Attaveqaqatigiinnermut sulisussaq aammalu social media-mut akisussaasoq KTI-mi

Videoaqqanik saqqummersitsisarnissamik soqutigisaqarpit aammalu social media aqqutigalugu strategiskimik brandingimut peqataarusuppit? Imarisassanik soqutiginartunik pilersitsinissaq nuannariviuk, aammalu Sisimiuni (Nuummilu piffissap ilaani) ilinniarfimmi uummaarissumi suleqataarusuppit? Taava immaqa illiuvoq ujartugarput.

Kalaallit Nunaanni Teknikkimik Ilinniarfik (KTI) tassaavoq Kalaallit Nunaanni ilinniarfeqarfinni anginerpaaq inuussutissarsiutinut ilinniakkanik, ilinniarnertuunngorniarfinnik kiisalu pikkorissarnernik neqerooruteqartoq, saniatigullu suliffeqarfinnik aammalu pisortanik qanimut suleqateqartoq. 

Avammut saqqumilaarnerput annertusarneqarsinnaavoq – pingaartumik social media aqqutigalugu – aammalu siunissami ilinniartussatsinnut saqqumilaassuserput nukittorsarneqarsinnaalluni. 

Suliassatit

Attaveqaqatigiinnermut sulisussatut aammalu social media-mut akisussaasutut pingaarutilimmik inissisimaffeqalissaatit KTI-p avammut attaveqaqatigiinneranik pilersaarusiorneq aammalu ingerlatsineq eqqarsaatigalugit – platformit assigiinngitsut aammalu nittartagaq ilanngullugit. Aqutsisunik, ilinniartitsisunik atuartunillu qanimut suleqateqassaatit, aammalu KTI-p ilisarnaataanik nukittorsaaqataassaatit Kalaallit Nunaanni ilinniartitaanermut inuussutissarsiutinullu tunngatillugu.

Suliassatit pingaarnerit tassaassapput:

• Videonik naatsunik pilersaarusiorneq aammalu ataqatigiissaarineq brandingimut tunngasumik

• Video-nik immiussineq aammalu killuineq

• Social mediami imarisassanik saqqummiineq aammalu ingerlaavartumik nutarterineq

• Nittartakkamut imarisassanik pilersitsineq

• Nittartakkatta nutaap ineriartortinneqarnissaanut peqataaneq (nittartakkanik suliaqarnissamut piginnaasaqarsimagaani, piginnaasaqareernissat piumasaqaataanngilaq)

• Grafiskimik suliaqarnerit oqinnerusut aammalu avataaneersunik grafiskinik suliaqartartunut suleqatiginninneq

• Atuarfiup avataaniit suleqatigisartagaanik annikitsunik toqqaannaq attaveqartuuneq aammalu praktiskinut tunngasunik e-mail-inik akisarneq pisortaq/forstanderi ikiorlugu 

Ulluinnarni ilinniartunik, ilinniartitsisunik kiisalu sulisunik amerlasuunik attaveqartassaatit. Taamaattumik pingaartipparput inuttut ammasuunissat inunnullu nutaanut attaveqartarnissannut tunuarsimaartuussanngitsutit. Tamatuma saniatigut naatsorsuutigaarput aaqqissuussaasumik aammalu namminersorluni sulisinnaassasutit.

Sulisoqarfimmi peqataasinneqarluartassaatit aammalu forstanderimut toqqaannaq attaveqartassallutit. 

Ilinniit kissaatigisavut:

• Social mediami imarisassanik pilersitsinermik misilittagaqarneq – pingaartumik videonik immiussimik killuinermillu ilisimasaqarneq iluaqutaasssaaq

• Social mediap (ass. Facebook, Instagram, TikTok) atorneqartarneranik aammalu qanoq inunnik assigiinngitsunik soqutiginnilersitsisarneq pillugu ilisimasaqarneq iluaqutaasssaaq

• Nutaaliortumik social media atorlugu imassanik sanaartornissamik ilinniaqqissinnaanissamut ammasuussasutit aammalu pisortamit/forstanderimit ilinniartinneqarsinnaanissannut periarfisseerusussuseqartutit

• Aaqqissuussaasumik suleriaaseqarnissat

• Namminersorluni sulisinnaasoq aammalu nammineq suliniuteqartartoq, kisianni suleqatigiinnermi aamma peqataasoq

• Suleqatiginnissinnaaneq aammalu attaveqaatit pilersinnissaat piginnaasaqarfigalugu

• Allattariarsornermi pitsaasumik piginnaasaqarneq

• Kalaallisut danskisullu oqalussinnaaneq – aammalu tuluttut piginnaasaqarneq iluaqutaassaaq

• Grafiskimik atortunik (ass. Canva, Adobe imaluunniit assingusut) atuinermik misilittagaqarneq iluaqutaassaaq

• Nittartakkanik suliaqarnermik misilittagaqarneq imaluunniit soqutiginninneq iluaqutaassaaq

Neqeroorutigaagut

• Atorfik assigiinngisitaartoq aammalu namminersorfiusoq, KTI-p ilisimasaqarnerulernissaanut aammalu attaveqarluarnerulernissaanut sunniuteqarnissamut peqataalluarsinnaaneq

• Social mediami aammalu digitalimik saqqumilaartitsinermi ineriartortitsinermut sunniuteqarnissamut periarfissaq

• Suliffik uummaarissumik avatangiiseqartoq suleqatillu pimoorussisut

• Ulloq suliffiusoq assigiinngisitaartoq aammalu suleqatigiinnernik amerlasuunik imaqartoq

• Attaveqaqatigiinnermi, videonik suliaqarnermi aammalu digitalimik platformini ineriartornissamut periarfissaq

Atorfik kissaatigineqarpoq inuttalerneqassasoq ulloq 15. april 2026 imaluunniit isumaqatigiissuteqarnikkut.

Paasissutissanik sukumiinerusunik pissarsiniaruit, pisortaq/forstanderi Qupanuk Olsen attavigisinnaavat email aqqutigalugu: quol@kti.gl imaluunniit oqarasuaatikkut 588898-mut sianerlutit.

Qinnuteqarnissamut killigititaq: 13. april 2026.

Qinnuteqaatit ingerlaavartumik nalilersorneqartassapput. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Tusarfiginissat qilanaaraarput!