Aningaasaqarnermut Naalakkersuisoqarfik pikkorissumik tunniusimasumillu nutserisussarsiorpoq

Aningaasaqarnermut Naalakkersuisoqarfik pikkorissumik tunniusimasumillu nutserisussarsiorpoq 
Pitsaassuseq annertooq, ulapinnermi malinnaaneq, suliat piffissaq eqqorlugu tunniussat qungujulallunilu sullissineq. Illit taannaaguit taava immaqa nutserisussaraatsigit nutaaq.

Aningaasaqarnermut Naalakkersuisoqarfimmi nammineq nutserisoqarfeqarpugut. Nammineq nutserisoqarfipput nutserisunik marlunnik sulisoqarpoq. Nutserisoqarfik Pisortat allatseqarfiannut, naalakkersuisoqarfimmi ingerlatsinermi sulianik arlalinnik isumaginnittumut kiisalu Naalakkersuisumik naalakkersuisoqarfiullu isortaanik sullissinermut ilaavoq. Nutserisup Písortat allatseqarfianni immikkoortumut pisortaq qaninnertut qullersaraa.

Illit 
Nutserisutut ilinniarsimallutilluunniit taamaattutut piginnaaneqalertitsisumik misilittagaqartuuvutit. Nutserinermik ingerlatsinermik misilittagaqareersuuguit ajunngilluinnassaaq. 

Nutserinermut oqaluttaanermullu bachloriuguit iluaqutaassaaq, piumasaqaataananili.

F2 nalunngikkukku ajunngilluinnassaaq, Wordimillu, PowerPointimik Excelimillu atuinermik sungiusimannikkuit aamma ajunngilluinnassaaq.

Aningaasaqarnermut immikkoortumi oqaatsinik atorneqartartunik ilisimasaqarneq annertuumik iluaqutaassaaq.

Malinnaalluarsinnaassuseqarputit suliallu piffissaq eqqorlugu piareersimanissaannik pilersaarusiorlutillu tupaallannartunik pinngitsoortitsisarputit. Pitsaassuseq sulianillu ilisimaarinnilluarneq pingaartippatit.

Kisimiillutit suliumasarputit, allanilli aamma suleqateqarumasarlutit.

Persuarsiorfiunngitsumik periuseqarluni akuuneq, aalajangiisartunut qanittumiinneq suleqatillu tunniusimasut akornanniinneq nuannaraat. Sullissilluarneq ileqqorivat pitsaassutsimillu pingaartitsisuullutit kiisalu suliffimmi avatangiiserissaarneq pissusissamisoortutut isigaat.

Atorfik pillugu 

• Kalaallit danskit taamaariarlunilu tuluit oqaasiisa akornanni allakkatinik nutserineq 

• Avataanit nutserisunit pitsaassutsimik qulakkeerinninneq  

• Taamaariarlutit nutserisunut avataaneersunut attaveqaataallutillu nutserinermi sulianik ataqatigiissaarisassaatit 

• Nutsikkat suliarinerisa pitsaassusaannut akisussaasuussaatit 

• Naalakkersuisoqarfiup atortussianik politikikkut suliarineqartussanik qulakkeerinninneranut peqataasassaatit 

• Naalakkersuisumik naalakkersuisoqarfiullu pisortaanik sullissisunut ilaassaatit 

• Suliassat nukinginnartut suliarisassavatit 

Aningaasaqarnermut Naalakkersuisoqarfimmi nutserisutut nutsigassat nukingiussat annikinnerusut suliarisinnaasassavatit, aammali inatsisinik nutsigassat annertuut kiisalu saqqummersitassat aningaasaqarnermut attuumassutillit suliassarisassannut ilaasassapput.

Nutsigassanik suliaqarnissamut nammineq passussisinnaatinnata, taakku naalakkersuisoqarfiup avataani nutserisunut nassiunneqartarput. Pitsaassutsip qaffasissup assigiiaartullu attannissaa kissaatigaarput, tamatumalu pitsaassutsimik nutsikkanik naalakkersuisoqarfiup avataani suliarineqartunik qulakkeerisarnissat/kukkunersiuisarnissat kingunerisassavaa.

Akimuisumik nutsigassanik ataqatigiissaarineq, piffissaliussanik malinninneq, pitsaassutsimik qaffasissumik qulakkeerinninneq kiisalu pitseriartuuneq sullissinerlu Aningaasaqarnermut Naalakkersuisoqarfimmi nutserisuunerup pingaarutilimmik ilagaa.

Pisortat allatseqarfianni sulinerup suliassat apeqqutaatinnagit pisariaqartitsiffinni ikiuuttarneq kinguneraa.

Naalakkersuisoqarfiup siuaassuseq, kikkunnit kingoqqisuuneq, upperisaq innarluuteqarnerluunniit apeqqutaatinnagu naligiissitaaneq siuarsarumavaa. Taamattaarlu inuunermit misilittagaqartuuneq inuttullu inerisimassuseq iluaqutitut isigaarput, taamaammallu ukiorisat apeqqutaatinnagit qinnuteqarnissamut kaammattuivugut.
 

Aningaasarsiatigut atorfinitsitaanermilu atugassarititaasut
Atorfik Kalaallit Nunaanni Namminersorlutik Oqartussat kattuffiullu attuumassuteqartup akornanni isumaqatigiissutit atuuttut naapertorlugit inuttalerneqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat erseqqinnersut 
Atorfik pillugu paasissutissat erseqqinnerusut immikkoortumi pisortamut Preben Rasmussenimut oqarasuaatip normua 34 51 12, e-mail: prer@nanoq.gl atorlugit saaffiginninnikkut pissarsiarineqarsinnaapput 

Qinnuteqarnissaq 
Qinnuteqarnissamut killiliussaq: Kingusinnerpaamik ataasinngorneq ulloq 19. oktober 2016. Qinnuteqaat CV-tanik naapertuuttunillu ilassutitalik Namminersorlutik Oqartussat atorfinitsitsinermut atortorissaarutaa aqqutigalugu nassiunneqassaaq. Qinnuteqaatit e-mailikkut tiguneqarneq ajorput. Qinnuteqartunik oqaloqatiginninnerit ingerlaavartumik ingerlanneqassapput. 

Qinnuteqaat, CV, ilinniarsimanermut pikkorissarnermullu uppernarsaatit kiisalu pappiaqqat attuumassuteqartut allat ”Qinnuteqaat nassiuguk” toorlugu nassiutikkit.

Qinnuteqaatinik e-mailikkut tigusisanngilagut.