Kalaallit Nunaanni Peqqinnissaqarfimmut siunnersortit – pigaartuuffinnik pilersaarusiortartut

Pigaartuuffinnik pilersaarusiorfittut aaqqissuussiffiup PDC-VagtPlanip atuutsilernera Kalaallit Nunaanni Peqqinnissaqarfiup ingerlappaa, suleqatigiitsinnullu suleqatit arlallit, nukittuutut sulianut tunngasutut ingerlattagallit, digitaalimik, attaveqaatinut aamma attaveqaqatiginnittarnikkut piginnaasallit inuttassarsiugaraagut.

Atuuffiup qitiusup nutaap sanaartugarinerni ilaalernissamut periarfissaqassaatit, taassumalu Kalaallit Nunaanni tamarmi killeqarfiit qaangerlugit pigaartuuffinnik pilersaarusiornerit assigiissitaartut aamma pitsaassutsimik tunngavillit qularnaassavai. Suleqatigiinni pingaarnerni ilaasutut PDC-VagtPlanip atuutsilernerani, aammalu kingornatigut pigaartuuffinnik pilersaarusiornermik suliassaqarfimmik ingerlatsinermi, tapersersuinermi, aamma nangitatut inerikkiartortitsinermi pingaarutilittut inissisimaffissaq pissarsiarissavat.

Atorfinitsitaanerup siullertut ingerlatsiviginerani aaqqissuussiffimmik atuutsitsilernermi qanimut ilaassaatit, ilaallutik ingerlatsiviup atugaalernissaanut piareersaaneq, naleqqussaaneq, aammalu immikkoortoqarfiit ataasiakkaat tamakku pigaartuuffissatut pilersaarutaannik tapersersuinerit. Aaqqissuussiffik ingerlatsivinngorpat suli PDC-VagtPlanip pitsaasumik atugarinissaata, siulersuisunik aamma sumiiffiusuni pigaartuuffinnik pilersaarusiortartunik siunnersuisarnerit, kiisalu suleriaatsinik iluarsiissutinillu nangitatut inerikkiartortitaqarnerit qularnaarniarnerini qitiusumik inissisimaffeqasasatit.

Pineqartoq tassaavoq Nuummi suliffeqarfittalittut aalajangersimasumik atorfigisassaq.

Suliassatit ilaatigut makkuussapput:

• PDC-VagtPlanimik atuutsitsilernermut ilassuteqaatit, ilanngullugit ingerlatsiviup atugaalernissaanut piareersaanerit, ikkussuinerit, aammalu immikkoortoqarfiit ataasiakkaat tamakku pisariaqartitaannut aaqqissuussiffimmik naleqqussaaneq

• Suleriaatsinut nutaanut ikaarsaariarnermik tapersersuineq, aammalu aaqqissuussiffimmi aaqqissuussaarisamik pitsaasumik tunngaveqartitsilernermik qulakkeerinninneq

• PDC-VagtPlanip atornerani pisortanik aamma sumiiffigisani pigaartuuffinnik pilersaarusiortartunik siunnersuillunilu tapersersuinerit

• Pigaartuuffittut pilersaarutit pitsaassusissaannik qularnaarinerit, aammalu sulinerup nalaanut malittarisassiat, isumaqatigiissutit, aamma sumiiffiusuni isumaqatigiissutaasut malittarisinnissaannut ilassuteqarneq

• Pigaartuuffinnik pilersaarusiornermit paasissutissat pitsaasumik atugarinissaannik qularnaarinerit, taamaalillutik isumalluutit aamma piginnaasat pillugit pisortat aalajangiinissaminnut pitsaanerusumik tunngavigisassamik pissarsissammata

• Ilitsersuutinik, aamma ilinniartitsinermut atortussanik suliaqarnerit, kiisalu pisariaqartitsinerit malillugit ilinniartitsinernik suliaqartarnerit

• Pigaartuuffissat pilersaarusiornerini suleriaatsinik, tunngavigisanik aamma najoqqutassanik allanngoriartortitsillunilu pitsanngorsaanernut ilassuteqarnerit

• Pigaartuuffinnik pilersaarusiornermut tunngasutut ajornartorsiutit katitigaasut pillugit pisortanik aamma siulersuisunik siunnersuisarlunilu isumasioqatiginnittarnerit

Immikkoortoqarfinni tamani pigaartuuffinnik pilersaarusiorneq tassaavoq qitiusutut suliassaq, taamaalineranili atuuffiuvoq katitigaasoq, sianigisassarpassuit oqimaaqatigiiffigisassaqarfigisaat. Piffissami eqqortumi sumiiffimmilu piginnaasanik eqqortunik peqartutut sulisunik eqqortunik napparsimasut naapittagaqarnissaat pigaartussatut pilersaarutitsialaap qularnaarpaa. Taamaalinerani aningaasaqarneq, ingerlatsineq, sullivinni avatangiisit, aamma sulisorisat atugarissaarnerat ilanngullugit eqqarsaatigineqartassapput.

Inissisimaffimmi, illit iluserisamik pilersitaqarfinni, iluarsiissutinik nassaarinnittarfinni, aamma pisortanik suleqatinillu pilersaarusiornermik suliassani katitigaasuni tapersersugaqarfinni iluarinnittuuvutit. Suleqatigiinnerni, siunnersuisarnerni, aammalu Kalaallit Nunaanni Peqqinnissaqarfimmi pingaarutilittut atuuffiup inerikkiartortinnerani ilaaffeqarnerit ilinnut kajumissaarutaapput.

Ima ittuunissat takorloorparput:

• Pigaartuuffissanik pilersaarusiornermit, ajornanngippat katitigaasutut ingerlatsiffittut avatangiisinit misilittagalik

• Qarasaasiakkut pigaartuuffinnik pilersaarusiornermut aaqqissuussiffinnik misilittagalik, ajornanngippallu PDC-VagtPlanimik, imaluunniit assingusutut pigaartuuffinnik pilersaarusiornermut aaqqissuussiffinnik misilittagalik

• Digitaalikkut iluarsiissutit ingerlataralugit atugaalernissaannik piareersaallunilu naleqqussaanermik soqutiginnittoq, ajornanngippallu misilittagalik

• Pigaartuuffiit pilersaarusiornerisa, sulinerup nalaanut malittarisassiat, isumaqatigiissutit aamma ingerlatsinerit akornanni ataqatigiissutsimik paasinnissimasoq

• Pilersaarusiornerup, ataqatigiissaarinerup aamma pitsaassutsimik qularnaarinerup iluini piginnaasaqarluartoq

• Aaqqissuussiffiup killeqarfii qaangerlugit siunnersuisarnermik, ilinniartitsinermik suleqatiginninnermillu iluarisalik

• Imminut najoqqutassaqartitsilluni, namminersuuteqarluni, aammalu immikkuualuttortanut aamma tamarmiussutsinut sianiginnilluni sulisartoq

• Angalasarnissamut naleqqiullugu piareersimasoq

Ima ittuussaguit iluaqutaassaaq:

• Peqqinnissaqarfimmit misilittagalik

• Digitaalikkut aaqqissuussiffiit atuutsilernerinik, imaluunniit nangitsilluni inerikkiartortitaanerinik misilittagalik

• Digitaalikkut iluarsiissutit atugarinerini atuisartunik, aamma atuillaqqinnerpaanik tapersersuisarnermik misilittagalik

• Sulinermut piffissamut malittarisassianik, aamma isumaqatigiissutinik ilisimasalik

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. december 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 23. november 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Pisortatut siunnersortimi Jeanette Bjørnestadimi pissarsiarineqarsinnaapput, ukunatigut: oq. +299 553101 imaluunniit e-mail: JELB@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Qinnuteqartuni piukkussat attuumassutilittut misilittagallit, aamma immikkut ittunik piginnaasaqartut special- imaluunniit chefkonsulentitut (immikkut ittumik, imaluunniit pisortatut siunnersortitut) atorfinitsitaanissamik neqeroorfigineqarsinnaapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.