PAASISSUTISSAT
Atorfiup suussusaa: systemkonsulent
Suliffeqarfik:Tusass
Qinnuteqarfissamut killigititaq:Snarest muligt
Attavissaq:Afdelingschef Nikolina Yotova-Gedionsen oqarasuaatikkut +299 38 92 15.
Tusassimi immikkoortortaqarfik Business Support Systems (BSS) Atortulersuutinut siunnersortimik sulisussarsiorpoq.
Sunik suliaqarpugut? Uagoqanngippat Tusassip sullitanut kiffartuussissutai atorsinnaanavianngilat ineriartortinneqarsinnaassanatilluunniit, sullitattalu nioqqutit atuisuuffigisatik akilersinnaanavianngikkaluarpaat.
Illit teknikkimik suliaqartuussaatit imaluunniit periusissiatsinnut ikorfartuisunut sulianut ingerlatsinermilu sulianut aqutsisuussallutit.
Sullitatta imminnut sullissinnaanerat oqinnerulersinniarlugu sulinerput nangikkusupparput. Suliniutit nutaat sukkasuumik eqqortumillu atorsinnaanngortittarpagut, sullitattalu misigisaat pitsaanerusunngortinniarlugit IT pisariitsumik isumannaatsumillu atugaraarput.
Suliassat
Suliassat assigiinngiiaaqaat ilaatigut makkuusut:
- Suliassatut pilersaarutaasunik misissueqqissaarneq, pilersaarusiorneq ataqatigiissaarinerlu
- Suliassat immikkuualuttortai nalinginnaasut teknikkimullu tunngasut suliarineri
- Atortulersuutit sulianillu ingerlatsinerit pitsanngorsarneri, inuullu paasissutissartaanut tunngasunik isumannaatsuutitsineq
- Atortulersuutinik isumannarsinnaasunik sulianillu ingerlatsinernik uppernarsaasersuineq suliaqarneq ataavartitsinerlu
Kissaatigaarput
Atorfinittussatut piukkunnaatillit sulisortaarerusunneruagut nalunaarasuartaateqarnikkut attaveqaatinik annertuumik misilittagallit, tamakkuninngali suliaqarnermik aatsaat aallartitsisimaguit IT-milli suliaqarnerup iluani sulianut pikkorissuuguit IT-mik/teknikkimik sivisunerusumik ingerlaqqiffiusumik ilinniagaqartuullutit, taava illit aamma tusarfigerusuppatsigit. Tamakku saniatigut ataani allassimasut ilaannik piginnaasaqarnissat kissaatigaarput:
- Aaqqissuussaalluartumik sulinerup uppernarsaasersuinerullu pisariaqassusianik paasinnissinnaassuseqarneq
- Assigiinngitsunik suliallit suleqatigalugit suleqatigiinni sulisinnaaneq
- Suliassamut paasissutissanik oqimaatsunik oqitsumik paasinartumillu saqqummiussisinnaaneq
- Suleqatinnut periusissiatsinnilu anguniakkatsinnut unneqqarissuuneq
- Tuluttut oqaatsit allattariarsornikkut oqalunnikkullu annertuumik pikkoriffiginerat. Kalaallisut oqalussinnaanerit aamma/imaluunniit qallunaatut oqalussinnaanerit iluaquterujussuussaaq, piumasaqaataanngilarli.
Sulianik aqutsinermik IT-mullu atortulersuutini allanngortitanik pisariusunik atuutsilersitsinermik misilittagaqareernerit kiisalu Prince2/ITIL-imi imaluunniit Agile/DevOps-imi Sulianut aqutsisinnaaneq piginnaaneqarfigigukku iluarissavarput – illillu peqatigalutit piginnaasannik piginniinnarnissannut sukasarnissaannullu periarfissaqartissavatsigit.
Neqeroorutigaavut
Business Support Systems (BSS) sulisunik sisamanik immikkut ilinniarluarsimasunik sulisoqarluni immikkoortortaavoq mikisunnguaq. Suleqatigiinnut Tusassimi atortulersuutinut pisariunerpaat ilaannut akisussaasunut suleqataalissaatit. Taamaalilluta atorfik unamminartulik, avatangiisimi piukkunnarluartunik suliassaminnut soqutiginnilluartunik sulisulimmi inissisimasoq neqeroorutigaarput.
Akissarsiat atorfininnermilu atugassarititaasut immikkut ittut atuupput, isumaqatigiissutigineqassappullu piukkunnaatitit tunngavigalugit – kingusinnerusukkullu aamma sulinerit tunngavigineqassaaq.
Kikkuuvugut?
Tusassip Kalaallit Nunaat nalunaarasuartaateqarnikkut attaveqaqatigiinnermik, IT-mik aammalu nassiussalerinermik sullitaraa.
Tusass suliffeqarfiuvoq inissaqartitsilluarluni eqeersimaarfiusoq ineriartortuartorlu. Kalaallit Nunaata digitalimik attaveqaasersugaaneranik pitsanngorsaallutalu ineriartortitsisuuvugut. Tusass tassunga ilanngullugu sulisoqarpoq suliffimminnik qaffasissumik naammagisimaarinnittunik aammalu suliatigut inuttullu ineriartornissamut periarfissiisumik.
Tusass pillugu allanik atuarit uani: www.tusass.gl
Soqutiginnippit?
Atorfik pillugu apeqqutissaqaruit Immikkoortortaqarfimmut pisortaq Nikolina Yotova-Gedionsen telefon +299 38 92 15-imut sianerlutit attavigisinnaavat.
Qinnuteqaat CV-lu linkeq talerpermiittoq toornikkut nassiunneqassapput.
Qinnuteqaatit e-mailikkut tiguneq ajorpagut.
Piaarnerpaamik atorfinittoqassaaq, piukkunnarnerpaarli utaqqilluarsinnaavarput.
Tusarfiginissat qilanaaraarput.
Qinnuteqarit
