ATTARTORTITSISARNERMUT SIUNNERSORTI – INI SISIMIUT

Sisimiuni attartortitsisarnermut immikkoortoqarfimmi attartortitsinermut siunnersortissarsiorpugut.

INI-p Namminersorlutik Oqartussat aamma Kommunit arlallit sinnerlugit inissiat allaffissuuppai. Tamanna pitsaassusermik, suleqatigiissinnaassusermik sualunnillu takunnissinnaassusermik pisariaqartitsiffiuvoq. Taamaammat illit inatsisitigut isiginnittaaseqarlutillu aaqqiissuteqarsinnaasutit ujartorpatsigit.

INI-p inissianik piginnittut taperserlugit inissiani pissutsit atugarissaarnermik pitsaassusermillu qulakkeerinninnermut tunngaviliinissaq suliaasa ilagaat.

Uagut digitaliseerineq immikkut aallutaraarput, taamaammat pingaaruteqarpoq periataarnissamut piareersimanissaq, suliassaqarfiup iluani ingerlariaatsit ingerlaavartumik pisariillisaavigineqartarmata.

Suliassatit ilaatigut ukuussapput:

· Najugaqarfinni siunnersortit attartugassanik pilersitsinermi, allannguinermi piiaanermilu ikiorlugit

· Attartortitsisarnermut immikkoortoqarfimmi attartornermut pisinnaatitaaffinnut saaffiginnittoqartillugu ikiuussinnaaneq

· Inissiat inoqanngitsut aqunneri

· Inissarsiortunut neqeroorneq

· Isertertut

· Qimatsisunut atatillugu naatsorsuinerit

· Naammagittaalliuutinik suliaqarneq

· Sulianik saqqummiinerit

· Attartortut sullinneri

· Paasissutissanik suliaqarneq

· Suliassat takkuttut

Naatsorsuutigaarput:

· Kalaallisut danskisullu allattariarsornikkut oqaatsitigullu paasissutissiillaqqillutillu erseqqissuliullaqqissutit

• Inatsisit atuuttut ilisimasaqarfigigitit, matumani ingerlatsinermi attartornermullu inatsit

· Allannguinissamut piareersimasutit

· Suliffeqarfiup iluani avataanilu pitsaasumik sullissiumasuusutit

· Aningaasaqarnermut paasisimasaqarlutillu kisitsisinut piginnaasaqartutit

• Suleqatigiinnermut attaveqaqatigiinnermullu piginnaasaqartutit aammalu malittarisassat pisariusut naatsumik paasiuminartunngorsinnaagitit

· IT-mik atortut sungiusimagitit kiisalu Microsoft Excel atorlugu sulineq misilittagaqarfigigit

· Aaqqiissutissanik takunnillaqqissutit, akisussaaffimmik tigusillutit ataqatigiissaarisinnaasutillu

Naatsorsuutigaarput ataani allassimasut ilinni ilisarnartut:

• Allaffissornikkut naleqquttumik misilittagaqartutit, assingusuni atorfeqarsimaneq pitsaassaaq
• Suleqatigiiaat akornanni suleqataallaqqittutit, suliani aallutarisanni tunniusimallutit iliuuseqartartutit
• Ulluinnarni ulapaarfiusuni assigiinngitsunillu pisoqarfiusinnaasumi tamakkiisumik isiginnissinnaassuseqartutit
• Piffissaliussanik suliaqarsinnaasutit
• Suliffeqarfimmi angisuumi suleqataasutut inissisimasinnaallutit suleqataaffeqarumasutit
• Pikkorissuseqarlutit sulinissat pingaartikkit, kiisalu
• INI peqatigalugu ineriartornissamut piumassuseqartutit

Neqeroorutigaavut:

• Aaqqissuussami inuiaqatigiinni annertuumik pingaarutilimmi atorfik
• Atorfik inatsisilerinerup tungaatigut ineriartornermik, digitaliseerinermik inernerinillu angusaqarfiusoq
• Tunniusimaffiusumik akimut suleqatigiilluni avatangiiseqarneq
• Suliassat assigiinngiiaartut, inatsisinut tunngatillugu aammalu pitsaasumik itisilikkamillu misissuinermut tunngassutillit
• Ingerlaatsinut sunniuteqarsinnaanissamut periarfissaqarneq ataavartumillu pitsanngorsaanerit

· Ulluinnaat akisussaaffimmik, qaangerniagassanik annertuumillu ilinniarfissamik periarfissallit

Suliffeqarfik pilerinartoq

Suliffeqarfiup orniginartuunissaa ingerlaavartumik sulissutigaarput, sulisunullu ajunngitsorsiassanik neqerooruteqarluta - soorlu sulinngiffeqarnerit, timersornissamut tapiiffigineqarneq kiisalu peqqissutsimut sillimmasiineq.

2025-mi misiliuteqarpugut piffissaq suliffiusoq sivikillillugu, taamaammat sapaatip akunnerani nalunaaquttap akunneri 37-t suliffiusarput.

INI piginnaasanik ineriartornissamik annertuumik qitiutitsivoq, taamaasilluta atorfik suliatigut inuttullu ineriartornissamik periarfissalik neqeroorutigisinnaavagut.

Suliffik tamakkiisumik isiginnittumik suleqatinit annertuumik ilorrisimaarfiusoq neqeroorutigaarput. Suliffik pitsaasumik silaannalik akimullu suleqatigiiffiusoq assut pingaartitaraarput.

Naleqartitavut qitiutippavut: Akisussaassuseqarneq, Tunniusimaneq, Ataqqinninneq kiisalu Pikkorissuseqarluni Sulineq.

Atorfimmi atugassarititat:

Akissarsiassat atorfininnerlu piginnaasatit aallaavigalugit inissinneqassapput. Malittarisassat atuuttut malillugit atorfimmut atatillugu inissaqartitsisoqarsinnaavoq.

Sulilerfissaq:

1. februar 2026 imaluunniit sukumiinerusumik isumaqatigiinnikkut.

Atorfimmut soqutiginnippit?

Atorfik pillugu paasisaqarnerorusukkuit Attartortitsisarnermut pisortaq Sara Lyberth attavigisinnaavat uunga: +299 482745 imaluunniit e-mailikkut: sly@ini.gl. Qinnuteqaatit, suliffigisimasat allattorsimaffiat pappilissallu attuumassuteqarsinnaasut allat kiisalu pineqaatissinneqarsimannginnermut uppernarsaat ilanngullugit mailikkut allakkatigulluunniit kingusinnerpaamik tigoreersimassavagut ulloq 2. januar 2026.

Tusarfiginissat qilanaaraarput.

INI

Sulisoqarnermut Immikkoortortaq

Postboks 1020

3911 Sisimiut

E-mail: job@ini.gl