Aningaasaqarnermut pingaarutilittut atorfimmut siunnersortit pisortaat / siunnersortaaneq

Aningaasaqarnermut pingaarutilittut atorfimmut siunnersortit pisortaat / siunnersortaaneq

Kalaallit Nunaanni kommunit annersaannut siunnersortit pisortaat / siunnersortaaneq

Suliassaqarfimmi sulilerit kommunillu aningaasaqarneranut tunngavissamik qulakkeerinneqataallutit.

Kommuneqarfik Sermersuup aningaasaqarnermut aqutsinerani pingaarutilimmik inissisimarusuppit aamma Kalaallit Nunaanni kommunit annersaanni siunissami naatsorsuisarnermut ilusilersueqataarusuppit? Immikkoortortami aqutsisut pingasut qanimut suleqatigalugit aamma aningaasaqarnermut pisortaq pisortaralugu illit kommunimi naatsorsuisarnerup patajaatsumik toqqissisimanartumillu suliarineqartarnissaannut qulakkeerinnittuussaatit.

Atorfik pillugu

Kommunimi anguniagaqarluartumi inuppalaarfiusumi ingerlatsivinnillu assigiinngitsunik suleqateqarfiulluartumi pingaarutilittut inissisimalissaatit. Tamaani suliatigut inuttullu ineriartornissamut periarfissaqarluassaatit peqatigitillugu kommunip immikkoortui pisariaqartitaminnik naatsorsuisarnermi tapersersorneqarnissaannik qulakkeerinnillutit.

Kommuneqarfik Sermersooq pissanganarluinnartumik aqqusaagaqartuartartuuvoq, matumani naatsorsuuserineq aningaasaqarnermillu aqutsineq ineriartortinneqarlutillu nammineq ingerlasinnaasussatut suliarineqassammata. Tamanna isumaqarpoq, illit suliassatit tamatigoortuussasut: Ukiumut nalunaarusiornerup eqqortumik piffissarlu eqqorlugu suliarineqarnissaa qulakkiissavat, peqatigitillugulu nammineq ingerlasinnaasut nutaat pitsanngorsaaqataaffigalugillu atuutsikkiartuaalissavatit.

Taakkua saniatigut suliassatit patajaallisaanermik aamma qaammammut naatsorsuinernik naammassinninnernik kiisalu assigiinngitsunik suliniutinik ilaqassapput. Suliffeqarfiup iluani avataanilu suliassaqarfitit siammasissapput, tamannalu illit oqariartuutinik ajornarsinnaasunik ersarissumik tatiginartumillu ingerlatitseqqiisinnaanermut piginnaasaqarnissannik pisariaqartitsiffiussaaq.

Ilinnut tunngasut:

Suliffinni iluatsitsinissannut siullertut suliassavit naammassinissaanut akisussaaffimmik tigusisinnaanissannik pisariaqartitsiffiussaaq – aamma naatsorsuinermi sukumiisut kajumissaarutigisassavatit nuannaralugillu. Inuttut ammasuuvutit ilakkuminartorlu aamma inuit naligalugit nuannersumik periuseqarlutit naapittarpatit. Pisuni tamani periarfissanik isiginnittaatsinillu takunnissinnaavutit aamma iliuutsinni ersarissumik siunnerfeqarputit peqatigitillugulu siunissaq ungasinnerusoq eqqarsaatigalugu ukkassisinnaallutit.

Naatsorsuutit ilusissaannik misilittagaqarluarputit ajornanngippat pisortat suliffeqarfiutaani aamma naatsorsuusiornermi piginnaasatit pitsaasuupput. Naatsorsuusiorsinnaanerit ilisimasaqarfigilluarpat. Taakkua saniatigut qarasaasialerilluarsinnaavutit, naapertuuttumik ilinniagaqarputit aamma sunniisinnaasumik sapiissuseqarputit suleqatinnut sunniisinnaasumik. Kalaallit Nunaat pillugu ilisimasaqarluaruit iluaqutaassaqaaq.

Kommuneqarfik Sermersooq pillugu:

Kommuneqarfik Sermersooq Kalaallit Nunaanni kommunit annersaraat aamma Kalaallit Nunaanni suliffeqarfiit annersaasa ilagaat 2.500-t missaaniittunik sulisoqarluni aamma ukiumut 2 mia. koruunit sinnerlugit ingerlatsinermut missingersuuteqarluni, 24.000-nik innuttaasoqarluni, taakkunani 20.000-it Nuummi najugaqarlutillu sulisuupput. Nuuk Kalaallit Nunaanni illoqarfiit pingaarnersaraat uummaarissoq issittumilu inissisimalluni kusanarluinnartumi, sukkasuumik ineriartorfiuvoq tassanilu ulluinnarni, illoqarfiup qeqqani, sulisassaatit. Tamatuma sanitigut kommuneqarfimmi assigiinngitsuni inissisimasunik inoqarfeqarpoq, taakkunanilu Tasiilaq, Paamiut aamma Ittoqqortoormiit annersaraat. Illoqarfiullu angissusaa pissutigalugu Nuuk illoqarfiit pingaarnersaattut allatut sammisassanik kulturimullu tunngassuteqartunik neqeroorutinik peqarpoq, illoqarfiullu eqqaralaannguani nunarsuarmi pinngortitaq kusanassutsimigut nalissaqanngitsoq, ilinnit takornariarfigineqariaannaasoq, weekendini orneriaannaassavat.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aningaasaqarnermut pisortaq Hans Severin Berg, oqarasuaat +299 36 73 56 imaluunniit e-mail: sebe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 723-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 28.-at, 2025

Atorfik una qinnuteqarfigiuk