Atorfimmik inuttassarsiuineq (Nutaaq) Meeqqanut, Inuusuttunut, Ilaqutariinnut Ilageeqarnermullu Naalakkersuisoqarfimmi pisortaq

Atorfimmik inuttassarsiuineq (Nutaaq)

Meeqqanut, Inuusuttunut, Ilaqutariinnut Ilageeqarnermullu Naalakkersuisoqarfimmi pisortaq

Nunami tamarmi meeqqat, inuusuttut ilaqutariillu atugarissaarnissaat pillugu suliassaqarfimmi qitiusumik inissisimarusuppit? Meeqqanut, Inuusuttunut, Ilaqutariinnut Ilageeqarnermullu Naalakkersuisoqarfik takorluuisinnaasumik periusissiornermillu nukittuumik Naalakkersuisoqarfimmi pisortassarsiorpoq, Naalakkersuisoq sulisullu qanimut suleqatigalugit Naalakkersuisoqarfimmik aqutsisinnaasumik ineriartortitsisinnaasumillu.

Meeqqanut, Inuusuttunut, Ilaqutariinnut Ilageeqarnermullu Naalakkersuisoqarfik pillugu

Meeqqanut, Inuusuttunut, Ilaqutariinnut Ilageeqarnermullu Naalakkersuisoqarfimmi meeqqat, inuusuttut ilaqutariillu atugarissaarnissaat pitsanngorsarniarlugu sulivugut aammalu suliassaqarfimmi naalakkersuinikkut anguniakkat piviusunngortinniarlugit suliniuteqartarluta. Naalakkersuisoqarfik Aqutsisunut Allattoqarfimmik aammalu Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfimmik imaqarpoq. Sulisut 15-it tunniusimasut kajumissuseqarluartullu naalakkersuinikkut aqutsisut qanimut suleqatigaat. Isumaginninnermut Aqutsisoqarfik Naalakkersuisoqarfiup ataani inissisimavoq, tassani naalakkersuinikkut periusissiat iliuusissatullu pilersaarutit atuutsinneqarlutillu ingerlanneqarnissaat qulakkeerneqartarpoq. Naalakkersuisoqarfiup suliassai ilaatigut makkuupput: Meeqqanut, Inuusuttunut Ilaqutariinnullu Naalakkersuisumut naalakkersuinikkut siunnersuineq. Periusissianik iliuusissatullu pilersaarutinik ineriartortitsineq atuutilersitsinerlu. Ingerlaavartumik malitseqartitsineq, nakkutilliineq kiisalu aallartinneqarsimasunik suliniutinik nalunaarusiortarneq aammalu aningaasanik atuilluarnermik qulakkeerinninneq. Naalakkersuinikkut aqutsisut aalajangiinissaannut tunngavissiornissaq aammalu aalajangiinerit anguniakkanik angusaqarfiusussat naapertorlugit atuutsinneqarnissaat. Naalakkersuisoqarfiit allat, suliffeqarfiit kiisalu suleqatit allat pitsaasumik suleqatiginissaat ineriartortinniarlugu aaqqissuussineq. Allaffissornermi malittarisassanik, suleriutsinik pitsaassutsimillu piumasaqaatinik atuutsitsineq kiisalu aaqqissuussaanerup ineriartortinneqarnera attaveqaateqarnerullu nukittorsarneqarnera. Suliniutinik aqutsineq suliassanillu pilersaarusiorneq.

Piginnaasat

Atorfimmut qinnuteqartuni makku pingaartinneqassapput: Ilinniagaq qaffasissumik naleqquttoq kiisalu Naalakkersuisoqarfiup akisussaaffiinut tunngasunik ilisimasaqarluarneq. Kalaallisut oqaatsit atorlugit suliaqarsinnaaneq pingaartinneqassaaq. Kalaallit Nunaanni inuiaqatigiinnik ilisimasaqarluarneq aammalu Naalakkersuisut, Inatsisartut kommunillu akornanni ataqatigiissaarisinnaaneq. Periusissiornermik aammalu aningaasaqarnermik aqutsinermik misilittagaqarluarneq, ilanngullugit ukiunut arlalinnut missingersuusiorneq, pingaarnersiuineq aningaasaqarnermillu misissueqqissaarneq. Isumaginninnermi ineriartortitsinermik allannguinermillu suliaqarnermik uppernarsaatitalimmik misilittagaqarneq. Suliassanik aaqqissuussamik suliaqarsinnaaneq aammalu ajornakusoortumik suliassanik tamatigoortumik takunnissinnaaneq. Tunniusimaneq aammalu suleqatinik pitsaasunik attaveqaqateqarsinnaaneq, suliffimmilu avatangiiserissaarnissamut pingaartitsineq. Aaqqissuussillaqqissuseq, pingaarnersiuilluni sulisinnaaneq aammalu naalakkersuinermik paasisimasaqarneq. Naalakkersuinikkut aqunneqartumik aaqqissuussaanermi aqutsinermik misilittagaqarneq aammalu aningaasaqarnermut akisussaassuseqarneq. Illup iluani avataanilu suleqatit peqataatillugit sulianik ingerlatsisinnaaneq. Aqutsinermik, ataqatigiissaarinermik aammalu suliassanik annertuunik naammassinnittarnermik misilittagaqarneq. Kalaallisut, qallunaatut tuluttullu oqalussinnaaneq iluaqutaassaaq.

Inuttut piginnaasat

Qinnuteqartoq nunap iluani nunanilu tamalaani pissutsinik ilisimasaqarnissaa naatsorsuutigineqarpoq. Piukkunnartoq attaveqaqatigiinnermut suleqatigiinnermullu piginnaasaqarluartuussaaq aammalu inuttut sunniuteqarluarsinnaassalluni. Atorfik ersarissumik ineriartortitsillunilu aqutsisinnaanermik piumasaqaateqarpoq, taamaalilluni aaqqissuussaanermi pitsaasumik ingerlatsisinnaaneq inuiaqatigiillu pisariaqartitaannut ingerlaavartumik naleqqussarsinnaaneq qulakkeerneqassaaq. Tamatuma saniatigut tunniusimaneq, aaqqissuussillaqqissuseq aammalu suliffimmi avatangiiserissaarnissamik pingaartitsineq naatsorsuutigineqarpoq – aqutsisut sulisullu akornanni.

Atorfeqarnermi atugassarititaasut

Atorfik ukiuni sisamani aalajangersimasumik atuuttussamik isumaqatigiissuteqarnikkut, 1. juni 2026 imaluunniit isumaqatigiissuteqarnikkut inuttalerneqassaaq.

Atorfik akissaateqarfimmi LR 39-mi maanna inissisimavoq. 1. april 2026 LR 39-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu antterussuseqarput qaamammut Kr. 99.340 ukiumullu Kr. 1.192.0806.

Tunngaviusumik ukiuni aalajangersimasuni atorfinitsitsisoqartarpoq. Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Tamatuma saniatigut tjenestemandinut akissarsiaqarani sulinngiffeqarsinnaanerit atuupput, kiisalu AC-tut atorfeqarnermi isumaqatigiissutit arlallit atuullutik, tamatumani ilanngullugu Namminersorlutik Oqartussat ataani atorfilimmik katissimallugu aappaqarneq inooqateqarnerlu.

Sulinerup sivisussusaa aallaavittut sapaatip akunneranut akunnerit 40-upput. Atorfimmut tunngatillugu piffissap suliffiusussap qanoq sivisutiginissaa killilersugaanngilaq aamma qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat pillugit aalajangersagaq atorneqarsinnaanngilaq.

Inissaqarneq

Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani sulisutut ineqareersimaguni, tamanna attatiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat

Naalakkersuisoqarfiup suliassai il.il. pillugit aaqqissuussaanikkut pilersaarut nassuiaallu uani takuneqarsinnaapput:

https://naalakkersuisut.gl/Departementer/Boern_Unge_Familier?sc_lang=kl-GL

Namminersorlutik Oqartussat aqutsinermut tunngavii uani atuarneqarsinnaapput:

https://naalakkersuisut.gl/Departementer/Formandens_Departement/Ledelsesgrundlag

Qinnuteqarnissamut killigitita: 8. apriili 2026 kl. 12:00

Soqutiginnippit? 

Atorfik link ataaniittoq atorlugu qinnutigineqassaaq, qinnuteqaat, inuunermi sulerisimanermik allattorsimaffik, soraarummeersimanermut uppernarsaatit pappiaqqallu allat qinnuteqaammut attuumassuteqartut nassiussami kakkiunneqassapput. Atorfimmut piukkunneqartut misilitsittaqattaarnissartik naatsorsuutigissavaat. Tamatuma saniatigut qinnuteqartup isumannaallisaanikkut akuerineqarsinnaanissaa naatsorsuutigineqarpoq.

Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: mobil +299583117 imaluunniit mailimut uunga dorthe@flieshr.dk attavigisinnaavat.

Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqartut piukkunnartut oqaloqatigineqarnissamut aggersarneqartassapput.

Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani Naalakkersuisoqarfiup pisortaa Hans-Peder Barlach Christensen hape@nanoq.gl-imut saaffigisinnaavaat.

Tusarfiginissat qilanaaraarput.

Naalakkersuisut pillugit paasissutissat annertunerusut uani nassaarisinnaavatit https://naalakkersuisut.gl=kl/gl