Crewimi Imarsiornermi sulisoqarnermut siunnersortissarsiorpugut

Imarsiornermik suliaqarfik soqutigisariviuk aaqqissuussaanermilu inuiaqatigiinnut pingaaruteqarluartumi sulisoqarnermut tunngasunik suliaqarnissaq kajungernartillugu? Akisussaaffeqartitaaneq, aaqqissuulluakkamik suleriaaseqarneq ulluinnarnilu sulineq amerlasuunik suleqateqarfiusoq nuannarivigit?Taamaappat Inuttalersuinermut immikkoortortaqarfimmi Imarsiornermi sulisoqarnermut siunnersortitut atorfik ilinnut piukkunnarsinnaavoq.

Royal Arctic Linemi inuttalersuinermik suliaqarnermi umiarsuarnilu inuttatsinnut sulisoqarnikkut allaffissornermi qitiusumik inissisimassaatit Nuummilu sulisoqarnermut tunngasunik suliallit toqqissisimanartut suleqataaffigalugit.

Uagut pilluta

Royal Arctic Line niuffagiutinik qulinik ilaasartaammillu ataatsimik umiarsuaateqarpoq.Inuttalersuinermut immikkoortortaqarfik Nuummiittoq inuttalersuisarnerup pitsaasumik ingerlanneqarnissaanut sulisuttalu imarsiortut akornanni atugarissaartoqarnissaanut qitiusumik inissisimavoq.

Immikkoortortaqarfimmiipput Crew aamma HR. Crewimi suleqatigiit pingasuupput – illit ilanngullutit – umiarsuarni sulisunut tunngasunik suliaqartuullutik.HR-imi suleqatigiinni sulisoqarnermut siunnersortit pingasuupput nunami sulisut akisussaaffigalugit. Tamatuma saniatigut ilinniartitaanernik ataqatigiissaarisoq aamma AU HR-imik ilinniartoq immikkoortortaqarfimmut atassuteqarput.

Atorfimmi imarsiornermut suliaqarfiup iluani sulisoqarnermut tunngasunik piginnaaneqarfigisavit ineriartortinnissaannut periarfissaqassaatit.

Atorfininnerup kingorna umiarsuaatileqatigiiffiup umiarsuaataata ilaanni piffissami sivisunngitsumi angalaqataanissannut periarfissaqassaatit imarsiorluni ulluinnarni sulinerup paasisaqarfiginissaa siunertaralugu.

Atorfik

Sulisoqarnermut tunngasunik suliassat ingerlatsinermut qanittut ineriartortitsinermullu sammitinneqartut imarsiornermi sulisoqarnermut siunnersortitut suliarisassavatit. Ataatsimut isiginnissinnaalluarneq, suleqatiginnissinnaaneq suliassanullu aaqqissuulluakkamik suleriaaseqarneq atorfimmi pisariaqarput.

Suliassatit pingaarnerit

• Umiarsuaatileqatigiiffiup oqartussaasullu piumasaqaataannut naapertuuttumik Umiarsuaatileqatigiiffiup umiarsuaataanik inuttalersuisarnerup eqqortumik ingerlanneqarnissaanik qulakkeerinninnissaq
• Sulisunik imarsiortunik sulisussarsiorneq
• Sulisoqarnermut tunngasunik suliaqarneq, soorlu atugarissaarnissaq, sulisunik ineriartortitsineq aamma suliffiup iluani suleriaatsinik pitsanngorsaaneq
• Umiarsuarnit saaffiginnissutinik sulisoqarnermut tunngasunik suliaqarneq
• Pikkorissarnissanut ataqatigiissaarineq, peqataanissanik nalunaarnerit malitseqartitsinerillu
• Pigaartoqarnermut aaqqissuussinermi suleqataaneq

Illit pillutit

Suleqatissatsinnik namminersorluni sulisinnaasumik, aaqqissuulluakkamik suleriaaseqartumik aaqqiissutissarsinissamillu ukkataqartumik pissarsiorpugut.Qanimut suleqateqarnissaq sungiusimavat umiarsuillu oqarasuaatikkut ingerlaavartumik attaveqarfigisassallugit, peqatigisaanillu ulluinnarni sulinermi ulapiffiusumi ataatsimut isiginnissinnaassallutit.

Taamatuttaarlu iluassaaq:

• Sulisussarsiortarnerup iluani misilittagaqaruit
• Sullissillaqqissuuguit suleqatigiinnissamillu pingaartitsisuullutit
• Aaqqissuulluakkamik suleriaaseqaruit
• IT-mut piginnaasaqarluaruit allaffissornikkullu systemit ingerlaatsillu paasisimasaqarfigalugit
• Kalaallit, danskit tuluillu oqaasii piginnaasaqarfigilluarukkit

Neqeroorutigaagut:

• Suliffeqarfik allanngorarfiusoq tunniusimasunik suleqateqarfiullunilu soqutiginartunik unammilligassaqarfiusoq.
• Sulinermi avatangiisit pitsaasut akissarsialluni piginnaaneqarfigisannut naapertuuttut.
• Inuttut suliatigullu ineriartornissamut periarfissaqarneq.

Unammilligassamut piareersimavit?

Atorfik pillugu paasisaqarnerorusukkuit General Manager CREW & HR Hans Peter Poulsen saaffigisinnaavat uunga sianerlutit +299 34 91 80 imaluunniit uunga allallutit hap@ral.gl

Qinnuteqaatinik e-mailikkut tigusaqarneq ajorpugut.

Atorfininneq: sapinngisamik piaarnerpaamik, eqqortulli atorfinitsinnissaa salliutinneqassaaq

Qinnuteqarfissaq kingulleq: februaarip 28-ani 2026

Oqaloqatiginninnerit: ingerlaavartumik oqaloqatiginnittoqartassaaq.

Atorfik una qinnuteqarfigiuk