oqaloqateqarsinnaassaatit, oqaloqatigiinnikkut allakkatigullu siunnersuisinnaassaatit – kalaallisut danskisullu.

• Meeqqat, inuusuttut inersimasullu oqaloqatigisinnaassavatit soorlu pimmatiginninneq, nakuuserneq, perorsagaaneq, aappariinnerliorneq, imminornissamut eqqarsaateqarneq, kinguaassiutitigut kannguttaatsuliorfigineqarsimaneq, atornerluineq il. il. pillugit.

• Ulluinnarni nikerartumik suliartorfeqartassaatit, ualikkut, unnukkut unnuakkullu.

Ilinnut naatsorsuutigaavut:

• Innuttaasunut qajannarnerusunut allannguerusussuseqarlutit sullissinissannik kajungerisaqassaatit

• Nikerartumik suliartorsinnaassaatit

• Pitsaasumik naliliisinnaassuseqassaatit, namminersorlutit sulisinnaassaatit aammalu sukassimanarsinnaasumi aqutsisinnaassuseqassaatit

• Aalajaatsuussaatit aammalu piffissaq eqqorlugu takkuttarlutit

• Ullup ilaannaani sulinissat kissaatigalugu, saniatigooralugu soorlu ilinniartuuninnut allatulluunniit suliannut ataqatigiississinnaassallugu

• Allattariarsornikkut oqalunnikkullu kalaallisut qallunaatullu attaveqarsinnaassaatit

• Peqqissutsimut, perorsaanermut imaluunniit isumaginninnermut tunngasumik ilinniagaqartuusinnaavutit

• Nuummi najugaqassaatit

Agguaqatigiissillugu sapaatip-akunneranut akunnermut suliffiit 15 tiimiussapput taakkulu nikerartumik aaqqissuunneqassapput.

Qinnuteqarfissap ullua kingulleq: 9. juni nal. 12.00

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasisaqarnerorusuppit?

Attavissaq Mette Lange-Nielsen oqarasuaammut +299 346023 / e-mailimut: mlan@nanoq.gl imaluunniit Ellen Johansson oqarasuaammut +299 346010 e-mailimut: eljo@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk