Digitalinngortitsinermut Aqutsisoqarfimmi Qarasaasiaqarnermut Immikkoortortaqarfiani Pisortamik ujarlerpugut

Qarasaasiaqarnermut Immikkoortortaqarfiani Pisortatut Naalakkersuisoqarfiit Qitiusumik allaffeqarfiani IT-mik suliaqarneq atajaatsuullunilu, isumannaatsuullunilu niuernerpalaartuunissaata isumannaarnissaannut suleqataassaatit. Ulluinnarni ingerlatsineq periusissatigut ineriartornermik oqimaaqatigiissaarsinnaassavatit taamatuttaarlu sammivimmik, aaqqissugaanermik pingaarnersiuinermillu aaqqissuussaaffimmi soqutiginniffiusumi naatsorsuuteqarfiusumilu pilersitsisinnaassaatit.

Taamaammat Qarasaasiaqarnermut Immikkoortortaqarfimmi Pisortamik misilittagaqartumik iliuuseqarsinnaassusilimmillu ingerlatsinermik patajaatsumik, ineriartornermik isumannaatsumik, periuusissatigullu sammiveqarnermik isumaginnissinnaasumik ujarlerpugut.

Atorfik pillugu

Naalakkersuisoqarfiit qitiusumik allaffeqarfiisa Qarasaasiaqarnermut Immikkoortortaqarfiata qulaatungaaniit suliassai pisortatut akisussaaffigissavatit. Imikkoortortaqarfik 11-nik sulisoqarpoq pingasunillu ilinniartoqarluni, taakkulu imaapput:

• IT-support, suleqatigiinni aqutsisoq 1, IT-Supportit 6, IT-supportimi ilinniartut 3

• Applikationssupporti Product Owner 1, aamma applikationssupporti 1

• IT-mi siunnersortit 2

Suliffimmi ingerlatsineq, support, ineriartorneq, pingaarnersiuineq, isumannaallisaaneq, nioqqutissanik pissarsiviit aqunnerat aamma periusissiorluni pilersaarusiorneq akisussaaffigissavatit. Inissisimanermi ersarissumik sammiviliisinnaanerit ulluinnarnilu inernernut aalajangersimasunut qulakkeerinnissinnaanerit piumasaqaataavoq.

Aqutsisoqarfinnut, qarasaasiani sakkugineqartuni atuisunut aamma avataaniit pilersuisunut qitiusumik suleqataassaatit. Suliffeqarfinni paasinnilluarsinnaaneq, oqaloqateqarluarsinnaaneq, qarasaasianut tunngasut qanoq pitsaanerpaamik suliffeqarfiup pisariaqartitai angusinnaanerai paasisinnaanissai pisariaqartipparput.

Atorfimmi atorfinitsitsinermi isumannaallisaanikkut akuerineqarnissat atorfeqarninnilu isumannaallisaanikkut akuerineqarnerit attatiinnassagit pisariaqarpoq.

Pingaarnertut suliassatit

Qarasaasiaqarnermut Immikkoortortaqarfimmi Pisortatut ilaatigut uku akisussaaffigissavatit:

• Qarasaasiaqarnikkut ingerlatsinerup aalajaatsuunissaa, isumannaatsuunissaa, pitsaasuunissaalu atuisunillu pitsaasumik misigisaqarfiunissaa kiffartuussinerillu pitsaasuunissaat isumannaarlugu

• Qarasaasiaqarnermut Immikkoortortaqarfik suliatigut aaqqissuussaanikkullu aqullugu inerisarlugulu, taassuma ataani aaqqissugaaneq, pingaarnersiuineq sulisunullu ersarissumik sinaakkusersuineq.

• Qarasaasiakkut suliaqarfimmi sammiviliineq periusissallu pingaarnersiorlugit, piviusunngortillugit suliaralugillu.

• ITIL-periuseq tunngavigalugu susoqaraangat aammalu allannguutit suliaqarnermi iliuuseqarneq pitsaasoq isumannaarlugu

• Qarasaasiatigut suliniutit isumannaallisaanermilu iliuusissat pisortat, qarasaasiatigut sakkunik piginnittut pilersuisullu qanimut suleqatigalugit ingerlallugillu pingaarnersiorlugit

• Immikkoortortaqarfimmi aamma qitiusumik allaffeqarfimmi aaqqissuussinermi qarasaasiami sakkunik piginnittut pilersitsisullu pitsaasumik ingerlanissaannut suleqataaneq peqataaneq.

• Ilisimasalittut nioqqutissanik pissarsiviit aqullugit, taassuma ataani naatsorsuutigisat aalajangersorneri, nassiussat malittaqartinnerisa pitsaassusaasalu pitsaassusaannik qulakkeerinninneq

• Aqutsisut suliaqarfiillu qarasaasiatigut periarfissat, kingunerit, navianassusaat pingaarnersiuinermillu siunnersorlugit.

Kinaavit?

Qarasaasiatigut attuumassusilimmik ingerlaqqiffiusumik ilinniagaqartutit qarasaasialerinermi suliaqarfimmi aqutsinermik ingerlatsineq, ineriartorneq suliffeqarfinnillu suleqateqarfiusumik qitiuffiusumik misilittagaqarluartutit takorluugaraarput.

Immikkut pingaartippagut:

• Qarasaasiatigut ingerlatsinermi, kiffartuusinermi aamma/imaluunniit qarasaasiatigut aserfallatsaaliuinermi misilittagaqarnermut uppernarsaatit

• Periusissat ingerlatsinermut, aaqqissugaanernut pingaarnersiuinernullu pisinneranut misilittakkat

• Nioqqutissanik pissarsiviit aqunnerani avataaniillu suleqatinik piviusunngortitsinerit misilittagaqarneq

• Qarasaasiatigut suliniutinut aqutsinermi allannguutillu atuutsilernerani misilittagaqarneq

• ITIL-imut ilisimasaqarneq aamma ajornanngippat enterprice ilusilersugaaneranut governance-mullu paasinnissinnaaneq

• Paasissutissat isumannaatsuunissaannut misilittagaqarneq aamma qarasaasiatigut pilersuinikkut aalajaatsuuneq isumannaatsuunerlu

• Attaveqaqatigiinnermi pisinnaasaqarluarneq aamma qarasaatianut tunngatillugu ajornartut aqutsisoqarfimmut, suleqatinnut suleqataasunullu ingerlateqqissinnaallugit.

Inissisimanermi piginnaasat pingaarnerpaat

• Aqutsisoq ersarissoq tatigiuminartorlu

• Suliani unamminartuni takussutissanik, sammivinnik eqqissisimanermillu tunniussisinnaaneq

• Inunnut, ingerlatsinermut periusissatigullu anguniakkanik takunnissinnaaneq

• Aaqqissuussaanermi pisariaqartitat Qarasaasiaqarnermut Immikkoortortaqarfiup tunniussinnaasai ataqatigiisikkusullugit akisussaassuseqarneq suleqateqarluarsinnaanerlu

• Atuuffinni unamminartuniissinnaaneq, unamminartorsiorfinnilu suliassat inissiisinnaaneq

Qinnuteqartunut oqaloqatiginninnerit

Allannguisoqariataanngippat pilersaarutigineqarpoq ullumi ukunani qinnuteqartut soqutiginartut oqaloqatiginissai:

9. juni 2026, nal. 12:00-15:00 aamma

10. juni 2026, nal. 12:00-15:00

Uagut pilluta

Digitalinngortitsinermut Aqutsisoqarfik anguniagaraa inuiaqatigiit qarasaasiaqarnermut inerisarnissaa. Tassungalu atatillugu sapinngisamik periutsit ataqatigiisakkanik inerisaaneq. Pingaanertut Namminersorlutik Oqartussat nunarpullu qarasaasiaqarnermut inerisarnissaa anguniaragalugu.

Aqutsisoqarfiup akisussaaffeqarfii annertupput tunniussinissatsinnullu naatsorsuutit qaffasipput. Kalaallit Nunaanni qarasaasianermut ineriartorneranut qitiusumik akisussaaffeqarnerput suliassallu suliatigut, tunniusimaneq tunniusimanerlu pigalugit suliaqartarnerput tulluusimaarutigaarput.

Uagutsinni ulluinnarni pisariusunik allannguisinnaanissamulli periarfissaqarluartunik naapitsissaatit Peqqissaartuuneq, ikioqatigiinneq, suliatigut qaffasissumik inissisimaneq aammattaaq suliatigut inuttullu assigiinngissuteqarnermut ataqqinninneq pingaartitaraagut.

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-mi maanna inissisimavoq. 1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.