Digitaliseriinermik ingerlatsinermi aqutsisussamik

Kommuneqarfik Sermersooq pikkorissumik soqutiginnittumillu Digitaliseriinermik Ingerlatsinermi Aqutsisussarsiorpoq ulloq 01.01.2026 atorfinittussamik imaluunniit tamatuma kingorna siusinnerpaamik.

Digitaliseriinermik Qarasaasialerinermut immikkoortortaqarfimmi suliaqarfittut nutaatut pilersinneqarpoq, siunertaralugulu kommunimi digitalinngortitsilluni ineriartortitsineq tapersersorneqaqqullugu. Immikkoortortamit suliarineqassapput kommunip sullissinerisa digitalinngortinneqarnerannik siuarsaanissaq, suleriaatsinik pitsanngorsaaneq aamma innuttaasut sulisullu digitalikkut periarfissaasa annertusarnissaat.

Digitalinngortitsinermik aqutsisutut immikkoortortamik aamma kommunimi digitalinngortitsinerup pilersaarusiornerani ilusilersueqataassaatit, kisianni tassunga ilanngullugu taassuma iluani ingerlatsinermik sulisinnaanerit aamma naatsorsuutigineqarpoq.

Atorfik ulloq naallugu suliffiuvoq, qarasaasialerinermi pisortap ataaniilluni.

Atorfiup imarisaa:

Digitaliseriinermik aqutsisutut kommunimi siunissami digitaliusumik ineriartortitsineranik ingerlatsinermut qitiusumik atuuffeqassaatit. Periusissianut aamma sulianik ingerlatsinermut tunngasunik akisussaaffeqassaatit, aamma digitalinngortitsinermi anguniakkat aaqqiissutinut aalajangersimasunut piviusunngortissinnaassavatit, tamakkua innuttaasunut sulisunullu naleqarnerulersitsisut. Suliassatit ilaatigut makkuupput:

·Digitaliseriinermik suliniutinik pilersaarusiorneq ataqatigiissaarinerlu, ilanngullugit piumasaqaatinut erseqqissaanerit, piffissamut pilersaarutit, nukissanik pingaarnersiuineq aamma anguniakkanik malittarinninneq

·Ulluinnarni ingerlatsinermi suliassanullu peqataaneq

·Aqutsisunik, suliffeqarfimmi ingerlatsivinnik aamma soqutigisalinnik allanik qanimut oqaloqateqarnerit suliffeqarfik akimorlugu suleqatigiinnernik pitsaasunik ingerlalluartunillu qulakkeerinnikkumalluni

·Periarfissanik ilippanaatinillu digitaliusumik ingerlanneqarsinnaasunik suussusersisaqarneq, kiisalu aaqqiissutinik nutaanik atulersitsinermik aqutsineq

·Qarasaasialerinermut pisortaq qanimut suleqatigalugu Digitalinngortitsinermut immikkoortortap ineriartortitsineranut ilusilersorneqarneranullu akisussaaneq

·Qarasaasialerinermik aamma Digitaliseriinermik sulisunik siunersioqateqartuarneq

·Suliassat takkussuuttut

Suliassat qarasaasialerinermik immikkoortortami sulisut, kommunimilu sulisut allat, ingerlatsiviit avataanillu suleqatit suleqatigilluinnarlugit suliarineqartarput.

Qinnuteqartunut naatsorsuutigisat:

Naatsorsuutigaarput illit suliamut ima tunuliaqutaqartutit kommunimi digitalinngortitsinermik suliniummik isumannaatsumik pitsaassuseqartumillu ingerlatsisinnaallutit Taakku saniatigut makku pingaartippavut:

·Qarasaasialerinermut, digitalinngortitsinermut, suliniummik aqutsitsinermut imaluunniit suliassaqarfinnut assingusunut naleqquttumik ilinniarsimaneq

·Sivikinnerpaamik qaammatini pingasuni aqutsisimaneq imaluunniit digitalinngorsaanermik suliniutini anginerusuni peqataasimaneq, ajornanngippat pisortani

·Teknikkimik paasinnittaaseqarluarneq paasiniaaqqissaarnermullu piginnaasaqarluarneq

·Allannguinermik siunertalimmik aqutsinermik aamma suliffeqarfimmi atulersitsinernit misilittagaqarneq

·Digitaliusuni sakkussatut atugassanik pilersitsinermik misilittagaqarneq iluaqutaassaaq, piumasaqaataanngilarli

Pingaartipparputtaaq:

·Aalajaanneq, pitsaassutsimik ilisimasaqarluarneq immikkuualuttunillu maluginiaasinnaaneq

·Tamakkiisumik takunnissinnaalluni ataatsikkut arlalinnik suliaqarsinnaaneq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaaneq

·Nammineerluni sulisinnaaneq, akisussaassuseqarneq sullissiumatunerlu

·Sulianut atatillugu eqaatsumik suleriaaseqarneq sulianillu agguataarinermi nalimmassaajuarsinnaaneq

·Ulloq ulapaarfiugaluarpalluunniit ukkatarinnillutit aaqqissuulluakkamillu sulisinnaaneq

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartarneq

·Siammasissumik suleqateqarluarsinnaaneq

·Arlalinnik oqaaseqarneq (kal/dk/eng) iluaqutaassaaq piumasaqaataanngilarli

Neqeroorutigaavut:

Suliffik unammillernartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaffiusoq. Pingaartipparput patajaatsumik suliassanut suliffimmullu pulatikkiartortinneqarnissaq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut. Tamatuma avataatsigut neqeroorutigaavut:

·Aaqqissuussaanermi ineriartortumi pingaarutilimmik atuuffeqarneq Kommuneqarfik Sermersuumi siunissami digitalinngortitsinermut annertuumik sunniuteqarsinnaaleraluttuinnarnerani pingaaruteqarluinnartumik atuuffeqarneq.

·Suliniutinik aqutsinermi, aaqqissuussanut imaluunniit pikkorissarnerni naleqquttuni uppernarsaammik peqalersinnaanermut periarfissat

·Suliamut piginnaasanik inuttullu ineriartornermi periarfissat

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Qarasaasialerineq aamma Digitalinngortitsineq IT-lerinermi pisortaq Jóhan H. Dam-Davidsen, oqarasuaat +299 52 91 02 imaluunniit e-mail: jdda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1206-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 9.-at, 2025

Atorfik una qinnuteqarfigiuk