Allorfik ujarlerpoq ilisimatuussutsikkut sulialimmik misissuinerup iluani piffissaq killilimmik atorfinittussamik.

Allorfik qaffasissumik ilinniagalimmik ilisimatusarnermik misilittagalimmik, ukioq ataaseq naliliisarnermi ilisimatusarnermi suleqataasussamik pissarsiorpoq.

Nuna tamakkerlugu aanngajaarniutinik ajornartorsiutilinnik katsorsaaneq, Allorfimmit akisussaaffigineqartoq, aaqqissuussaanikkut Namminersorlutik Oqartussat ataanni nunatsinni Peqqinnissaqarfimmut ilaavoq. Imigassamik, hashimik aningaasanoornermillu (ludomani) ajornartorsiuteqarnermut imal. pinngitsuuiusinnaajunnaarnermut katsorsartinneq, Allorfimmit neqeroorutaapput.

Naatsorsuutigaarput:

• Peqqinnissaqarfimmi nakorsatut imal. inunnik isumaginninnermut peqqinnissamulluunniit tunngasumik qaffasissumik ilinniagalittut tunuliaqutaqarnissat.

• Nappaatinik ilisimatusarnermik naliliinermillu misilittagaqarnisat.

• Aanngajaarniutinik ajornartorsiutilinnik katsorsaanermut tunngasunik / tarnikkut nappaatilinnut tunngasunik ilinniagaqassutsikkut soqutigisaqartuunissat.

• Periuseq oqaloqatigiinneq kajungilersitsisoq tunngavigalugu sulisimanissat imal. periutsip ilinniarnissaanik soqutigisaqarnissat.

• Kalaallit oqaasinnik, kulturiannik inuiaqatigiinnulu tunngasunik ilisimanninnissat.

Tamatuma saniatigut misigittasutsikkut inoqatillu pissusilersuutaannik paasinnissinnaanikkut piginnaasatit pingaartippagut.

Qinnuteqarfissaq kingulleq: 28. december nal. 24.00.

Atorfik pillugu attavissaq:

Allorfiup pisortaa nakorsaq Efa Olsen oqarasuaatikkut: +299 341452, imal. mailikkut: efol@peqqik.gl.

Allorfik pillugu paasissutissat uani takukkit: www.allorfik.gl

Nunatsinni Namminersorlutik Oqartussat pillugit paasissutissat annertunerusut uani pissarsiarikkit: www.naalakkersuisut.gl

Meeqqanik pinerliisimannginermut pinerlussimannginnermullu uppernarsaat

Akuersiteqqaarlutit meeqqanik pinerliisimannginnermut pinerlussimannginnermullu uppernarsaatinik pissarsiniarnissarput naatsorsuutigissavat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk