Arctic Hubip allattoqarfiani pisortaq

Illit Kalaallit Nunaanni ilisimatusarfigineqartunik inuiaqatigiinnut naleqarnerulersitseqataasinnaasutut imminut takorloorpit? Allattoqarfimmilu eqeersimaarfiusumi eqinnaatsumillu suliffiusumi siuttoorusuppit? Taava maanna Arctic Hubip allattoqarfianik Nuummiittumik ineriartortitseqqinnissamut asseqanngitsumik periarfissaqalerputit.

Suliffik

Arctic Hubip allattoqarfiani pisortatut Kalaallit Nunaanni ilisimatusarnermik oqaluuserisassanngortitseqataassaatit suliniutinilu ilisimatusarfigineqartut inuiaqatigiinni atorlualersitsiffiusuni siuttuussalllutit. Taamaattumik pisortatut akisussaaffigissavat Arctic Hubip issittumi ilisimatusarnermik soqutigisaqarfittut ineriartortinnissaa Arctic Hubillu avammut sinniisuuffiginissaa. Taamaattumillu nuna tamakkerlugu nunanilu tamalaani oqallinnernut peqataasarnerit ullormut suliassavit ilarujussuarisassavaat.

Allattoqarfimmut siulersuisunullu akunnermiliuttoq

Allattoqarfimmi pisortatut Arctic Hubimi siulersuisut pingaarnertut qanimut suleqatigisassavatit. Siulersuisunut allattoqarfimmullu akunnermiliuttuunerit pissusissamisuussaaq, periusissiornermilu suliassanut aalajangigassanullu atatillugu siulersuisut eqeersimaartut suleqatigisassavatit.

Allattoqarfimmi eqeersimaarfiusumi pisortaaneq

Pisortatut allattoqarfimmiunut piumassuseqarluartunut siuttuussaatit. Allattoqarfiup 2020/2021-mi pilersinneqarneraniilli allattoqarfik isumassarsiaannaajunnaarluni atorfilinnit sisamanit suliniummullu atatillugu atorfinitsitarpaalunnit suleqatigiiffiulersimavoq. Illit sulisut Arctic Hubimi periusissiamik piviusunngortitsinissamut pitsaanerpaanik tunngavissaqartuarnissaat qulakkiissavat. Naatsorsuutigaarput sulisunik peqataatitsineq suliaqarfiinillu assigiinngitsunik sunniivigeqatigiissitsisinnaaneq piginnaasaqarfigigitit. Allattoqarfik suliffeqarfiuvoq assigiinngisitaarfiullunilu nuannersoq isumassarsianullu ammaffiusoq, illillu pisortatut suleriaatsit sulisut iluarisimaarinninnissaannut aamma inuttut suliaqarfimminnilu ineriartornissaannut tunngavilersuutaasinnaassaaq.

Sulisunut akisussaasuunivit saniatigut Kalaallit Nunaanni, Danmarkimi nunanilu tamalaani ilisimatusarnermik, oqartussaasoqarfinnik inuussutissarsiornermillu ataqatigiinnerulersitsiniaanermi suliaqarfiit assigiinngitsut akornanni sunniivigeqatigiissitsisinnaassaatit.

Pisortatut allattoqarfimmiunut piumassuseqarluartunut siuttuussaatit. Kalaallit Nunaanni, Danmarkimi nunanilu tamalaani ilisimatusarnermik, oqartussaasoqarfinnik inuussutissarsiornermillu ataqatigiinnerulersitsiniaanermi suliaqarfiit assigiinngitsut akornanni sunniivigeqatigiissitsisinnaassaatit

Illit pillutit

Naleqquttumik ilisimatusarnermi ilinniagaqassaatit minnerpaamillu ukiuni pingasuni matumani atorluarsinnaasannik pisortatut misilittagaqassallutit. Kalaallit Nunaanni, Danmarkimi nunanilu tamaani ilisimatusarnermi suliarineqartunik ilisimasaqarnissat kissaatiginarpoq. Politikkikkut pisut paasisimasaqarfigissavatit oqaasissannillu naliliilluarsinnaasuussallutit.

Aamma naatsorsuutigaarput illit…

• Piumassuseqarluartutit, periarfissat takulluarsinnaagitit aamma Arctic Hub anguniagai soqutigineqarnerulersillugillu saqquminerulersillugillu nuannarineqarnerulersissinnaagitit.

• Kalaallit Nunaanni inuiaqatigiinni pissutsit ilisimasaqarfigilluarit.

• Aningaasaqarnermik, allaffissornermik isumalluutinillu aqutsisarneq sungiusimagit.

• Misissueqqissaarsinnaaneq piginnaasaqarfigilluarit.

• Ataqatigiillualersitsillaqqissuusutit attaveqatigiissitsilluallaqqissuusutillu, nuna tamakkerlugu nunanilu tamalaani.

• Suleqatigiinnissamut aqqutissiuineq arlalinnullu soqutiginaatilinnik ataatsimiisitsisarneq piginnaasaqarfigigitit.

• Suliniutinik ineriartortitsinermi ingerlatsinermilu misilittagaqarluartutit suleriutsinillu paasisimasaqarluartutit.

• Ammasuusutit aamma allannikkut oqalunnikkullu paasissutissiisinnaassuseqarluarlutillu attaveqatigiillaqqissuusutit. Kalaallisut, danskisut tuluttullu oqalussinnaaneq iluaqutaalluinnassaaq.

Arctic Hub pillugu

Arctic Hub issittummi pingaartumillu Kalaallit Nunaanni ilisimatusarneq pillugu katersuuffiuvoq immikkorluinnaq ittoq. Kalaallit Nunaat Danmarkilu peqatigiillutik Nuummi allattoqarfimmik pilersitsisimapput, Arctic Hubimilu angorusutat amerlallutillu imaannaanngillat. Allattoqarfimmi suliaraarput ilisimatusarnermik inuiaqatigiinniittunillu ataqatigiilersitsineq. Arctic Hub pillugu uani paasisaqarnerusinnaavutit: www.arctichub.gl

Atorfininnermi atugassarititat

Arctic Hubip allattoqarfia Pinngortitaleriffimmiimmat Pinngortitaleriffimmi atorfinitsitaassaatit, Arctic Hubimili siulersuisunut siulittaasoq naalagarissallugu.

Atorfik aningaasaliiffigineqarpoq Danmarkimi Kalaallillu Nunaanni aningaasaqarnermut inatsisit naapertorlugit. Taamaalilluni atorfinitsitsisoqassaaq aningaasaqarnermut inatsisit naapertorlugit aningaasaliisoqartartillugu.

Akissarsiat atorfininnermilu atugassarititaasut piffissami atorfiniffimmi Namminersorlutik Oqartussat peqatigiiffiullu isumaqatigiissusiorsinnaatitaasup isumaqatigiissutaat atuuttoq naapertorlugu atuutissapput.

Atorfinitsitsineq

Qinnuteqarnissamut killigitinneqarpoq sisamanngorneq julip 3-at 2025. Naatsorsuutigineqarpoq qinnuteqartunik oqaloqatiginninnerit 2025-mi julimi ingerlanneqassasut. Oqaloqatiginninnerit marluk taakkua akornanni inuttut immikkuullarissutsinik paasiniaasoqassaaq (personlighedstest). Kissaatigineqarpoq atorfik inuttalerneqassasoq kingusinnerpaamik sept-ip 1-anni, 2025.

Paasisaqarnerorusukkuit

Attavigiuk Mininnguaq Kleist, mikl@nanoq.gl, Arctic Hubip siulersuisuini siulittaasoq, imaluunniit maannakkut allattoqarfimmi pisortaasoq Jula Maegaard-Hoffmann, jula@arctichub.gl.

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2025 LR 36-mi akissarsiat imak isumaqagitiissutigineqarnikuupput qaamammut Kr. 54.247 ukiumullu Kr. 650.964

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk