COWI Greenland A/S-imi sanaartornermut imaluunniit suliniutinut aqutsisoq

Suliffik naleqqussarsinnaasoq, ullormiit ullormut assigiinngiiaartoq, kissaatigaajuk? COWI-p Kalaallit Nunaanni ineriartortinneqarneranut peqataarusuppit? Sanaartornermik nakkutilliisutut, sanaartugassanik aqutsisutut imaluunniit sanaartornermi suliniutinik aqutsisutut naammasserlaajuit misilittagaqarluarlutilluunniit? Maanna periarfissaqarputit.

Aqagussaq pitsaanerusoq anguniarlugu aaqqiissutissanik pilersitsigit 

Kalaallit Nunaanni suliniuteqarnerput annertusarniarlugu Nuummi suleqatissatsinnik nutaanik ujartuivugut. Nuummi allaffeqarfitsinni anginngitsumi inerisaanissamut takorluugaqarluartumi, Skandinaviamilu nunarsuarmilu tamarmi COWI-mi suleqativut amerlasuut qanimut suleqatigisarpavut. Sanaartornerup iluani suliani pissanganartuni siunissaq pillugu isumaliutiginnilluartuni sullitavut qanimut suleqatigisarpavut. Suliniutinut soorlu Nuummi mittarfiup allilerneqarnissaanut peqataasimanerput tulluusimaarutigaarput. 

COWI-mi allaffimmi nutaami suliffik pissanganartoq assigiinngitsorpassuarnillu suliaqarfiusoq suliffeqarfissuarmi iluaqutissartaqartut tamaasa pigalugit periarfissaavoq. COWI Kalaallit Nunaanni suliffeqarfittut inerisaaqataanissamut periarfissaqarputit. 

Suliassatit pingaarnerit ilaatigut ukuupput: 

• Nakkutilliineq

• Sanaartornermut aqutsineq 

• Suliniutinik aqutsineq 

• Suliniummi ingerlataqartunik suleqatinillu oqaloqateqarneq

Illit piginnaasatit. Suleqatigiinnerput. Ataatsimut siunissaq ilusilersussavarput

Suliffimmi tamatumani iluatsilluarnissamut iliuuserineqartussaq siulleq tassaavoq suleqatinik sullitanillu suleqateqarusunnerit. Ataqqinninnikkut neriorsuutitillu eqquutsittarnerisigut attaveqaatinik pitsaasunik pilersitsissaatit. Paasisimasat nutaat pitsaanerulersitsinissamullu periarfissat nutaat misissortuassavatit. 

Aamma: 

• Sanaartornerup iluani aqutsinermik, suliniutinik aqutsinermik ilisimasaqarluassaatit 

• Sanaartornermi misilittagaqarluassaatit 

• Pitsaasumik sullissisinnaassaatit, suliassanillu nammineq akisussaaffimmik tigusisinnaallutit 

• Suleqatigiinnikkut piginnaaneqarluarneq 

• Oqaloqateqarluarsinnaasoq – kalaallisut qallunaatullu

Suliffik — allarpassuillu 

COWI-mi sullitavut suleqatigalugit nunarsuaq piujuartitsisoq ilusilersortarparput. Ilisimasavut alapernaannerlu – ilaannikkullu allaat sapiissuseqarnerput – atorlugit nunarsuup aaqqiissutinik pisariaqartitaanik, aqagu pitsaanerusumik ulloqarsinnaalernissamut periarfissaqalersitsisunik, pilersitsinikkut taamaaliortarpugut. Sullitatta piujuartitsinissamik noqqaassutiginninnerannut tapersersuisarpugut, aamma niuernitsinni aaqqiissutissanilu sullitatsinnut neqeroorutigisartakkatsinni avatangiisinik aqutsineq, inuiaqatigiinni akisussaaffik suliffeqarfiullu aqutsilluarnissaa pingaarnerpaatittarpavut. 

Assigiinngissuteqarneq ineriartornerlu pingaartippavut, aamma avatangiisit ataatsimoorfiusut misigisassarsiorfiulluartut pilersinniartarpavut. Taakkuuppummi ilinnut pitsaanerusumik suliffeqarfiup iluani angerlarsimaffimmilu pilersitsisinnaasut. 

Nunani avannarlerni, Tuluit Nunaanni, Amerikami Avannarlermi Indiamilu allaffeqarfeqarpugut, ullumikkullu 7500-init amerlanerusut ingeniøritut, illuliornermik, nukissiuuteqarnermi avatangiisinillu ilisimasaqarluartut suleqatigaavut. 

Apeqqutissaqarpit? 

Atorfik neqeroorutigisinnaasavullu pillugit apeqqutissaqaruit, pisortaaneq Lasse Bøgeskov Mousten uunga attavigisinnaavat: lbmn@cowi.com. 

Nittartakkami www.cowi.com-imi suliniutivut, periusissarput, anguniakkavut COWI-milu inuuneq pillugu paasisaqarnerusinnaavutit. 

Qinnuteqartinnak 

Qinnuteqaammi ilannguttariaqakkat tassaavoq CV-it – assitaqanngitsoq qinnuteqaatitaqarnatillu. Oqaloqatigiinnermi sooq COWI-mut ilanngunnissat pillugu ilisimasariaqakkavullu tamaasa oqaluttuarisinnaavatit. Asserlu eqqarsaatigalugu, uagutsinnut pingaaruteqarpoq suliffissarsiortoq naapinnermi siullermi naliliiffigissallugu, assitiguunngitsoq. 

Assigiinngisitaarneq COWI-mi tunngaviuvoq, peqataatitsinerlu pingaaruteqarluinnarpoq 

Suliffimmik ataqqinnittumik naapertuilluartumillu pilersitsinissaq pisussaaffigaarput, sulisut tamarmik ataatsimoorfeqartutut misigitinneqarlutik ineriartornissamullu siumukarnissamut naligiimmik periarfissaqartillugit. Qulakkiissavarput aqutsisorput peqataatitsisumik aqutsinermut maligassiuilluartuusoq kulturimik ineriartortitsinermigut, tassani assigiinngitsunik isiginnittaaseqarneq nukittuffiusutut isigineqarluni. Assigiinngisitaarneq akulerutsinneqarnerlu aalajangiinerni sulianilu tamani pingaaruteqartuni eqqarsaatigisarpavut, aamma suleqatigiissitanik ataatsimiittarfinnillu katiterinermi. Taamaaliortarpugut tamanna naleqartitatsinnut ilaavoq eqqortuullunilu.