Allatseqarfiat politikkikkut sullissinermut ataatsimiititami allatsi/AC-fuldmægtigi

Pisortaqatigiit Allatseqarfiat politikkikkut sullissinermut ataatsimiititami allatsimik/AC-fuldmægtigimik pimoorussisumik aamma pikkorissumik pissarsiorpoq

Kiffartuussisutut ataqatigiissaarisutullu atuuffeqarusuppit saniatigullu Nunatsinni kommunit annersaanni politikkikkut suleriaatsit paasisaqarfigerusuppigit?

Pisortaqatigiit Allatseqarfiani ataatsimiititamut allatsitut ulluinnarni assigiinngisitaartuni sulianik unamminarsinnaasunik ataqatigiissaaraluni tapersersuillunilu suliaqarfiusunik kommunimi politikikkut suliaqartassaatit. Pisortat Allatseqarfianit ullut marluk qaqutigut assigiittarput.

Nuummi Pisortaqatigiit Allatseqarfiat

Pisortaqatigiit Allatseqarfiani sulisut 15-it pikkorissut tunniusimasullu, suliatigut pitsaasumik ataatsimoorussisut suleqatigilissavatit.

Pisortaqatigiit Allatseqarfiannit kommunalbestyrelsimi qinikkat, nunaqarfimmi aqutsisut aamma najukkami ataatsimiititaliani ilaasortat sullinneqarput. Taassuma saniatigut Pisortaqatigiit Allatseqarfiat kommunimi aqutsisut qulliunerusut sullinneqarnerannut akisussaasuuvoq taamatuttaaq suliniutit ineriartortitsiffiusut pillugit aamma kommunimi suliassaqarfiit assigiinngitsut akornanni taamatullu Nunatsinni kiisalu nunat tamalaat akornanni suleqatigiinnernik ingerlatsivugut.

Immikkoortortami suliassaqarfiit assigiinngitsorpassuit sullitarivagut. Taamaattumik sutigut tamatigut suliassaqarfiit assigiinngitsut akornanni ikioqatigiittarpugut; siunersiueqatigiinnermiit annertuunillu aalajangiinissamut saqqummiussassanit pisortaqatigiit ataatsimiinneranni qalarlaamik kaffimik sassaallernermut suliarisarpavut.

Qinikkanik tapersersuisassaatit

Ataatsimiititamut allatsitut Pisortaqatigiit Allatseqarfianni suleqatigiinnut ilaassaatut, taakku politikikkut ataatsimiititanut kommunalbestyrelsimullu sullissisarput. Ataqatigiissaarisutut atuuffeqassaatit, politikkikkut oqaluuserisassanik katersinerit piumasaqaatinillu naammassinninnersut qulakkeerneqarnissaat akisussaaffigissavat ataavartumillu kommunimi qinikkanik sullissineq pitsaanerpaaq qulakkeerniarlugu sullissisut, aqutsisut pisortallu attaveqarfigisassavatit. Aamma politikikkut ataatsimiinnernik, angalanernik aamma politikerit immikkut ittumik sammisaqarnissaat pilersaarusiorlugit ataqatigiissartassavatit.

Piginnaasatit soqutigisaqarfiitillu tunngavigalugit siuliani allassimasut kommunalbestyrelsimut attuumassuteqartut ataatsit amerlanerilluunniit akisussaaffeqarfigissavatit.

Taakku saniatigut:

∙Politikkikkut sullissinermi najoqqutassanik inerisaaqataassaatit

∙Politikikkut sullissinermik immikkoortortaqarfinnik allanik ilinniartitsisassaatit

∙Suliassanik saqqummiussinerit politikkikkut aalajangiiffigisassat suliarisassavatit

∙Suliassanik takkussuuttunik suliaqarneq, suliatigut qaffasissumik suliassat, aammalu suliassat nalinginnaanerusut

Ukiup ingerlanerani aamma angalasoqartarpoq, Nunatsinni nunanilu allani.

Atorfimmut tassunga atorfittaarniaraanni periarfissat arlaqarput, imaassinnaavoq ilinniarnerlutit naammasserlaajusutit imaluunniit misilittagaqareersutit. Pingaarnerpaavoq attuumassuteqartumik ilinniagaqartuunissat, ataqatigiissaariffiusumillu akisussaaffilimmik atuuffeqarfimmi suliaqarusunnersutit, aammalu suliassavit aaqqissuussamik isumaginissaannut pikkoriffeqartutit. Kalaallisut oqaaseqartuuguit iluaqutaassaaq tamannali piumasaqataanngilaq

Tamakku saniatigut takorloorparput, illit:

∙Suleqatigiinnermik pingaartitsisuusutit allanngorarsinnaasunullu naleqqussarsinnaassasutit

∙Piffissani ulapaarfiusuni malinnaasinnaasutit aammalu suliassanik pingaarnersiuinermik pikkoriffeqartutit

∙Suleqatikkuminartuullutillu saaffikkuminartuusutit

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 410-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Tusarfiginissat qilanaaraarput!

Qinnuteqarnissamut killissarititaasoq: maajip 11.-at, 2026