Atuakkialerinermik paasissutissiisartoq

Groenlandica, nunarput inuilu pillugit atuagaateqarfik atuakkialerinermik paasissutissiisartumik oktobarip 1-iat 2026 aallarnerfigalugu isumaqatigiissuteqarnikkulluunniit atorfinittussamik pissarsiorpoq.

Groenlandica Nunatta Atuagaateqarfiata immikkoortortaraa. Ilimmarfimmi inissisimavoq Ilisimatusarfiullu atuagaateqarfia illoqatigalugu. Kulturikkut kingornussassat tammatsaalinissaat siunertaralugu tamanut saqqummersinneqarsimasut katersortarpagut, nalunaarsortarpagut, tammatsaalisassanngorlugillu toqqortaatigilertarlugit. Ilisimatusarnermut tunngasunik  atuagaateqarfipput atuakkanik atuagassianillu Kalaallit Nunaannut tunngasunik issittumilu pissutsinut tunngasunik, kiisalu sammisanik kalaallinut inuiaqatigiinnut attuumassuteqartunik imaqarpoq.

Suliassat: 

• Saqqummersitsisimasut saqqummersitaannik tunniussisussaatitaaneq malillugu piniarnissamut akisussaasoq 

• Saqqummersitanik atorniarneqarsinnaasunngortitassanik piniarnissamut akisussaasoq 

• Saqqummersitanik nutaanik pigeriikkanillu nalunaarsuineq 

• Atuakkialerinermik paasissutissiisarneq - atuagaateqarfimmiittunik nittartakkatigoortussanillu 

• Atuakkanik avammut nittarsaassassanik suliaqarneq

• Annikitsumik nutsigassanik suliaqarneq 

• Ilimmarfiup Atuagaateqarfiata ammanerani atuisunik sullissineq 

Naatsorsuutigaarput: 

• Kalaallit kulturiannut, oqaasiinut atuakkialerinermulluunniit tunngasumik ilinniarsimasuussasutit 

• Atuagaateqarfimmi atortorissaarut Cicero imaluunniiit atuagaateqarfiup atortorissaarutai allat misilittagaqarfigissagitit, piumasaqaataanngilarli 

• Tulleriiaarillaqqissuusutit suliannullu peqqissaartuusutit 

• Kiffartuussinissamut atuisunullu assigiinngitsunut sullissisinnaasutit 

• Kalaallisut qallunaatullu allannermi oqalunnermilu piginnaasaqartutit 

• Avammut nittarsaassinermi allannikkut oqalunnikkullu ersarissumik piginnaaneqassasutit 

Uagut pilluta: 

Suliffeqarfik suleqatigiinnut sisamanut agguataarneqarpoq: Suleqatigiit Groenlandica, Suleqatigiit Nunarput, Suleqatigiit Sammisassaqartitsisut aamma Suleqatigiit Kiffartuussisut. Atuagaateqarfiuvugut aaqqissuussinerpassuarnik ingerlatsisartut, Unnuk Kulturisiorfik atuakkiortumillu malunnartitsineq ukiumoortumik ingerlanneqartartut aaqqissuunneqartarlutik. Illoqarfiullu kulturikkut pikialaartitsinerani peqataarusuttarpugut, soorlu Nuummi Suialaa Arts Festivaleqaleraangat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.