Angerlarsimaffik Qasapermiut, Isikkivik, Sisimiuniittoq 1. Inunnik isumaginninnermi siunnersortimik assigisaanilluunniit pissarsiorpoq.

Angerlarsimaffik Qasapermiut, Isikkivik, Sisimiuniittoq 1. Inunnik isumaginninnermi siunnersortimik assigisaanilluunniit pissarsiorpoq.

Atorfininnissamut ulluliussaq: 1. dec 2025 Imaluunniit isumaqatigiinneq aallaavigalugu.

Angerlarsimaffiit Qasapermiut, Isikkivik pillugit

Ulloq unnuarlu angerlarsimaffiit Qasapermiut aamma Isikkivik Sisimiuniipput, Kalaallit Nunaanni. Angerlarsimaffiit tassaapput Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ataaniittut Meeqqanut inuusuttuaqqanullu sumiginnagaasimasunut 6 aamma 18-inik ukiulinnut aammalu suliniuteqareernermi malitseqartitsilluni suliniuteqareernermit 18 – 23-inik ukiulinnut, ulloq unnuarlu angerlarsimaffinnut immikkoortortaqarfik ukununnga: Angerlarsimaffik Pilutaq, Qasapermiut aammalu Angerlarsimaffik Isikkivik. Inissitat meqqat inuttut aqqusaagaqartuupput sumiginnaagaasimanermik tunngaveqarsinnaasumik, nunarput tamakkerlugu inissiisarfiuvoq.

Perorsaariaaseq ulloq unnuarlu angerlarsimaffinni pingasuni tunngaviatigut perorsaariaaseqarpugut imaak; tunngaviatigut eqqarsartariaatsikkut ilisarsisarnikkut, meeqqat piginnaasaat aallavigalugu aaqqissuussamik avatangiiseqartitsinissamik, pingaartitsillutalu ulluinnarni ataqqeqatigiinnermik akuersaarpalaartumik siunertalimmik meeqqanut inuusuttunullu.Ulluinnaat aalaakkaasut pingaartitaraagut, atuarneq, sunngiffimmi soqutigisat ullup unnuarlu angerlarsimaffiup avataani inooqataaneq eqqarsaatigalugit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillugit, piniariartillugit, sisorariartillugit allanulluunniit illoqarfiup iluani aaqqissuussanut peqataatillugit.

Aqutsisoq qaninnerpaaq

Inunnik isumaginninnermi siunnersorti qaninnerpaamik aqutsisorissavaa ulloq unnuarlu angerlarsimaffimmi forstander

Atorfik pillugu:

Inunnik isumaginninnermi siunnersortip akisussaaffigai:

-Suliassat naammassinissaat aqutsisut sinaakkusersugaasa iluaniittut.

-Aqutsisut sulisullu suleqatigalugit tatiginartumik, ujartuisumik, aamma isumassarsiorfeqatigiittumik kiisalu avitsiseqatigiiffiusumik suleriuseqarneq.

-Paasissutissanut malinnaaneq, ilisimasaqarneq, aamma misilittagaqarneq, sullissinermi nalorninartunik inissittoqartillugu meeqqanut inuusuttuaqqanut tunngasunut aammalu ilaqutariinnut tunngasunut.

-Immikkoortortat naapinneranni peqataasarneq, innersuunneqartoqartillugu meeqqamik ataatsimiinnerni tamakkununngaluunniit attuumassuteqartunut ataatsimiinnerni peqataaneq.

 Inunnik isumaginninnermi siunnersortip suliassarai:.

• -Meeqqat isertut allattorneri suliassartaai/ pappiliartai nalunaaarsorlugit immikkoortortaqarfinnullu agguataarlugit.
• Ukiumut pilersaarusiortoqaetassaaq sullitat saagiisa suliarinissaanut
• Paasissutissanik ingerlatitseqqiinissamut akuersinerit, tikilluaqqusinut kommuninut qanigisaasunullu
• Meeqqanut inuusuttuaqqamullu paasissutissanik pisariaqartunut aallerneq
• Sullitamut meeqqamut inuusuttuaqqamulluunniit suliami kommunimut attaveqaataaneq
• Oqartussaaffeqarfinnut allanut attaveqaataaneq
• Inatsisinut, kaajallassianut, nalunaarutinut assigisaannullu paasissutissiissarnissamik ilitsersuisinnaanissamillu suleqatiginut neqeroorneq
• Perorsaasutut sulisut nalunaarusiortarnernut allaaserinnittariaatsinillu ilitsersuineq
• Immikkoortortaqarfinni aqutsisunut aammalu perorsaanermi sulisut peqatigalugit ineriartortitsinermi pilersaarusiorneqarnerisa suliarinerani
• Meeqqat inuusuttuaqqallu pillugit katsorsartinneqarnissaanik pilersaarutit, killiffiannillu nalunaarisiorluni allaaserinninnermi suliaqarneq
• Ineriartortitsinermi pilersaarusiornerni piffissarititaasut malinneqarnissaasa nakkutiginissaat aammalu
• Iliuusissamik pilersaarusiat kommuninut piniartarnissaat

Illit:

• -Inunnik isumaginninnermi siunnersortitut ilinniarsimasaatit
• -Sullissisunik assigiinngitsunik suleqateqarsinnaassaatit.
• -Meeraq pillugu paasissutissanik assigiinngitsunik tunniussuisinnaanissat suleqatigaasunut assigiinngitsunut
• -Suliamut tunngatillugu perorsaasunut suleqataanullu, meeqqanut/inuusuttuaqqanut aamma qanisaannut siunnersuisinnaaneq.
• -Eqqumaariffigivat meeqqanut sullitiligassannut annertuumik pingaaruteqassagavit.
• -Ilisimasaqarnissat sumiginnagaasimanerup kingunerisartagaanik.
• -Ulluinnarni annikitsumik iluatsittut nuannaarutigisaritit.
• -Ajunngitsussaq isiginiartarit aporfissat tunulliullugit.
• -Marlugiinnik oqaaseqartuusutit (kalaallisut qallunaatullu) taannali piumasaqaataanngilaq.

Illuatungaanik periarfissatsialak ulloq unnuarlu angerlarsimaffiit pingasut immikkuullarissumik ineriartortitseqataasinnaaneq, aamma periarfissiisoq suliamut pikkorissutsimut ineriartornissaq.

Paasissutissanik suliffiginikuusamut paasianiaasinnaassaagut. Pinerlussimanginnermut, aamma meeqqat atornerlusiamnnginnermut takussutissamik aallertoqassaaq atorfininnginnermi

Pinerliisimannginnermut uppernarsaat/meeqqanik pinerliisimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat Meeqqanut Inerisaavimmi naliliinermut ilaatinneqassaaq.

Paasissutissat allat

Atorfik pillugu paasisaqarnerorusukkuit saaffiginnissinnaanernut tikilluaqquatsigit. Forstander Ânâ-Grethe Klein tlf: +299382095 mobil 580333 email: anag@nanoq.gl

Qinnuteqarneq

Atorfiit qinnuteqarfineqarsinnaapput uunga www.naaalakkersuisut.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk