Aningaasaqarnermik immikkoortortaqarfik AU-ØR ilinniartumik pissarsiorpoq

Kommuneqarfik Sermersuumi nutaamik ilikkagaqarnissannut piareeqqavit aamma ilinniartuunissannut soqutiginnippit? Kommuneqarfik Sermersuumi ineriartortitsinermik suleqatigiinnermillu sunniuteqarnissannut peqataarusuppit? Taamaappat maani suliffimmik misiliinissannut qinnuteqarsinnaavutit.

Kommuneqarfik Sermersooq Kalaallit Nunaanni suliffeqarfiit annerit ilagivaat. Kommunimi suleqatigiligassatit 2.300-t sinnerlugit amerlassuseqarput. Suleqatit inuiaqatigiit pillugit ullut tamaasa pingaarutilinnik suliaqartut. Taamaattumik tulluusimaarutigalugu ataatsimoortut suliffiup avatangiisaanik eriaginnittut innuttaasunillu pitsaanerpaamik ataqqinaatigalugu kiffartuusserusuttut akornanniilissaatit.

Kommuneqarfik Sermersuumi aningaasaqarnermik immikkoortortaqarfik pillugu naatsumik:

Aningaasaqarnermik immikkoortortaqarfik pingasunik agguataaqqavoq tamarmillu immikkut aqutsisoqarlutik, ukunani, Kreditor, Debitor taavalu Controller. Immikkoortortaqarfiit taakku katillugit 19-nik sulisoqarput.

Debitori Kreditorikkullu akisussaaffigivaat akiligassanik assigiinngitsunik agguaanerit, akiligassanillu assigiinngitsunik akiliinerit ingerlattarlugit, Controllerikkut finanskonti assigiinngitsut nakutigalugillu naligiissaartarlugit.

Ilinniartoq immikkoortortaqarfinni taakkunani pingasuni kaaviiaarluni misilittaajumaarpoq, taamaasilluni suliffeqarfinni aningaasanik aqutseriaatsit assigiinngitsut siammasissumik paasisaqarfigalugillu misilittagaqarfigilerumaarpai.

Naatsorsuutigaarput illit / ilinnut piumasaqaatigissavarput:

∙Suliffiit ataqqissagit / malittarisassat atuuttut ataqqissagitit

∙Suleqatikkuminartuusutit

∙Sulerusussuseqassasutit

∙Innuttaasut suleqatitillu eqqarsaatigalugit suleqatikkuminartuussasutit

∙Ilisimasatit isummatillu suleqatinnut paarlaasseqatigiissutigisinnaagitit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Pingaartipparput:

∙Alapernaatsuussasutit nutaanillu ilikkagaqarnissamut sapiissuseqartuussasutit

∙Suliassamik pissanganartumik peqataaffigerusutannik takugaangavit ujartuisutut peqataaniarsarisartuussasutit

∙Kiffartuussiumalluartuusutit

∙Suliassatit tamatigut piumassuseqarfigalugit, sulerusussuseqarfigalugit orniginartillugillu suliarinninniartuussasutit

∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaassasutit

Aningaasaqarnermut Immikkoortortaqarfiup neqeroorutigaa:Praktikkerfik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput, praktikkertumut suliffeqarfimmullu, patajaatsumik suliassanut pulatikkiartuaartitsinissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisuugallartoq Knud Geraae, oqarasuaat +299 36 71 09 imaluunniit e-mail: kger@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 451-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 27.-at, 2025

Atorfik una qinnuteqarfigiuk