ANINGAASAQARNERMUT SIUNNERSORTI – INI A/S NARSAQ

Inunnik aqqutissiuusserusukkuit aningaasaqarnerannullu tunngasumik ikiuerusussuseqaruit – illiusimassaaq suleqatissatut ujartugarput.

Kommuneqarfiit Namminersorlutillu Oqartussat qanimut suleqatigisarpagut, najugaqartut ilaqutariikkaat najukkaminnit attartorunnaarsitaasut ikilisarumallugit. Suliniut najugaqartunut attartorunnaarsitaasussanngulersunut kiisalu najugaqartunut aningaasaqarnermikkut kipiluttunartorsiortunut samminerutillugu siunnersuisarnissamut tunnganeruvoq.

Akiligassalerinermi aqutsisoq qaninnertut qullersarissavat, Teamlederi aammalu akiliisitsiniartarfik Sisimiuniittoq qanimut suleqatigisassallugu.

Attartortut naligalugit aningaasaqarnikkut siunnersuineq

Pingaarnertut suliassaraatit ilaqutariinnut pisariaqartitsisunut naleqquttumik aalajangersimasumillu aningaasaqarnikkut siunnersuineq, najugaqartup aningaasaqarnermigut tamakkiisumik takunnissinnaalernissaa ukkallugu, aammalu ilaatigut:

• periarfissanik pisinnaatitaaffinnillu siunnersuineq aqqutissiuinerlu

• aningaasaqarnerup tungaatigut akiligassanullu tamakkiisumik takunnissinnaalersitsineq

• ilaqutariit suleqatigalugit aningaasanik siumoortumik missingersuusiorneq

• pisortanut attuumassutilinnut akiligassaqarfinnullu attaveqartarnerit

• ataavartumik ataatsimeeqateqartarnerit suliniummilu aqutsisunut nalunaarusiortarnerit

• suliniuteqarfissat ingerlannissaat angusaqarfiunissaasalu qulakkeernissaat

• sinerissami Aningaasaqarnermut siunnersorteqatigiit akornanni peqanngittoqartillugu sulianik akisussaaqataaneq

• suliassat takkussuuttut suliarineri

Pitsaassuseqartumik akisussaassuseqartumillu pimoorussineq suliassap suunera apeqqutaatinnagu.

Allaffissuussinermut tunngasumik tulluuttumillu ilinniagaqartuussaatit, aningaasaqarnermut siumoortumillu missingersuusiornermik ilisimasaqaruit, inunnillu sullissineq misilittagaqarfigigukku iluaqutigisissavat. Pingaaruteqarpoq sullitanik attaveqarusuttuussasutit siunnersuerusussuseqarlutillu. Inuit aningaasaqarnermikkut ajornartorsiuteqaannaratik allanik unammilligassallit sullittussaagakkit utaqqisinnaassuseqassaatit inuppalaartumillu paasinnissinnaassuseqarlutit. Attaveqallaqqissuunerit tunuliaqutaralugu sullitat ataasiakkaat naligalugit ataqqinnittumik paasinnissinnaassuseqarlutillu oqaloqateqarsinnaassaatit. Taakku saniatigut tunngaviusumik inatsisiliornermik ilisimasaqassaatit marloqiusanillu oqaaseqarlutit.

Ilagitigut

Atorfik pissanganartoq neqeroorutigaarput, namminerlu sinaakkusersueqataanissat peqataaffigisinnaallugu, taamatullu suleqatigiit akornanni ulluinnarni sunneeqataasinnaallutit. Suleqatigiilluarnissaq pingaartitaraarput suleqatigiillu akornitsinni qerataniartuunata.

Atorfininnermi atugassarititaasut:

Piginnaanitit aallaavigalugit akissarsiaqartitaallutillu atorfinitsitaassaatit. Atorfininninnut atatillugu nuunnissat pigisavillu assartuunnissai pisinnaatitaaffigaatit. Malittarisassat malillugit inissaqartitsisoqarsinnaavoq.

Sulilernissaq:

Periarfissaavoq 15. december 2025 imaluunnit Januarip aallaqqaataani 2025, imaluunnit isumaqatigiissuteqarnikkulluunniit.

Atorfik soqutigaaguk?

Atorfik pillugu annerusumik paasisaqarsinnaavutit akiligassalerinermut aqutsisoq Ane Petersen attavigalugu uunga 86 10 24 imaluunniit mailimut anp@ini.gl, immaluuniit 24. novermberip kingorna Teamlederi Najakkuluk Olsen attavigalugu uunga 86 10 28 mailerfigalugu nao@ini.gl

Qinnuteqaatit CV-it pappilissallu attuumassuteqarsinnasut pineqaatissinneqarsiman-nginnermik uppernarsaat ilanngullugu allakkatigut mailikkulluunniit tigoreersimassavagut kingusinnerpaamik 24. novemberi 2025.

INI A/S

Sulisoqarnermut Immikkoortortaqarfik

Postboks 1020

3911 Sisimiut

E-mail: job@ini.gl