Aserfallatsaaliinermut allattoqarfimmi suliniutinut aqutsisut

Aserfallatsaaliinermut allattoqarfimmi suliniutinut aqutsisut

Ineqarnermut, Attaveqaasersuutinut Isorliunerusunullu Naalakkersuisoqarfik

Suliniutinut aqutsisunik pikkorissunik tunniusimasunillu, Kalaallit Nunaanni illuliortiternermut sanaartornermullu suliassaqarfiup inissisimaneranik ineriartortitseqataarusuttunik, maanilu pisortat sanaartornerinik ineriartortitseqataarusuttunik sulisussarsiorpugut.

Aserfallatsaaliinermut allattoqarfik Ineqarnermut, Attaveqaasersuutinut Isorliunerusunullu Naalakkersuisoqarfimmi immikkoortortaqarfiit sisamaasut ilagaat, immikkoortortaqarfiullu suliassaqarfiit arlallit iluini; ilinniartitaaneq, ilinniartut inaat, ilageeqarneq, isumaginninnermi sullissiviit, umiarsualiviit inissiallu, Namminersorlutik Oqartussat iluarsaassinernut, aserfallatsaaliuinernut isaterinernullu suliniutaanni sanatitsisutut inissisimaneq isumagisaralugu.

Aserfallatsaaliinermut allattoqarfimmi suliniutinut aqutsisutut suliniutinut aqutsisooqatigiinni, ineqarnermut suliassaqarfiup iluani iluarsaassinermut aserfallatsaaliuinermullu suliniutinut suliniutinik aqutsisuusuni ilaalissaatit. Taamaattumik Namminersorlutik Oqartussat inissiaataannik iluarsaassinermik suliniuteqarnerup piviusunngortinnissaanut qulakkeerinneqataassaatit, tamannalu inuiaqatigiinnut pingaaruteqartorujussuuvoq kiisalu politikkikkut eqqumaffigineqarluni.

Tamatuma kingunerisaanik siunnersortit avataaneersut suleqatiginerat naapertorlugu suliassanik suliaqarnerit neqeroortitsinerillu ataqatigiissaarnissaat, suleqatissanut isumaqatigiissuteqartarnerit aammalu suliarinninnerup nalaani malinnaaneq nakkutiginninnerlu suliassarissavatit.

Suliniutinut aqutsisooqatigiinni ilaasutut, taamatuttaaq najoqqutassanik, suliniutissanik aaqqiissutissanillu silap pissusaanut sulinermilu pissutsinut naleqquttunik nassaarniarluni suliassaqarfiup iluani nutaaliorneq, ineriartortitsinerlu pingaartikkipput misigissavat.

Suliniutinut aqutsisussanik Nuummi atorfinitsinneqartussanik pingasunik sulisussarsiorpugut.

Neqeroorutigaagut

Aserfallatsaaliinermut allattoqarfimmi sulineq ineriartornermut akisussaaffeqarnissamut, suliatigullu ineriartoqqinnissamut periarfissaqarluartumi avatangiisini pissanganartuni, suliatigullu unammillernartortalinni ingerlanneqarpoq.

• Naalakkersuisoqarfimmi politikkikkut aalajangiinissamut suliat ingerlaneranni qanittumi sulineq

• Tunniusimasunik suleqateqarluni sullivimmi avatangiisit persuarsiorfiunngitsut ammasullu

• Inuttut suliatigullu unammillernartut pissaganartut kiisalu ilinniaqqinnissamut periarfissat

• Sullivik nutaaliornermik nutaanillu eqqarsarnermik ukkatarinniffiusoq

Pissusilersortarneq pingaartorsiorfiunngilaq, aammalu ulluinnaat ulapaarfiusut isumagissaarfiupput, kisiannili aamma sulinerup ilaqutariittullu inuunerup ataqatigiinnissaat ataqqineqarluni.

Suliassaqarfiit

Sanaartugassaq aallaqqaataaniit naammassinissaata tungaanut, suliniutinut aqutsisutut, allaffissornikkut aqussavat. Tassani assersuutigalugu ilaatinneqarput:

• Pisussanut pilersaarutinik saqqummiussassanik imaluunniit pilersaarusiornermut tunngavissanik allanik pilersaarusiorneq suliarinninnerlu

• Suliniummi najoqqutassanik ingerlaavartumik malinnaaneq pitsaassutsinillu qulakkeerineq

• Aqutsisut peqatigalugit neqeroortitsinerit suliarinissaat aamma suliariumannittussarsiuussinerup neqeroorutillu inernerisa isummerfigisarnerat

• Ulluinnarni aningaasaqarnikkut aqutsinermut akisussaasuuneq, ilanngullugit piumasaqaatinik, akiligassanik, qularnaveeqqutinik il.il. misissuisarneq

• Attaveqaqatigiinnerup isumaginissaa, immaqa entreprenørinut pilersuisunullu aqutsisut suleqatigalugit isumaqatigiissutissat isumaqatiginninniutigineqarnerat

• Suliniutit immikkoortuini tamaginni Namminersorlutik Oqartussat sanatitsisutut sinniisuuffiginerat, kiisalu ulluinnarni illuliassanut suliniutinik aqutsinerup ingerlanneqarnera

Suliassatit politikkikkut aalajangiinerit sanaartugassanullu anguniakkat piviusunngortinnissaannik suliaqarnermut attuumassuteqassapput, kisianni immikkoortortaqarfeerannguugatta suliassat akimorlugit suleqatigiinnissaq allanngorartitsisinnaanissarlu pisariaqarput.

Atorfimmut atatillugu angalasarnissaq naatsorsuutigineqartariaqarpoq.

Qinnuteqartoq eqqortoq

Qinnuteqartoq eqqortoq illuliornermi konstruktøritut, issittumi ingeniøritut, teknikeritut taamaaqataanilluunniit ilinniarsimasuuvoq. Misilittagaqarneq, ilanngullugit sanaartornermut suliassaqarfiup imaluunniit suliassaqarfiit assingusut iluanni, iluaqutaassaaq, kisianni piumasaqaataanngilluinnarluni. Ilinniarnerminnik naammasserlaat aamma atorfimmut qinnuteqarnissamut kaammattorneqarput.

• Naalakkersuisoqarfinnut suliatigut, teknikkillu siunnersuineq

• Allattariarsorluni oqaluinnarlunilu attaveqaqatigiillaqqissoq

• Suleqatigiinnermik pingaartitsisoq, suleriaaseqarnerni misissuilluartartoq siunnerfeqartartorlu 

• Anguniagaqarusuttoq akisussaaffeqarnissamik suliniuteqarnissamillu piumassuseqartoq piginnaaneqartorlu

• Suleqatigiinni sulillaqqissoq, kisianni pingaarnerpaatut illuliassani immikkoortuini tamaginni pitsaassutsinik siumullu ingerlanerinik namminersorluni qulakkeerisinnaasoq

• Missingersuusiorsinnaaguit, aningaasaqarnermillu aqutsinermik misilittaqaruit iluassagaluarpoq

• Teknikkimut tunngasunik, matumani nutartigassanik aamma aserfallatsaaliugassanik pilersaarusiornermik kiisalu sanaartugassanik suliaqarneq ilanngullgu siammasissumik misilittagaqaruit iluassagaluarpoq.

• Neqeroortitsinissami atortussanik annikinnerusunik suliaqarnermik kiisalu sanaartugassanik suliassinneqartartunik, assassorlutillu sulisartunik aqutsinermik misilittagaqaruit iluassagaluarpoq.

Atorfimmi illit piginnaasaqarfernilu annertuunik piumasaqarfigineqarlutit misigissavat. Taamaattumik naatsorsuutigaarput inuttut arlalinnik piginnaasaqartutit, ilanngullugu atituumik paasisimaarinninnerup sukumiisunillu paasisimanninnerup akornanni oqimaaqatigiissitsisinnaasutit, namminersornerup ataatsimoorlunilu pilersitsisarnerup akuleriissinnissaat iluaqutissartaqartoq takusinnaagit, kiisalu oqaasissannik oqimaalutaallaqqissuussutit, persuarsiortuunak aammalu ullup suliffiusup – ilaannikkut ulapaarfiusartup – ingerlanerani illarluarnermi peqataasinnaasutit.

Kalaallit oqaasii inuiaqatigiillu ilisimasaqarfiginissaat pisariaqarpoq.

Pingaarnerpaajuvoq pisortani sanaartornermut suliassaqarfimmi sulinitsinni allannguisinnaanissamut nuannersumillu peqataanissaq piumassuseqarfigissagit. Ulluinnarni paasisimaarinniinnarlutit isumassarsiallu iliuusissanngortittarlugit nuannaraat.

1. juli 2025, isumaqatigiissuteqarnikkulluunniit atorfinitsitsisoqassaaq.

Paasissutissat annertunerusut

Apeqqutissaqaruit allaffimmi pisortaq, Niels Thomassen oqarasuaammut +299 345493-imut, niet@nanoq.gl-imut imaluunniit immikkoortortaqarfimmi pisortaq, Derek Kainamura Pedersen, oqarasuaammut +299 345455-imut, dekp@nanoq.gl-imut attaveqarfigisinnaavatit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk