Atuarfik Hans Lynge pedelimik pissarsiorpoq

Atuarfik Hans Lynge Nuukip illoqarfiata isuani Qinngorputimiippoq. Atuarfik pinngortitami kusanartumi inissisimavoq, qaqqanik, kuunnik tasernillu avatangiiseqarluni. Atuarfik Hans Lynge atuarfik nutaaliaavoq, 2011-mi atuarfiup aallartinnerani atorneqalerpoq. Atuarfik 1.–10. klassinut atuartitsisarpoq, 2- aamma 3-spor-inut agguagaalluni. Maannakkut atuartut 516-iupput, ilinniartitsisullu 47-ullutik.

Sulisoqarnikkut ingerlalluartuuvoq, atuarfik angerlarsimaffillu akornanni suleqatigiinneq pitsaasoq oqaloqatigiinnermik tunngaveqarpoq, aqutsisullu ersarissumik takussutissaqarlutik, angajoqqaanik ulluinnarni suleqatigiilluartumik attaveqartarlutik.

Atorfimmut siunertaq

Atorfimmut siunertaq pingaarnerpaaq tassaavoq Atuarfik Hans Lyngep sanaartukkatigut avatangiisai ingerlalluartuunissaat, isumannaatsuunissaat kiisalu atuartunut sulisunullu tikilluaqqusaalluartuunissaat qulakkeerneqarnissaat. Tamanna pedelip ikiortaanik ulluinnarni aqutsinermik kiisalu atuarfiup illuutai silamiillu sumiiffii nalinginnaasumik aserfallatsaalinermik iluarsaassinermillu ataqatigiissaarinermik ingerlatsinermillu imaqarpoq.

Akisussaaffiup iluani inissisimaneq

Atorfik Atuarfik Hans Lynge-miippoq, atuarfiullu pisortaanut toqqaannartumik nalunaaruteqartarluni. Pedeli atuarfiup ulluinnarni ingerlanneqarneranut aserfallatsaaliorneqarneranullu akisussaasuuvoq, illup iluani silamilu.

Suliffiup pingaarneritigut suliassai akisussaaffiilu

Pedeli makku pingaarnertut isumagisussaavai:

Aqutsineq aamma ataqatigiissaarineq

∙Pedelip ikiortaanik fagligt aqutsineq, suliassanik agguaaneq, pingaarnersiuineq aamma suliassanik tunniussineq

∙Pedelip ikiortaanut suliassatut allassimasut malinneqarnissaat qulakkeerneq

Illuutinik aserfallatsaaliuineq (iluani silamilu)

∙Illup iluani iluarsaassinerit nalinginnaasumillu aserfallatsaaliuineq

∙Qalipaalluni suliassat takkuttut

∙Atuarfiup silataani sumiiffiit ingerlanneqarnerat aserfallatsaaliorneqarnerallu, eqqiaaneq ilanngullugu

∙Ukiukkut aputaajaaneq

Isumannaallisaanermut pequtinillu aqutsineq

∙Isumannaallisaanermut malittarisassat pinerluttuliornermik isumannaallisaanermillu (brandmyndighed) piumasaqaataannut naapertuuttuunissaat qulakkeerneq

∙Pequtit toqqorsivii nakkutigineqarnissaat, aaqqissuussaanissaat aammalu isumannaatsumik matuneqarnissaat qulakkeerneq

Piginnaasat aamma ilinniagaqassutsikkut piumasaqaatit

Pedeli makkuninnga piginnaasaqarnissaa naatsorsuutigaarput:

∙Ingerlatsinermut atortunik assigiinngitsut (el, VVS/ruuggerneq il.il.) ilisimasaqarneq

∙IT-mik atuisutut nalinginnaasumik ilisimasaqarneq

Inuttut piginnaasat

∙Aaqqissuussilluarsinnaaneq kiisalu suliaqarnermi ataatsimut isiginnissinnaaneq

∙Nammineerluni sulisinnaaneq aammalu suleqatigiinnermi aqutsinermilu peqataasinnaaneq

∙Suliffimmut aalajangiussanullu aalajangiusimanerup takutinneqarnera

∙Ajornartorsiortitsiviusuni aamma pitsaasumik pissuseqarnermik oqaatsinillu atuineq

∙Ineriartortitsinermut sammisoq atuarfiullu ineriartornera ingerlaqqinnissaanut peqataarusuttoq

Oqaatsit

∙Kalaallisut danskisullu marluk oqaaserineqarnissaat iluaqutaavoq, atuarfiup soqutigisaqaqatigiivinik tamanik pitsaasumik attaveqaqatigiissinnaanissamut piumasaqaataalluni

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: atuarfiup pisortaa Ane Marie Lynge Møller, tlf. +299 36 64 51 imaluunniit e-mail: anmm@sermersooq.gl, imaluunniit uunga: Tullersorti Mette Frederiksen, tlf. +299 36 64 53 imaluunniit e-mail: mfre@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 46-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 6.-at, 2026

Atorfik una qinnuteqarfigiuk