Destination Arctic Circlemi oqaluttuanik misigisassanillu pilersitsigit

Arctic Circle Business (ACB) Sisimiuni allaffimmut tunniusimasumik nammineersinnaasumillu Content, Trail & Marketing Manager-imik pissarsiorpoq.

Destination Arctic Circle pillugu oqaluttuartarnermi peqataarusuppit – ilutigalugulu misigisanik piviusunngortitsisut pisuffiit ineriartortitseqataaffigerusuppigit?

Atorfik nutaaliortumik attaveqaqatigiinnermik, aserfallatsaaliuinermik aamma nunap immikkoortuani pisuffiit ineriartortinneqarnissaannut kiisalu Destination Arctic Circle (DAC) aaqqissuussaasumik nittarsaannissaanut ataqatigiissitsivoq.

Inummik oqaluttuarnermik, pinngortitamut tunngasunik misigisassanik kiisalu nunap immikkoortuani ineriartortitsinermik soqutigisalimmik pissarsiorpugut - aamma nittartakkani assigiinngitsuni imarisaannik patajaatsumik ersarissumillu pilersitsisinnaasumik.

Atorfik pillugu

• Assit, videot, DAC-ip inuit naapittarfiannik ingerlataani, nittartakkami attaveqatigiiffinnilu allani inuit Arctic Circle pillugu oqaluttuat aqqutigalugit sinnattuaqilersitsissisinnaavatit..
• Imarisassat pillugit pilersaarusiorneq ullorsiutiliorneq aamma paasisitsiniaanerit (digitaalikkut aamma tigussaasumik) aamma saqqummersitani takunnittut amerlassusai qanorlu tiguneqarnerata inerneri (reach &performance) aamma sullitat pillugit ingerlaavartumik misissueqqissaarnermik suliaqartassaatit.
• Malinnaasunik (følgere), najukkami suliaqartunik, kajumissutsimik sulisunik aamma kommunimi suleqatigisanik oqaloqateqarneq aamma attaveqarnissamut sulineq.

Piviusumik pisuttuartarfinnik (trail) ineriartortitsineq

• Nunap immikkoortuani pisuffiit ineriartortinneranni, pilersaarusiornermit aaqqissuussaasumik allagartarsualiornermut, aserfallatsaaliuilluni pilersaarusiornerit aamma najukkami nukissalinnik suleqateqarnermi qitiusumik atuuffeqassaatit.
• DAC-imut aamma ACB-mut nittarsaassinermi periusissianik ineriartortitsineq atuutsilersitsinerlu kiisalu qanoq ilisimaneqarneq (branding) aamma takussaasumik kinaassuseqarneq pillugit suleqatit suleqatigalugit sulineq.
• Saqqummersitsinernut, Pisussanut atortunik suliaqarneq aamma suleqatigiinnermik ersarinnerilersitsinermik tunniusimanermillu nukittorsaasumik pilersitsineq.

Atorfinitsitsineq kisimiilluni isumaqatigiissuteqarnikkut piaartumillu atorfinitsinneqarnikkut pissaaq. Atorfik Sisimiuniippoq Qeqqani nunap immikkoortuani tamarmi suliaqartuulluni. Arctic Circle Business inissamik pissarsiniarnermi ikorfartuisinnaavoq. Pequtinik assartuineq atorfininnermilu angalaneq malittarisassat atuuttut malillugit ingerlanneqassaaq. Suleqatigiinnut sapaatip akunneranut 40 tiimi sulisartunut ilanngutissaatit.

Kinaavit?

• Digitaalikkut attaveqaqatigiinnermik, inuit attaveqaqatigiittarfianni aamma nittarsaassinermik misilittagalik
• Paasissutissanik ingerlatitseqqiinermik piginnaanilik - takussutissatigut allattariarsornikkullu
• PInngortitamik, silamiinnermik aamma nunap immikkoortuanik ineriartortitsinermik soqutigisalik
• Nammineerluni sulisinnaasoq aamma nammineq suliniutiminut akisussaaffimmik tigusisinnaasoq
• Suleqatigiinni amerlanngitsuni annertuumik attaveqarnermik suliaqartuni ingerlalluarsinnaasoq
• Inuuvutit qaqqami assilisaarisinnaasoq aamma kingornatigut Instagrammimi saqqummersitat angusaannik misissueqqissaarsinnaasoq.
• Aaqqissuussaasumik sulisinnaavutit aamma suliatit piviusunngortissinnaallugit.

Neqeroorutigaarput

· Atorfik allanngorartoq, Qeqqata nunap immikkoortuani ineriartortitsinermut sunniuteqaqataanissamut periarfissaqarfigisassat.

· Suleqatigiit amerlanngitsut tamatigoortut aamma suleqatigiikkusussusillit.

· Suliffik Sisimiuniippoq suliassallu nunap immikkoortuani tamarmi ingerlanneqarput.

Arctic Circle Business pillugu

Arctic Circle Business politikkimut attuumassuteqanngilaq, aaqqissuussaavoq namminersortoq. Aaqqissuussami immikkoortut ukua suliarineqarput: takornariaqarneq aamma inuussutissarsiutinik ineriartortitsineq. Inuit nammisortuunermit suliffissuaqarfittut angisuutut ingerlanissamut takorluugallit, politikerinit naalakkersuisunut naapittarpagut. Aallartisaasunut aamma nunap immikkoortuani Qeqqata Kommuniani tamarmi isaavittut arlaannaannulluunniit attuumassuteqanngitsutut inissisimavugut. Arctic Circle Business Sisimiuni pingaarnertut allaffeqarpoq, kiisalu Maniitsumi immikkoortoqarluni.

Qinnuteqaat

Qinnuteqaatit aamma CV pisortamut 13. apriili 2026 nassiunneqassaaq. Apeqqutissaqaruit Pisortaq Naasunnguaq Beck Kristensen naasu@acb.gl / +299 53 36 84-mut attaveqarfiginissaanut tikilluaqqusaavutit