FAKTA
Atorfiup suussusaa: Danmarkshavnimi igasoq
Suliffeqarfik: Tusass A/S
Qinnuteqarfissamut killigititaq: 25. august
Attavissaq: Mads Arqe Andreasen telefonikkut +299 389464, e-mail maasi@tusass.gl
Tusass A/S Danmarkshavnimi igasumik isumaqatigiissusioreernerup kingorna aallartissinnaasumik pissarsiorpoq
Suliassat
Naliginnaasumik ulluinnarni pisassanut pilersaarusiorneq aammalu piffimmi sulisunut pulaartoqartillugulu pulaartunut nerisassiorneq suliassaasarput.
Igasullu suliassaanuttaaq ilaapput iggavimmi nerisarfimmilu eqqiaaneq.
Igasuttaaq pisat tikittut aaqqissornisaat isumagisarpai, tamatumunngalu atatillugu nakkutilliineq, kisitsineq aammattaaq tamatuma saniatigut amigaateqartoqartillugu piffimmi pisortaq peqatigalugu inniminniineq suliarisassavaa.
Piffimmittaaq pulaartunut init/ineeqqat inigititaasut akisussaaffigissavai, soorluttaaq igasup pisinnaatilluni piffimmi ingerlatsinermi suliassanik assigiinngitsunik ikiuuttassasoq.
Piginnaasanut piumasaqaatit
Qinnuteqartut igasutut imaluunniit inuussutisiornermi ikiortitut ilinniarsimassapput, minnerpaamillu ukiuni marlunni-pingasuni suliaqarfimminni sulisimassallutik.
Piffimmi sulinissamut inuttut timikkut ilukkullu nukittunissaq, nikerartumi sulisinnaanissaq, suleqateqarsinnaanissaq aammalu naliginnaasumik peqqissuunissaq piumasaqaataavoq.
Immikkut atugassarititaasut
Eqimattat marlukkaartunik nikerartunik sulisoqartarpoq, aappaa sulineranni aappaat angerlarsimasut, tamannalu nikeraanneq sapaatip akunneranik 9-nik sivisussuseqartarlutik. Taamaattorli ukiukkut sapaatip akunneri 16-niusarlutik, sumiiffimmut taartumi timmisoqarsinnaaneq ajormat.
Angerlarsimasoqarneranilu ukiumut ulluni 25-ni feriertoqarsinnaasarpoq, soorluttaaq angerlarsimanermi pikkorissarnermut ataatsimiinnernullu ilaasoqartassasoq aammalu piffissami ataatsimut 25%-iusumik suliassanik aaqqitassanillu annikitsunik suliaqartoqartassalluni.
Piffimmiinnermilu sapaatip akunneranut ullut 6-t sulisoqartassaaq, sapaatip akunneranilu ulloq ataaseq sinneruttoq angerlarnermi sulinngiffeqarfittut nalunaarsorneqartassaaq.
Attaallu immikkuullareqqinnaartumik pisoqartillugu sulinerup nalaani piffik qimanneqarsinnaavoq.Tamanna ukiumut timmisartukkut siumut utimullu angallanneq tallimariaannaq pisarmat.
Akissarsiat – atorfininnermilu atugassarititaasut
Akissarsiat isumaqatigiissusiornikkut inissinneqassapput.
Atorfininnermullu atatillugu Tusassip angalanermut aningaasartuutit tamaasa matussusissavai.
Piffimmi sulinerup nalaani najugaqarneq nerisaqarnerlu isumagineqassapput, taakkuli malittarisassat naapertorlugit akileraarutaasartussaallutik.
Atorfinissinnaanermut stationimiissinnaanerlu UK Oil and Gas-imit peqqissutsimut uppernarsaammik peqaqqaarnissaq piumasaqaataavoq. Atorfinitsinneqarnermilu kigutilerisumit kigutiginneq uppernarsarneqarsimassalluni. Taakkununngalu uppernarsaasiornermut aningaasartuutaasimasutut uppernarsaasikkat Tusass A/S-imiit utertinneqarumaarlutik.
Qulaani allassimasunit pilerisulersimaguit stationsleder Mads Arqe Andreasen oqarasuaatitigut +299 389464, e-mailikkulluunniit maasi@tusass.gl attavigisinnaavat.
Qinnuteqarneq
Atorfimmut pilerisukkuit qinnuteqaatit, CV-llu aammalu uppernarsaataasinnaajunnartut ilanngullugit quppernikkut ugguuna nassiussigit, kingusinnerpaamik ulloq 24. august 2025.
Tusarfiginissat qilanaaraarput!
Atorfik una qinnuteqarfigiuk
