PAASISSUTISSAT
Atorfiup suussusaa: Business Controlleri
Suliffeqarfik: Tusass
Qinnuteqarfissamut killigititaq: Atorfininneq ingerlaannaq pissaaq, taamaattorli atorfinittussaq tulluartoq aatsaat nassaarinerani pissaaq.
Attavissaq: Ann Arnfjord mailikkut Arnf@tusass.gl
Aningaaserineq uummateqarfigaajuk aammalu nalilersuillaqqissuullutit?
Controller team-itsinni qitiusumik inissisimaveqarusuppit aammalu Tusassip periusissiaanut 2025-2028-mut sunniuteqaqataarusullutit?
Immaqa taava illit Business Controllerertaassaraatsigit!
Atorfik pillugu
Tusassimi Business Controllerimik pikkorissumik tunniusimasumillu suleqatitsinnut ilassarsiorpugut.
Tusassi maanna periusissiamik nutaamik ingerlatsinerani anguniakkat annertuut anguniarneqarput, taakkulu ingerlatsinermut aammalu ineriartortitsinermut tunngassuteqarput
Qitiusumik inissisimalissaatit, suliffeqarfiullu naleqarneranut pitsaasumik aalajangiisarnikkut pilersitseqataallutillu annertusaaqataassaatit, tamannalu suliffeqarfimmi periusissiamut toqqaannartumik sunniuteqaqataassalluni.
Business Controlling-imi suleqatigiit arfineq pingasuupput tassanilu immikkoortortami aqutsisup ataani inissisimassallutit.
Team-ittalu business controlling, projekt controlling, datanik nalilersuineq aamma ERP-imik aqutsineq suliarisarpaat.
Suliniutitsinni aammalu niuernitsinni aningaaserinikkut aqutseqataaneq aammalu nalunaarusiorneq qulakkiissavat.
Immikkoortortaqarfimmut ilinnut attuumassuteqartumut aqutsisuannut avitseqateqartalissaatit aammalu immikkoortortaqarfiup aningaasaqarnermullu immikkoortortaqarfiup akornganni attaveqartuussallutit.
Suliassat siammasissinnaapput, taamaattorlu suliassat qitiusut ukuussallutik:
- Qaammammut naatsorsuineq
- Missingersuusiorneq aammalu missiliuineq
- Aningaasaqarnermi periuutsit nutaat suussusersineri aammalu nalilersorneri
- Missingersuinerit malinneqarnissaat isumagineri aammalu pitsanngorsarfissat suussusersineri
- Aningaasaqarnermi nalilersuinerit nalunaarusiornerillu
- Projektcontrolling, tamatumanilu aningaasaqarnikkut malitseqartitsineq aammalu suliniutinik nalunaarusiorneq
- Aningaasaqarnermi ingerlatseriaatsinik suussusiineq aammalu atuutitsilerneq
- Aalajangiiniarnermi ingerlariaatsit pillugit immikkoortortaqarfinni aqutsisut ilagalugit qanimut oqaloqateqartarneq
Illit pillutit
Suliffeqarfiup pitsanngoriarnissaa ingerlatsilluarnissarlu anguniarlugu kisitsisinik nalilersuissutinillu suliaqarnissat nuannaraat.
Attaveqarsinnaassuseqarputit inuillu piffianni naapissinnaalluartarlugit,
Eqeersimaartuunissaq ilinnut ajornanngitsuuvoq aammalu sooq qanorlu pisoqartarneranik paasinnikkusunnerit naliginnaasutut takkuttarluni, taamatullu aaqqiiniarnermi aaqqiissutissanik ujaasinikkut, ajornaannerusumik aaqqiissutissanik, suliffeqarfimmullu iluaqutaasinnaasunik nassaarsinnaasarlutit.
Inuttut isumagissaartuuvutit, pitsaassutsimik tappittoq, aaqqissuussamik suliaqartartoq aammalu allat ilagalugit inerninik nassaarusussusilik.
Sulianut tunngatillugu tunngaveqarluartutit aammalu aningaasalerinermut tunngatillugu ilisimasaqarluartutit. Ilinniarsimanermi tunuliaqutit cand.merc., HD(R), cand.oecon. imaluunniit alla assingusuusinnaavoq. Tulluassaqaarlu siornatigut ukiuni pingasuni atorfimmik assingusumik suliaqarsimassaguit.
Tamatuma saniatigut piginnaasat uku pingaartinneqassapput
- Suliffimmi ingerlatsinermi aammalu ineriartortitsinermik sulialimmik allanngorarsinnaasumilu sulisinnaassuseqarneq
- Nassuiaalluarsinnaassuseqarneq aammalu suliffeqarfiup iluani immikkoortortaqarfiit akornganni suleqateqarsinnaaneq
- Suliffeqarfimmi ingerlariaatsit pitsanngorsarniarlugit, pitsaasumik unammilliisinnaassuseqarneq
- Suliffeqarfinni akunnattuni aningaasatigut aqutsinermik misilittagaqarneq
- Axapta aamma PowerBI-mik ilisimasaqarneq (Tusassip D365 Finance and Operations-imi atugaraa)
- Excel-imut atuinermik ilisimasalik
Tusassip neqeroorutigaa
Suleqatit piginnaasaqarluartut angusaqarusuttullu akornganni suliffeqarfimmi uummaarissumi unammillernartumilu atorfeqarneq.
Inuttut suliaqarfitsigullu ineriartorfik.
Tamatumalu saniatigut ulluinnarni suliannut annertuumik sunniuteqaqataasinnaaneq.
Tusass pillugu uani paasisaqarnerugit: https://www.tusass.gl/
Piukkuppit?
Atorfininneq ingerlaannaq pissaaq, taamaattorli atorfinittussaq tulluartoq aatsaat nassaarinerani pissaaq.
CV qinnuteqaallu qinnuteqarfissamut toortagaq talerpimmiittoq toorlugu nassiukkit.
Qinnuteqaatit emailikkut tiguneq ajorpagut.
Atorfik pillugu apeqqutissaqaruit Business Controlling-imi immikkoortortaqarfimmi pisortaq Ann Arnfjord emailikkut attavigisinnaavat. E-mail: Arnf@tusass.gl
Tusarfiginissat qilanaaraarput.
Søg denne stilling
