Digitalinngortitsinermut Aqutsisoqarfimmi F2-mut akisussaasorissavatsigit?

Teknikkip inunnut attavilernissaanut pikkoriffeqarpit?

Systemimi ilisimasat pisariusut paasinarsisinnaavigit aammalu ulluinnarnut paasinartunngortitsiniarlutit ataqatigiissaarillutillu pitsanngorsaasinnaavit?

Taava immaqa illit atorfimmut pingaarutilimmut F2-mut Product Owneritut/teamlederitut pisariaqartippatsigit!

F2 pillugu

F2 Namminersorlutik Oqartussani qarasaasiaqarnermi atortuuvoq mianerineqarnerpaat ilagisaat. Taanna ullut tamaasa sulisunit 1.000-it missaanniittunit nalunaarsuinermut uppernarsaasersuinermullu atorneqartarpoq, ajoquteqartussaananilu. Taamaattumik paasissutissat pitsaasuunissaannut, ineriartortitsinissamut aammalu atuisut systemimi ulluinnarni atuisuunissaannut siunissamilu atuisuunissaannut qulakkeerinnittussatut illit pisariaqartippatsigit.

Ilaatigut suliarissavatit:

• F2-mi systemimi piginnittuuneq – tassunga ilanngullugu suliassanik suliaqarneq, support aammalu pilersuisunik aqutsineq

• Sulisunut 1-2-nut ilisimasalittut akisussaasuuneq

• F2-p sulianik ingerlatsinissamut suliffeqarfiullu iluani suleriusissanut naleqquttuunissaata qulakkeernissaa

• F2-mi attaveqaammut ingerlatsineq – taanna atuisut isummersoqatigiinnissamut ilisimasanillu avitseqatigiinnissamut attaveqaatigaat

• Ilinniusianik inerisaaneq attassinerlu (nittartakkatigut ilinniutit, quick-guides, hands-on)

• Backlogimi suliassanik pingaarnersiuineq F2-milu ineriartortitseqqinnissamut siunnerfiliineq

• Paasissutissat pitsaassusaannik qulakkeerinninnissamut suliniutinik aallartitsineq – ingammik aqutsisut isiginiarneqarlutik

• Systemip nutarterneqarnerani piffissallu allanngorneqarnerani siuttuuneq

• F2-supportimi ulapaartoqarnerani ikiuunneq – suleqatigiinneq pingaaruteqarpoq!

Naatsorsuutigaarput:

• Qaffasissumik ilinniarsimanissat ass. Qarasaasiaqarnerup, pisortaqarfinni allaffissorneq attaveqaqatigiinnerluunniit (naleqquttumik misilittagalimmut ilinniarsimanermut uppernarsaateqannginneq oqimaalutaasinnaavoq)

• Suliniutinik ingerlatsinermut misilittagaqarnissaq aammalu ITIL-imut ilisimasaqarsinnaaneq (certificeringimik pissarsinissaq neqeroorutaasinnaavoq)

• Ersarissumik attaveqarsinnaanissat – saqqummiinerni, nutaarsiassani aammalu pilersuisunik atuisunillu oqaloqateqarnermi

• Naammagittartuunissat, ataqatigiissumik sulisinnaanissat allanullu kajumissaarisinnaanissat

• Akisussaaffimmik tigusisinnaanissat, ataatsimut isiginnissinnaanissat aammalu piviusunngortitsisinnaanissat

• Sulianut assingusunut systemimullu attuumassusilinnik ukiuni arlalinni misilittagaqarnissat (piumasaqaataanngilaq)

Suna naatsorsuutigisinnaaviuk?

Uagutsinni ulluinnannut annertuumik sunniuteqassaatit ulluinnaallu allanngorassallutik, aaqqiissutissanut suleqatiginninnissannullu sunneeqataassaatit. Sulisut pikkorissut pisortarlu suleqatigilissavatit, taakkunanngalu inissaqartinneqarlutillu tapersersorneqassaatit.

Kikkuuvugut?

Digitalinngortitsinermut Aqutsisoqarfiup Kalaallit Nunaanni digitalinngortitsineq siuttuuffigaat. Digitalimik aaqqiissutit isumannaatsumik assigiissaakkamillu suliarineqarnissaat qulakkeerniartarpagut aammalu qitiusumik allattoqarfimmi qarasaasiat ingerlanneqarsinnaanissaat ineriartortinneqarnissaallu suliarisaralutigu.

Pingaartitagut tassaapput:

Pitsaassuseq – Suleqatigiinneq – Akisussaassuseqarneq – Ilisimasanik avitseqatigiinneq aammalu ilorrisimaarneq, ataqqinninneq sulianillu ilisimasaqarluarneq aallutaralutigit.

Sulisut katillugit 35-iupput, Naalakkersuisullu Siulittaasuata Naalakkersuisoqarfiannut atalluta.

Digitalimik.gl iserfigalugu paasisaqarnerusinnaavutit.

Paasissutissat

• Misilittakkatit aallaavigalugit immikkut siunnersortitut imaluunniit siunnersortaanertut atorfinissaatit

• Qarasaasiaqarnermi pisortamut toqqaannaq attaveqassaatit

• Akissarsiassat atugassarititaasullu allat isumaqatigiissutit atuuttut malillugit inissinneqassapput (pisariaqassappat nuunnissamut attuumassutillit aamma)

• Ilinnut naleqqussakkamik paasissutissiisoqassaaq – aallartilluarnissat suliniutigissavarput

Aqqutissiuussinissannut piareerpit?

Qinnuteqaatit nassiuguk.

Takuliiv.

Apeqqutissaqarpit?

Qarasaasiaqarnermi pisortaq Aputsiaq Gudbrand Petersen attavigiuk.

Mail: apu@nanoq.gl

Oqarasuaat: +299 345887

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk