Paasissutissat
Atorfiup suussusaa: Angerlarsimaffik Aja pisortap tullersortaanik pissarsiorpoq
Suliffeqarfik: Angerlarsimaffik Aja
Qinnuteqarfissamut killigititaq: 15. september
Attavissaq: Inalunguak Møller mail-ikkut aina@nanoq.gl /aaja@nanoaq.gl imaluunniit oqarasuaatikkut +299 32660
Angarlarsimaffik Aja pisortap tullersortaanik pissarsiorpoq (Souschef).
Angerlarsimaffik Ajami pisortap tullersortaatut sulerusuppit? Angerlarsimaffik Aja 13-nik ineqartoqarpoq 21-nillu sulisoqarluni.
Aqutsinermi misilittagaqarpit? Taava immaqa pisortap tulliatut suleqatigisinnaaruttoritsigut?
Suliassatit makkuussapput:
Pisortap tulliata pisortamut ingerlatitseqqittarpoq, pisortarlu marluullutik ikioqatigiillutik Angerlarsimaffik Aja-mi aqutsillutik.
Pisortaq peqanngikkaangat pisortap tullersortaa ulluinnarni aqutsinermi allaffisornermilu suliassat tigummisarpai.
Pisortap tullia suleqatigiinermik tatsiginartumik suliassanillu ujartuisumik pisortaq ingiaqatigalugu ingerlassisuusaaq.
Pisortap tulliata pisortaq aqutsisullu sinneri suleqatigalugit Angerlarsimaffik Aja-p siunertai angorusutai toqqammaviilu ineriartortinnissai qulakkeertussaavai.
Pisortap tulliata sulisunut isumaginninneq, ineriartoqatigiineq,atajuartitsineq Angerlarsimaffik Aja-milu perorsaariaatsimut suliniutit ilanngulluarneqarnissai pisussaaqataaffigilluassavai.
Pisortap tulliata Angerlarsimaffik Aja-p angorusutaasa atajuarnissai piorsarnissai taakkununngalu suleraatsit pilersaarusiornissai akisussaaqataaffigissavai.
Pisortap tulliata Angerlarsimaffik Aja-mi toqqammavittut naleqartitat- akisussaaffeqarneq, oqaloqatiginninneq, isumassuinerlu ulluinnarni nuisanissai akusussaaqataaffigissavai.
Naatsorsuutigaarput annerpaamik makkua piginnaaneqarfigigitit pisinnaassuseq aamma piginnaaneqarneq
Sulianut pisinnaassutsit
Naleqquttumik ilinniagaqarneq- Perorsaasutut imaluuniit Sundhedsassistentitut assigisaalu.
Ajornanngippat ulloq unnuarlu angerlarsimaffinni sulinermik sungiussisimaneq aamma/imaluunniit psykiatri iluani sullissinermi sungiussisimasoq.
Aqutsisutut sulinermi sungiussisimaneq.
Inuttut piginnaaneqarfiit
Nukik/piginnaasaq akuersaaartoq
Marluinnik oqaaseqarneq iluaqutaassaaq piumasaqaataangilarli.
Nammineq paasisimasaqassuseq
Sungiussiasoq
Qajannaatsoq
Tatiginarlutit periaatsit piviusunngortitseriaatsillu suliarisagut sulilluarlutit ingerlateqqittas-sagitit.
Uatsinnut tunngasut:
Kalaallit Nunaanni Namminersortut ataani ulloq unnuarlu suleffeqarfimmut inuusuttunut 14-niniit 17-it angullugit ukiulinnik ingerlatsilluta suliffeqarfiuvugut - malitseqartitsilluni sullissineq ineqartunut neqeroorutaasarpoq 18-23-nut ukiulinnik, aammalu aaqqissuussinermut ataqatigiissillugu inunnik isumaginnittoqarfiup ataani ulloq unnuarlu angerlarsimaffinnut immmikkoortortaqarfimmi inissisimalluta.
Pingasunik immikkoortortaqarpugut katillugit 13-inik najugaqarfiusumi aamma 21-nik aalajangersimasumik sulisulimmi.
Pisortap tulliata pisortamut ingerlatitseqqittartuuviq, aamma ulluinnarni immikkoortortaqarfiit aqutsisuinut sulianut tunngasunik allat isumasioqatigisarlugit.
Neqeroorutigaagut:
Aqutseqatitiit sungiussisimasut
Ilisimasanik suliassanillu avitseqatigiinneq
Piginnaatitsineq
Imartussuseq aamma sulisorisanik isumaginninneq
Suliassanut annertuumik ilisimasalik
Ajunngilluinnartuunngilagut – eqqarsarluartuullutali
Paasissutissat allat:
Atorfimmut tunngatillugu paasisaqarnerorusukkuvit tikilluaqqusaavutit pisortaq (forstander) Inalunguak Møller mail-ikkut aina@nanoq.gl /aaja@nanoaq.gl imaluunniit oqarasuaatikkut +299 32660 atorlugu attaveqarfigissallugu.
Eqqaamalluguli Qallunaat Nunaanniit sianissaguit taanna nalunaaquttap akunnerinik pingasunik siulliulluni nikingammat.
Qinnuteqartut pillagaasimanermut allagartaq tunniutissavaat aamma meeqqanik atornerluisi-mannginnermut uppernarsaat pissarsiariniarneqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqarfissaq ulloq kingulleq 15.09.2026
