Avatangiisinut immikkoortortaqarfimmi AC-fuldmægtigi, specialkonsulenti imaluunniit chefkonsulenti

Avatangiisinut, Pinngortitamut, Nukissiuutinut Ilisimatusarnermullu naalakkersuisoqarfimmi avatangiisinut immikkoortortaqarfimmi avatangiisinut tunngasunik misilittagalimmik tamatigoortumillu ilisimasalimmik  tunniusimasumik suliatigullu pikkorissumik suleqatissarsiorput. 

Qinnuteqarfissap killinga: 10. september 2026
Atorfiniffissaq: Piaarnerpaamik isumaqatigiinnikkulluunniit
Suliffiup sumiiffia: Nuuk, Kalaallit Nunaat

Atorfik pillugu

Avatangiisinut immikkoortortaqarfiup eqqakkanut, imeqarfinnut,avatangiisit sineriammut qanittunut, imernut minguttunut, ASN suliffeqarfiillu minguttunut tunngasut siammasissumik suliarisarpai. Taakku saniatigut immikkoortortaqarfiup nunani tamalaani avatangiisit innarlitsaaliorneqarnissaanik isumaqatigiissutinik ingerlatsineq akisussaaffigivaa. Immikkoortortaqarfik immikkoortortaqarfimmi aqutsisumik ataatsimik sulisunillu arfineq pingasunik amerlassusiligaavoq. 

Avatangiisinut immikkoortortaqarfimmi AC-fuldmægtigitut, specialkonsulentitut chefkonsulentitulluunniit makkuninnga suliaqarnissannut periarfissaqarputit ass.:

• Eqqakkanut tunngasunik suliniutit sullissinerillu – taassuma ataani kommunenik allanillu attuumassuteqartunik suleqateqarnerit.

• ASN aamma avatangiisimik atuinermik akuersissutit. 

Atorfik makkuninnga imaqarpoq, pisortaqarfimmi suliassat tigussaasut, pilersaarusiukkamik ineriartortitsinermik suliaqarneq aammalu suliassat politikkikkut eqqumaffigisassartallit, pingaartumik eqqakkanut tunngasut.. Siammasissumik suleqateqartassaatit – Naalakkersuisoqarfiup iluani, avataanilu kommunet pisortaqarfiit nunat tamalaaniillu aktørit.

Suliassatit makkuninnga ilaqassapput

• Pisinnaasat soqutigisallu aallaavigalugit Avatangiisinut tunngasunik sullissineq.

• Aalajangiinissamut oqallisigisassanik siunnersuutinik, allakkianik, akissutinillu politikkikkut naleqquttunik suliarinninneq. 

• Akisussaaffeqarfiit iluanni tusarniaanernik ataqatigiissaarineq 

• Inatsisiliornermik, nalunaarutinik najoqqutassanillu suliarinninnerit kukkunersiuinerillu.

• Kommunenut suliffeqarfinnullu ilitsersuutit

• Aqutsisoqarfimmut Naalakkersuisumullu atortussianik pitsaassutsikkut qulakkeerinninneq

• Ilaatigut ineriartortitsinermik suliniutinut aqutsinerit, suliatigut piginnaasatit aallaavigalugit

Immikkoortortaqarfimmi sulisunik qanimut suleqateqartassaatit avatangiisinullu tunngasunik suliaqartassallutit.

Illit pillutit

Naatsorsuutigaarput:

• Ingerlaqqiffiusumik ilisimatusanermik ilinniagaqarsimasutit, allatigulluunniit suliamut tunngasunik ilisimasaqartutit 

• Avatangiisinut tunngasunik suliamik sulianilluunniit misilittagaqartutit soqutigisaqartutillu.

• Allattariarsornikkut oqaluttariarsornikkullu nukittuujusutit – kalaallisut, qallunaatut tuluttullu.

• Kalaallit Nunaata inuiaannut kulturiannullu nalunngisaqartutit soqutigisaqartutilluunniit, arlalinnillu kultureqarfiusumiissinnaasutit. 

Neqeroorutigaagut

• Atorfik tamatigoortoq tangilillu inuiaqatigiinnullu annertuumik isumalik

• Suleqatit tunniusimasut suliatigut pikkorittut ulluinnarpalaartumillu oqaluttut

Aningaasarsiat atorfinitsitaanermilu atugassarititaasut 

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ini

Atorfinnut sulisut inissiamut innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisunut inissiameereerpat, sulisunut inissiamut innersuunneqarsinnaatitaaneq atuutsiinnarneqassaaq. Sulisunut inissiaq atorfeqarnermut atasuuvoq, aammalu atorfeqarnerup uninnerani qimanneqassalluni.

Qinnuteqarneq oqaloqatiginninnerillu

Qinnuteqaatit, CV,  ilinniarsimanermut pikkorissarnermullu uppernarsaatitlink ataaniittoq atorlugu nassiutikkit.E-mail-ikkut qinnuteqaatinik tigusisanngilagut.

Paasisaqarnerorusuppit?

Immikkoortortaqarfimmi aqutsisoq attaveqarfigiuk Githa M. Olsen tlf. +299 34 64 57 e-mail: gibo@nanoq.gl.

Atorfinitsitsinissamut oqaloqatiginninnerit ingerlanneqassapput.