Paasissutissat
Atorfiup suussusaa: Atuarfiup pisortaa
Suliffeqarfik: Tasersuup Atuarfia
Qinnuteqarfissamut killigititaq: juunip 3.-at
Attavissaq:
Mie Jensen toqqaanaq oqarasuaataanut: + 299 64 81 34 mailianut: mije@kujalleq.gl
Vivi Kleist toqqaanaq oqarasuaataanut: + 299 614719 imaluunniit mailianut: vkle@kujalleq.gl attavigalugu.
Tasersuup Atuarfia atuarfiup pisortaaneranik pissarsiorpoq
ALLAGARSIUTEQQITAQ
juulip ulluisa aallaqqaataani 2026 imaluunniit isumaqatigiissuteqarnikkut atuarfiup pisortaaneratut atorfik inuttalerneqassaaq:
Tasersuup Atuarfiani sulisut, atuartut minnerunngitsumillu angajoqqaat anguniagaqarusuttumik tunaartalimmillu pisortartaarusupput, aqutsisut allat atuarfiullu sulisui allat peqatigalugit perorsaanerup siuariartornerullu iluani atuarfimmik siuarsaasinnaasumik.
Tasersuup atuarfia pillugu paasissutissat
- Atuartut 430-it missaaniipput.
- Ilinniartitsisutut atorfiit 55-inut amerlassusiligaapput.
- Atuarfik immikkoortortaqarfinnut sisamanut agguarsimavoq.
- Ilinniartitsisut suleqatigiilluartartuupput suleqatinullu nutaanut tikilluaqqusisuullutik.
- Inersuarmik angisuumik peqarpoq ilinniartitsisut atuartullu katersuuffigisinnaasaanik.
- Ineqarpoq nipilersortarfiusumik.
- Ilinniartitsisunut sulliveqarpoq.
- Lærerintra forældreintralu atorneqarput.
- Atuarfik atuartut angusaannik sulissuteqarpoq.
- Ilinniartitsisut trinnini ataasiakkaani sulisarput.
- Pisortap nunaqarfit pingasut savaateqarfiillu angerlarsimaffimmi atuartitsiffiusut arfinillit akisussaaffigivai.
Pisortaq kissaatigaarput:
- Ilinniartitsisunik aqutsinissamik, siunnersuinissamik, ilitsersuinissamillu piginnaasaqassasoq nakkutilliisinnaasorlu.
- Aningaasaqarnermut paasisimasaqassasoq aningaasartuutissanillu annertuunik suliaqarsinnaassasoq.
- Anguniagassanik malinnaasinnaasoq, qaffasinnerusunik appasinnerusunillu suleqateqarsinnaasoq, suliffeqarfimmi eqimattanik ataqqinninneq aallaavigalugu.
Pisortaaneq ukununnga piukkunnaateqassaaq:
- Ilinniartitsisuuvutit atuarfimmi pisortatut ilinniarsimasoq
- Ilinniartitsisunik, suleqatinik, qullersarisannik minnerunngitsumillu angajoqqaanik suleqatiginnilluarsinnaanissat
- Pisortatut inissisimanerit tassungalu akisussaaffik tunngassuteqartoq paasisimalluassagit.
- Attaveqartarninni allakkatigut oqaatsitigullu ersarissuunissat.
- Ulluinnarni sulinernut tunngasunik ilungersunartoqartillugu uippajaalinnginnissat.
- Sulisitsisornut sulisornullu tatiginartuunissat.
- Kalaallisut qallunaatullu oqaatsitigut allannikkullu piginnaaneqarluartuunissat.
Meeqqanik pinerliisimannginnermut uppernarsaat:Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq.Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Piumasaqaatit uku naammassisinnaasorigukkit qinnuteqaasiussaatit.
Atuarfiup pisortaata qullersaa qaninneq tassaavoq Kommune Kujallermi Inerisaanermut ingerlatsivimmi atuarfeqarneq pillugu pisortaq Qaqortumi inissisimasoq.
PITSAASUNIK ATUGASSAQARLUNI ATORFEQARNEQ
Atorfinitsittineq Naalakkersuisut IMAK-llu akornanni isumaqatigiissutaat 21. Maj 2021-imeersoq naapertorlugu atuuppoq. Qinnuteqartut Kalaallit Nunaanni tjenestemand-ureersut atorfinitsitteriaaseq taanna ingerlatiinnarsinnaavaat. Qinnuteqartut piukkunnartut pilerilersinniarlugit atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut aqqaneq-marluk qaangiukkaagata akiliunneqarlutik sulinngiffeqarnermut atatillugu angalasinnaatitaapput, piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninik konto-mut matoqqasumut ikisisoqassaaq. Soraarnerup kingorna aningaasat tunniunneqassapput
Inissaqartitsineq:Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamullu utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.
Atorfik pillugu paasisaqarnerorusukkuit:Atuarfeqarfinnut pisortaagallartoq Mie Jensen toqqaanaq oqarasuaataanut: + 299 64 81 34 mailianut: mije@kujalleq.gl attavigalugu pissarsiarineqarsinnaapput imaluunniit skolekonsulent Vivi Kleist toqqaanaq oqarasuaataanut: + 299 614719 imaluunniit mailianut: vkle@kujalleq.gl attavigalugu.
Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut ataani link-i, atorfimmi inuttassarsiorneqartumi takusinnaavat.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik juunip ulluisa pingajuat 2026.
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: juunip 3.-at, 2026
