Campus Kujallermi Guidenngornianut ilinniartitsisussarsiorneq

Campus Kujallermi Guidenngonianut ilinniartitsisussarsiorneq

Turisme-afdelingen på Campus Kujalleq søger en engageret underviser til vores guideuddannelser med tiltrædelse pr. 15. september 2026 eller efter nærmere aftale.

Ansøgningsfrist: 30. august 2026 kl. 00:00

Campus Kujalleq turisme afdeling er et dynamisk uddannelsescenter med fokus på at udvikle og styrke fremtidens faglige kompetencer inden for turisme. Vi søger en engageret og kompetent underviser til at varetage undervisningen på vores uddannelser inden for turisme.

Campus Kujallermi Takornarialerinermik immikkoortortaqarfik, Guidenut ilinniartitsisumik tunniusimasumik ujaasivoq. Sulilerfissaq: 15. september 2026 imaluunniit isumaqatigiissuteqarnikkut. Qinnuteqarnissamut killigititaavoq: 30. august 2026, nal. 00:00

Campus Kujallermi takornarialerinermik immikkoortortaqarfik uummaarissuuvoq, takornarialerinikkut ineriartortitsinermik, siunissamilu piginnaanernik annertusaasoq. Takornarialerinikkut ilinniartitsisinnaasumi pikkorissumik piginnaanilimmillu ujaasivugut.  

Fagit atuartitsiffiusinnaasut imaluunniit kursusertitsinikkut ilinniartitsissutissat:

• Takornarialerinermut tunngasut fagit

• Sullissineq aaqqissuusaaneq aqutseriaaserlu

• Aningaasaqaneq

• Nutaaliorneq

Ilinniartitsisutut atorfimmi suliassat:

• Atuartitsinermut pilersaarusiorneq, atuartitsineq taavalu misilitsitsineq

• Atuartitsinermi atortunik ineriartortitsineq aammalu ilinniartitsinermi periutsinik atuartunut naleqqussaanissaq

• Suliassat suliniutillu pillugit atuartunut siunnersuisarnerit

• Ilinniartut angalanerini angalaqatigisarnissaat 

• Ilinniartitsisunut allanut suleqateqarneq – immikkut ilisimasallit suleqatigalugit

• Atuarfik ilikkagaqarnissamut inissaqartitsisoq aammalu kajumilersitsisoq, ineriartornermut peqataaneq

Ilinnit naatsorsuutigineqartut:

• Attuumassutilimmik ilinniagaqarsimaneq – takornariaqarnermut aammalu sullissinermut misilittagaqarneq

• Ilinniartitsinermut misilittagaqarneq

• Kalaallisut, danskisut aammalu tuluttut oqalussinnaaneq allassinnaanerlu

• Pædagogiskimik eqqarsarsinnaaneq aammalu inuusuttut ilinniagaqarnerannut ineriartortinnissaannullu soqutigisaqarluartoq

• Suleqatikkuminartoq aammalu ilinniartitsisutut ataatsimoorfiusumi suleqataarusuttoq

Neqeroorutigaagut:

• Suliffik pissanganartoq isumaqarluartorlu – atuartunut qanimut suleqatigiiffiusoq

• Suleqatit pitsaasut aammalu ilinniartitsinermi avatangiisigissaarneq

• Takornariaqarnermik inuttullu ineriartortitsinissamut periarfissat pitsaasut

Campus Kujallermi Takornarilerinermik immikkoortortaqarfik Campus Kujallermut  aamma Ilinniarnertuunngorniarfik immikkoortortaqarput. Takornarialerinermik ilinniarfimmi suliffeqassaatit, kisianni pisariaqartitsisoqartillugu immikkoortortani allani suliassinneqartarsinnaavutit.

Atuarfimmi suleqatigiinneq pingaaruteqartoq aammalu ataatsimoornermik pilersitsiffiusoq pingaartillugu sulerusukkuit– taava illit uagut ujarpatsigit.

Qinnuteqarnissamut killigititaq:

30 august 2026 nal. 00:00. Oqaloqatiginninnerit ataavartumik ingerlanneqarsinnaapput.

Sulilernissaq: 15. september 2026 imaluunniit isumaqatigiissuteqarnikkut.

Paasissutissat pissarsiarineqarsinnaapput Ilinniarfimmi pisortaq Aaju Simonsen, e-mail: as@cak.gl imaluunniit oqarasuaatikkut: +299 647886.

Oqaloqatigiinnerit ingerlanneqassapput qinnuteqarfissap qaangiunnerata  kingorna.

Akissarsiat atorfininnermilu atugassarititaasut

Akissarsiat atorfininnermilu atugassarititaasut, soorlu angalanerit, najukkamut nuunneq il.il., Namminersorlutik Oqartussat isumaqatigiissutaat atuuttut naapertorlugit inissinneqassapput.

Ineqarnermut tunngasut

Atorfimmut inissaqartitsisoqarsinnaavoq, ineqarnermut malittarisassat atuuttut naapertorlugit. Nammineq initaqaraanni imaluunniit Namminersornerullutik Oqartussat/kommunep pigisaanik ineqareersoq inissamik tunineqarsinnaanngilaq.

Aningaasartuutissat soorlu ineqarnermut akiliutit, qularnaveeqquserneq il.il. malittariassat atuuttut naapertorlugit isumagineqassapput. Inissaq atorfimmut attuumavoq, atorfimmit soraarnermi inigisaq qimanneqassaaq.

Inigisamut akiliut, inissap pitsaassusaa pisoqaassusaa, piginnittoq il.il. apeqqutaallutik assigiinngitsumik angissusilerneqarsinnaavoq. Immikkoortuni vakanteqarnermi, soorlu ataatsimoortumik inissiani imaluunniit hotellini, inissiisoqarsinnaavoq – taamatullu inissinneqarnermi akileraaruteqartoqassaaq. Inissiami, vakanteqarfimmulluunniit, uumasuuteqaqqusaanngilaq, assersuutitut qimmeq qitsulluutilluunniit.

Qinnuteqarnissamut ilitsersuut

Qinnuteqaat, CV, ilinniarsimanermut pikkorissarnermullu uppernarsaatit, allanillu atorfimmut atatillugu pingaarutilinnik uppernarsaatit ilanngullugit "Qinnuteqaat nassiuk" toorlugu nassiunneqassapput.

Qinnuteqaat mail-ikkut nassiunneqartut suliarineqarneq ajorpugut.