Maniitsumi Peqqissaavimmi uninngavimmut Isumaginninnermi Peqqinnissamullu assistenti inuttassarsiugaavoq

Ull. 1. december 2026-mi, imaluunniit erseqqinnerusumik isumaqatigiissutigisaq malillugu Maniitsumi Peqqissaavimmi uninngavimmut atorfimmut pissanganartumut Isumaginninnermi Peqqinnissamullu Assistenti inuttassarsiugaavoq.

Atorfik aamma qaammatinik sisamat-tallimanik sivisussusilimmi taartaaffimmi inuttalerneqarsinnaavoq.

Aamma sulinerup nalaata avataani suleqatigiinni nukittuutut ataatsimoorfeqarnerput ilisarnaatigaarput. Sulianut tunngasutut ingerlattakkanik arlalinnik sinniisuuffeqarpugut. Pitsaalluinnartutut napparsimasunik paaqqinninnermik ikiuisarnerup ataqqinaateqarfiuneranik inissiisarpugut. Napparsimasuni ingerlatagut sivikitsunit aamma pinasuagassartalinnit nakorsiarfittut, aamma sivisunerusutut katitigaanerusutullu ingerlatatut iluseqartiterput.

Immikkoortoqarfiup siulersuisuanit pisortaaffiusumi, aammalu suleqativit sinnerinik suleqateqarlutit qanorluunniit ukiulinnik napparsimasunut unitsitanut, nakorsaaffissatut pilattaaffigisassatullu ajornartorsiutilinnik nakkutilliinernik, aammalu napparsimasunik paaqqinninnissap aaqqissuunnissaanik suliaqartarnerit tassaassapput suliassanni pingaarnerpaat. Aamma unitsitaanerup nalaani patajaallisagaanermik pisariaqartitsisunik napparsimasunik tarnimikkut nappaatillit, kiisalu napparsimasut ippinnarunnaarsaanermik ingerlatsiviusut naapittarsinnaassavatit. Immikkoortoqarfik unnukkut aamma unnuami ajoqusersimasut nakorsiartarfiattut, aamma isaatitsisarfittut atuuffeqarpoq, kiisalu nakorsamit pigaartoqartarfiulluni. Ilaanneeriarluni suliaqarneq assorsuaq namminersuutigineqartarpoq, taamaattumillu akisussaasuunissat, imminik ingerlaqartarnissat, tamatigullu nalorniffigisani ilitsersorneqarnissamik ujaasisarnissat pisariaqartinneqarput.

Uninngavik tassaavoq peqqissaaviup ingerlalluartup ilaa, tamaaniippullu nakorsamut nakorsiartarfik, ajoqusersimasunik pinasuartumillu isumagisassanik isaatitsisarfik, tarrarsuivik, laboratoria, timimik sungiusaaffik, aammattaarlu Peqqissaaviup isumagisarpai naartusut nakorsiartarnerat, timikkut soorlulusooq tarnimikkut nappaatilinnik angerlarsimaffimmi napparsimasunik paaqqinninnerit, peqqissutsikkut paaqqinninnerit, kinguaassiuutitigut nappaatinik katsorsaanerit, aamma inooriaaseq pillugu nakorsiartarfik.

Sulinerup nalaa tassaavoq sap. akunnikkaartumi nal. akunneri 40-t, ingammilli artukkiiffittut piffissat ilaanni unnuakkut pigaartuunerit pisarsinnaapput.

Ima ittutit ujarpatsigit:

• Nakorsaasersuinermi napparsimasunik paaqqisaqarnikkut misilittagalik, ajornanngippat immikkut paasisimasaqarfinnit arlalinnit, ilinniarnerillu naammasseqqammersimagukku ilinnut ingerlatamik immikkut ittumik neqerooruteqarpugut.

• Nakorsaatit pillugit ilisimatusarnermik modulimik angusaqarsimasoq, nakorsaatilersuinermillu aqutsisinnaasoq

• Peqqissaartoq, namminerlu piginnaasaqarfigisatut suliassaqarfimminik sianigittoq

• Sungiussiasoq, namminersortoq, inussiarnersorlu

• Suleqatiginnillaqqissoq, attaveqarfinnillu tatiginniffiusunik pilersitsiniarnermik sapigaqanngitsoq – sullivimmilu isumannaatsuutitsilluarnermut ilalersuisinnaasoq

• Ataatsimut isiginniffimmik attassisinnaasoq, arlalinnillu ataatsikkut ingerlataqarsinnaasoq.

Makkuninnga neqerooruteqarpugut:

• Suliffimmik ilisarititsineq sukumiisoq

• Ulluinnaat pissanganarlutillu assigiinngiiaartut, unammillerfissaasut ilusaat arlalissuit

• Nammineq suliarisamut sunniisinnaaffik, namminersuutigisatullu akisussaaffigisatut suliassaqarfik

• Suleqatitsialaat, aamma isumasioqatiginninnissamut periarfissat

• Aalajangersimasumik atorfinitsitaanermi piginnaanngorsarnissamut periarfissaqarfik

• Nakorsaanermik piginnaasanik sungiusartitaaffik.

Maniitsoq naatsumik:

Maniitsoq Kalaallit Nunaata kitaata sineriaani inissisimavoq, qaasuitsup killeqarfiata kujatinnguani, kujataani Nuup aamma avannaani Sisimiut akornanniilluni. Maniitsup sumiiffigisaa assorsuaq kusanarpoq, qaqqanik portusuunik inngigittunillu ungalusaalluni, tamaaniillutik kangerluit isorartuut iigartalittut sermeqarasaartut. Nunap immikkoortuani innuttaasut 3.100-it missaanniipput, illoqarfimmi 2.500-it missaat, sinnerilu nunap immikkoortuani nunaqarfinni pingasuni. Nunaqarfiit ukiumut arlaleriarlutik tikeraarneqartarput, angalanerillu immakkut angallatikkut pisarput. Illoqarfimmiipput atortorissaarutit nutaaliaanerpaat amerlanerpaat, nioqqutissanik pisiarisartakkanik pisiniarfiit, nunami namminermi mittarfik, sinersortaammik sap. akunnikkaartumik attaveqarnerit, aasaaneranilu Nuummut angallammik sukkasuuliamik angalaffissaq. Aasakkut sunngiffimmi suliarisartakkat ilaatigut tassaapput qaqqani pisuttuarnerit, aalisariarnerit, asimi illuaqqiarnerit, aamma ilaatigut nunap immikkoortutsinnik ilisarnaataasut qipoqqaat akornanni immakkut angalanerit. Ukiuunerani unnukkut unnuakkullu arsarnerit sarsuarraterujoortarput, ulluuneranilu Kalaallit Nunaanni sisorartarfiit pitsaanerpaat ilaanni sisorarutit assigiinngitsut periarfissaapput. Tamakku saniatigut Maniitsoq unnukkut atuarfeqarpoq, tassaniillutik suliat pissanganartorpassuit, ukiorlu kaajallallugu illoqarfiup timersortarfissuani timersornikkut suliarisanut assigiinngitsunut periarfissaqarpoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. december 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 27. november 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Pisortaqarnermut Inuttassarsiuinermullu siunnersortimi, Ann Birkekær Kjeldsenimi pissarsiarineqarsinnaapput, e-mailikkut: ABKJ@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Qinnuteqartuni piukkussat, qulaani eqqartukkatut suussutsinut tamakkuninnga qaangiisutut piginnaasanik ilassutissanik pigisallit, soorlu diplomisisutut, imaluunniit masteritut inissisimaffinnik attuumassutilinnik pillit, isumaqatigiissummut atuuttumut, aamma suliffimmi malittarisassiat najoqqutaralugit annertunerusumik akissarsisitaanissamut pisinnaatitaaffeqarsinnaapput

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.