Aningaasaqarnermut siunnersorti tapiissutit, taarsigassarsiat nunalerinermillu inuussutissarsiuteqarnermut ineriartortitsineq

Ulloq atorfiniffissaq: 1. december 2025 isumaqatigiissuteqarnikkulluunniit.

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik Aningaasaqarnermut, HR-imut, Allaffissornermut, Nunalerinermut Imminullu Pilersornermut immikkoortortaqarfimmi suleqatissarsiorpoq. Immikkoortortaqarfik ulluinnarni arfinilinnik sulisoqarlunilu marlunnik ilinniartuuteqarpoq, susassaqarfinnut tallimaasunut, nunalerineq ilanngullugu agguataarsimasunik. Nunalerinermik suliaqartunut, Kalaallit Nunaanni nunalerinermik inuussutissarsiuteqarnerup ingerlanneqarnissaanut ineriartortinneqarnissaanullu akisussaaffeqartunut aamma suliassaqarfimmi inuussutissarsiornermik siuarsaanermik aqutsisunut ilaassaatit.

Suliassatit

Pingaarnertut suliassarissavatit nunalerisunit inuussutissarsiummik siuarsaanissamut qinnuteqaatinik suliaqarneq. Piginnaasatit politikikkullu sammineqartussat apeqqutaatillugit arlalippassuarnik suliassaqarsinnaavutit. Ilaatigut suliassarissallugit naatsorsuutigisinnaavat:

• Inuussutissarsiummik siuarsaanissamut qinnuteqaatinik inatsit naapertorlugu suliaqartarnissat

• Namminersorlutik Oqartussat taarsigassarsisitsisarnermut atortua XAL atorlugu inuussutissarsiummik siuarsaanissamut aningaasanik tunniussineq aamma taarsigassarsisitsinissamut atortorissaarummik nutaamik ineriartortitseqataaneq

• Taarsigassarsisitsinissamut atortorissaarummut nutaamut ikaarsaariarnermut peqataaneq

• Taarsigassarsitinneqarnissamik qinnuteqaatit suliarineqarnerannut atatillugu Nunalerinermut Siunnersorteqarfik, Savaatillit Peqatigiit Suleqatigiissut kiisalu nunalerisut suleqatigineqarnerat, aammali suliassanik ineriartortitsinermut atatillugu suleqateqartarnissaq

• Aningaasanut inatsimmi nunalerinermut konto-mi atuineq pillugu immikkoortortaqarfiup tamakkiisumik takunnissinnaanissaanik qulakkeerinninneq

• Suliassat assigiinngitsut pillugit suleriaasissamut nassuiaasiorneq

• Naalakkersuinermik sulialinnik sullisseqataaneq, tassunga ilanngullugu tamanut saqqummiussassanik suliaqarneq, soorlu tusagassiorfitsigut nalunaarutissanik, oqalugiaatissanik paasititsiniaanernullu il. il. ilanngussassanik suliaqarnerit

Nunalerinermik inuussutissarsiutillit Kujataani najugaqarnerupput, taamaammallu Kujataanut angalasarnissat naatsorsuutigissavat.

Piginnaaneqarfiit

Pingaarnertut suliassarivat inuussutissarsiummik siuarsaanissaq pillugu qinnuteqaatinik suliaqartarnissaq. Taamaammat aningaasaqarneq pillugu ilisimasaqartariaqarputit, iluaqutaassaarlu naatsorsuuserinermik missingersuusiornermillu ilisimasaqarnissat. Aaqqissuussaasumik sulisinnaavutit suliallu peqqissaarunneqarnissaat nuannarisaralugu. Suliat naammassineqarnissaasa tungaanut malinnaanissaq ataqqisarivat, suliallu ajunngitsumik ingerlanneqarnersut malinnaaffigilluarsinnaavatit aamma ikiorserneqarnissamik pisariaqartitsininni ikiortissarsiorsinnaavutit.

Kalaallisut oqalussinnaavutit aamma ilakkuminartuuvutit, atitullutit ikiuukkumatuujullutillu kiisalu attaveqaqateqallaqqittuullutit. Qinnuteqartut oqarasuaatikkut kalaallisut malitseqartitsiffigineqarsinnaapput, taamaammat kalaallisoorluarsinnaanerit pingaaruteqarpoq.

Naatsorsuutigaarput illit:

• aningaasaqarneq pillugu ilinniagaqarputit AU-ØR, Inuussutissarsiornermi aningaasaqarnermi assigisaannilu BA-mik ilinniagaqarputit

• qarasaasiamik atuilluarsinnaavutit, pingaartumik Excel-imik aamma qarasaasiatigut atortorissaarutit atorlugit suliaqarluarsinnaallutit

• aaqqissuussaasumik suleriaaseqarputit aamma piffissaliussanik malinnilluarsinnaavutit

• akisussaaffimmik tigusisinnaalluarputit

• inuit assigiinngitsorpassuit assigiinngitsunillu suliallit tatigeqatigiissumik suleqatigisinnaavatit

• kalaallisut danskisullu oqaatsit atorluarsinnaagitit

Kissaatigaarput aamma ajornanngippat, illit:

• Kalaallit Nunaanni nunalerinermik ilisimasaqarluartutit, piumasaqaataanngilarli

• naalakkersuinikkut aalajangiiniartarnermik misilittagaqarlutillu paasinnissinnaassuseqartutit

• Namminersorlutik Oqartussat IT-kkut artortorissaarutaannik, soorlu F2-mik, XAL-imik aamma IRIS-imik ilisimasaqartutit

Neqeroorutigaavut

• Akisussaaffik annertooq tassungalu atatillugu ajunngitsumik allanngueqataasinnaaneq

• Suliffik persuarsiorfiunngitsoq ataqqeqatigiiffiullunilu tatigeqatigiiffiusoq aamma peqqissuunissamik ajunngitsumillu atugaqarnissamik ukkatarinniffiusoq

• Suliffik pissanganartumik siammasissumik inissisimasoq, nunagisami annertuumik aammalu nunarsuarmiit isiginiarneqartoq.

Amerlanerusunik paasisaqarusuppit?

Atorfik pillugu paasissutissanik amerlanerusunik immikkoortortaqarfimmi pisortaq Max Heilmann Larsen, oqarasuaat +299 345212-imut, e-mail: mxhl@nanoq.gl-imut saaffiginninnikkut pissarsisoqarsinnaavoq

Qinnuteqaat oqaloqatiginninnissallu

Qinnuteqarnissamut killigititaq: 1. oktober 2025.

Ingerlaavartumik oqaloqatiginnittoqartassaaq. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk