Attaveqaqatigiinnermut siunnersorti ilusilersuisartoq

Attaveqaqatigiinnermut siunnersorti ilusilersuisartoq

Ilusilersuinermik piginnaasaqarpit aammalu takusassanut isigiuminarsaasinnaallutit? Teknologii nutaaliaasoq atorlugu ineriartortitsinissaq pitsanngorsaaqataanissarlu soqutigaagit? Immaqa illiuvoq ujartugarput.

Atorfik pillugu

Attaveqaqatigiinnermut siunnersortitut ilusilersuisartutut attaveqaqatigiinnermut aammalu nittarsaassinermut suleqatigiinni peqataalissaatit, tassanilu suliffeqarfiup avammut nittarsaanneranut pingaarutilimmik inissisimalissaatit.

Suliassanni ilusilersuineq qitiussaaq. Ulluinnarni ilusilersugassanut tunngasut assigiinngitsut suliarisassavatit, soorlu ulluinnarni suliassat annikinnerusut ilusilersugassat aammali suliassat annertunerusut, soorlu ukiumoortumik nalunaarusiat, suliniutinut aammalu sulisussanik kajumissaarinermut tunngasut.

Taakku saniatigut ilusilersuinerup tungaatigut inerisaarusuppugut pitsanngorsaarusullutalu. Taamaattumik AI qarasaasiatigullu sakkussat allat atorlugit misileraanissamut atuinissamullu periarfissaqassaatit, ilaatigut ilusilersuinerup silarsuaani isumassarsiornermi ineriartortitsinermilu aammalu naqitanik ilusilersuinermi suliaqarnermi pitsanngorsaaqataanermi.

Suliassatit

• Ilusilersornerinut tunngasut assigiinngitsut inerisarnissaat pilersitseqataaffiginissaallu, soorlu naqitatigut saqqummertussat, suliniutinut tunngasut, nalunaarutit, saqqummiussassat aammalu qarasaasiatigut attaveqaatigisatsinniittut.

• Ukiumut nalunaarutit, paasissutissiissutit aammalu allagartarsuit ilusilersorneri aaqqissuunnerilu.

• Attaveqaatitigut atukkatsinni PDF-fil allallu ilusilersuinermut tunngasut assigiinngitsut nalimmassarlugit, tulluarsarlugit piareersarlugillu.

• Oqariartuutit paasissutissallu oqitsumik paasiuminarsarneri.

• Suliffeqarfiup ilisarnaataanik assigiissaartumik atuinerup aammalu ineriartortitsinerup qulakkeernissaa.

• Suliffeqarfiup iluani suleqatinik suleqateqarneq aamma suliffeqarfiup avataaniit suleqatigisanik, soorlu naqiterititsinissamut suleqarteqarneq.

• Ilusilersuinermi, naqitatigut aaqqiissuussinermi aammalu attaveqaatitigut takusassani AI aamma teknologii nutaaliaasoq misilerarnissaa inerisarnissaalu.

• Pitsaassutsip qaffassarnissaa aammalu naqitanik pilersitsinerup pitsanngorsarnissaa pillugit qarasaasiatigut nutaanik sakkussanik aammalu suleriusissanik misissuinissaq.

• Suleqatit peqatigalugit nittarsaassinermut tunngasunut suliaqarnermi peqataaneq.

Naatsorsuutigaarput...

• takusassanut tappissuusutit, ilusilersuillaqqittuullutit assiliartalersuinikkullu paasissutissiillaqqissuunissat.

• ilusilersuinermik/assiliartalersuinermik misilittagaqartutit, ilinniagaralugu imaluunniit misilittagaqarfigalugu.

• Adobe atorlugu, soorlu InDesign aamma Photoshop sulisinnaanissat.

• suliffeqarfiup kinaassussaa eqqarsaatigalugu isumassarsiullaqqissuunissat.

• AI aammalu teknologii nutaaliaasoq kiisalu qarasaasiatigut sakkussat pillugit soqutiginnittuunissat ilisimasaqarnerulerusunnissallu

• isumassarsiat oqariartuutillu tigussaasunngorlugit ilusilersorsinnaassagitit.

• aaqqissuussamik suleriuseqarnissat, namminersorsinnaanissat aammali suliffeqarfiup iluani susassaqarfiit akimorlugit suleqateqarsinnaanissat.

Ilusilersuinermi piginnaasaqarluarnissat, namminersorsinnaassuseqarnissat aammalu isumassarsiamiit piviusunngortitsisinnaanissat naleqartipparput. Mediegrafikeritut, multimediedesigneritut allatulluunniit atorfimmut naleqquttumik ilinniarsimasuusinnaavutit. Pingaarnertut piginnaasassat tassaapput takusassatigut piginnaasaqarluarnissaq aammalu suliffeqarfiup iluani ilusilersugassat suliarinissaannut piginnaasassat pisariaqartut piginissaat.

Neqeroorutigaarput

Atorfik tamatigoortoq isumassarsiornissamut inissaqartitsisoq, tassani suliffeqarfiup takusassatigut qanoq isikkoqarnissaanut sunniuteqarsinnaallutit aammalu ilusilersuinermi suliaqarnitsinni ineriartortitseqataasinnaallutit.

Sulisut assigiinngitsunik piginnaasallit, attaveqaqatigiinneq nittarsaassinerlu pillugu, qanimut suleqatigilissavatit. Teknologii nutaaliaasoq misilittaaffiginissaanut periarfissaqassaatit aammalu AI-imik allanillu qarasaasiatigut sakkussanik isumassarsiorlutillu inerisaaqataasinnaallutit.

Paasisaqarnerorusukkuit uunga attaveqarit: Ann-Britta A- Olsvig E-mail abr@ral.gl tlf. +299349104

Sulilerfissaq: 01. november 2026 isumasioqatigiinnikkulluunniit atorfinitsitsissaagut

Qinnuteqarfissatut killiliussaq: 30. september 2026